ألحقوني أهل زوجي جايين بكرة عندي و مو عارفة أسوي شي

الله يكون فعونك
انا اليوم متهاوشه مع زوجي ولا طلعت عند اهله وعندهم عشا وامه تعبان بس اقسم بالله نفسيتي بالحضيض ماعلينا
انا بعطيك حلا امس سويته ومره لذيذ اعجب زوجي وصاحبه
بسكوت مغمس بحليب سايل لازم يكون لين مو ناشف
وبعده ك1 سميد محموس بالنار
وك1 سكر مطحون
وك1 جوز هند (نارجين)
وحبه قشطه
تخلطينهم مع بعض وتحطين السميد فوقهم
وتحطينه فوق البسكوت
وبعدين
6 حبات كيري مع نص علبة نستله
بالخلاط وتحطينه فوق السميد
وبعدها تزينينه بالهيرشي يا اما خطوط عشوائيه او ع شكل شبكة عنكبوت
وبالنسبه للموالح صراحه ما اعرف
بس برضو امس اخدت توست وعملته مثلث ودهنته مايونيز وكاتشاب
وحطيت فوقه نوعين زيتون اخضر واسود وسجق (نقانق)
ورشيت عليه جبنه وحطيته بالفرن حتى تحمرت الجبنه واستوى السجق
وعندي فكره امي كانت دايم تسويها ومره احبها
ادا تعرفي تسوي شيره ههه<< ما اسويها لاني ما ازبط الشيره
بف باستري احشيها شوي قشطه وكيري طبعا مخلوطه في صحن وتحشين
وبعدها قفليها مثلث ودخليها الفرن ربع ساعه ع نار واطيه من تحت وع نار من فوق ربع ساعه تانيه او لين تحمر بث
كنت انبسط والله يوم يجي ناس فجأة كانت تقولي انتبهيلها وكنت لاززم اكل منها ههه
طبعا فوقها تحطي شيره
واش كمان
ام
عاتي لو حشيتي البف باستري جبنه بيضا وزيتون ونعناع وقفلتيها تطلع واو مع الشاهي <<<مطلعه البف باستري وجالسه افكر واش احشيه لي ولك ههه
يلا اهم شي اني رديت
وادا زبطت البف باستري بنزلك صورته << عشان احمسك خ
يلا عسل بالتوفيق ان شاء الله

ممكن تعملي حلى تره يجنن راح يدوخو منه نبدأ باسم الله
المقادير : كوب توست مطحون - كوب فستق مططحون - ملعقه بيكنج بودر - هذي حطيهم على بعض وخليه على جنب تمام
اللحين حضري : 4 بيضات - 1 ملعقه فانيليا - نص كوب سكر - نص كوب زيت
اخلطي البيض مع الفانيليا وعدين حطي الزيت والسكر وخلطي حتى يذوب السكر بعدها حطي خليط الفستق وخلطيهم تمام وصبيه في صينية مدهونه زيت ودخليه الفرن حتى تستوي.
خريجها وخليها تبرد الطبقه إلي على الوجه ممكن تسيحي مارس في المكرويف مع قطعة زبده ودهني الوجه بس كوني حريصه ما تنشال معك الطبقة وخليها بالثلاجه لين تقدميها او اخلطي جبنة كيري او مثلثات مع الحليب النستله بدل الشوكولاته راح تكون حلوه وحدقه ترى حلوه برضك كليها ودعلي ترها مره جان وراح تكسر عينهم لاني مثلك اهل زوجي ما يعجبهم العجب ولو رحتي عندهم يقدمولك بس القهوه حاف وان احسنو عليكي حطوا تمره

فيه حلى ثاني اخف ممكن تحطيه معاه
نصف علبه نستله + 6 حبات جبنة كيري او مثلثات
تخلط مع بعض وبعدين صبيها في اوراق الكب كيك الصغيره ورصيها بصينية ودخليها الفرن حتى تحمر من تحت وتنتفخ من فوق
خرجيها .
اللحين حطي بكت كريم كراميل ونص كوب ماي على النار حتى يغلي واختبريه بالملعقه انها تجمد بسرعه حطي مقدار ملعقة صغيره على كل حبه وخليها بالثلاجه لحين التقديم وبالعافيه

عروس تبوك مرة شوكرن ياقمر
بس عندي سؤال معليش تحمليني شوي !!
الحين الي فهمتة ان السميد وجوز الهند والسكر المطحون والقشطة أخلطهم زين مع بعض كلهم مرة وحدة
بعدين أصبهم فوق البسكوت صح او لا ؟؟؟؟؟؟؟؟؟؟؟
او انك تقصدين أني أخلط جوز الهند والسكر والقشطة فقط وبعدين اصبهم فوق البسكويت وبعدين أرش فوقهم السميد؟
يعني اجيب سؤالي بطريقة اخرى السميد افصلة عنهم ولا اخلطة معاهم ؟؟
وشكرا على تعاونك يا حلوة معاي

منتهى الالم كمان انتي عندي لك سؤال
الحين قلتي لي كوب توست مطحون !!!!!!!!!!!!!!!!!!
اول مرة اسمع ان التوست ينطحن <<< معليش اعذريني لاني مو شي بالطبخ
كيف اطحنة وهو لين ؟؟؟؟؟!!!

ناعمة مرة
معليش يا قلبي
مره تأخرت عليك واتوقع انهم جو عندك
لكن انا اقوولك السميد بعد ما يتحمس ع الطاوه ويصير لونه ذهبي مايل للبني
تخلطينه مع جوز الهند والسكر والقشطه وبعدها تحطينه ع البسكوت
يعني الحلا عموما كدا:
الطبقه الاولى : بسكوت مشرب حليب ..
الطبقه التانيه : السكر وجوز الهند والقشطه والسميد المحمس ..
الطبقه الثالثه: الكيري والنستله ..
وبعدها تزينينه بالهيرشي وبث
وبحاول انزل لك صورته بالطريقه لاني سويته اليوم وصورته

وبالنسبه للاخت اللي قالت لك اطحني التوست
انا اقولك ادا عندك الخلاط الكبير مو حق العصير لا التاني
او الخلاط الصغير حق البصل اللي يفرمه
تحطين التوست بعد ما تقطعيه وتفتتيه
وشغلي الخلاط
يعني الخلاط اللي جوته زي السكين خ
عليا وصف ههه
وبس يفرمه يصير زي مفتت مره ما اعرف كيف اوصف لك زي الرمل تكرم النعمه

حاولت ارفع الصور من كدا مركز تحميل بس ما عرفت
احااول بالليل ارفعها

حاولي تسوي بف باستري اذا عندك قطعيه مربعات او اشتري المقطع الجاهز واحشيه جبن كيري ولفيه مثلث ودخليه الفرن بس من فوق حتى يحمر واقلبيه واذا خلصت رشي عليها عسل ام لذيذه كل اهلي يعشقوها .......
كمان ممكن تاخذي كل مربع وتحطيه بصينيه الكوب كيك وتحشيه بالشعيريه المحمره وتدخليها الفرن واذا نضجت صبي عليه حليب مركز ............
طريقه القواقع : كوب ونص دقيق ._ نص كوب زيت _ نص كوب سميد - نص كوب ماء _ سكر حسب الرغبه _ تعجنيها وتتركيه 10 دقايق بعدها افرديها وقطعيها واحشيها بجبنه البقرات الثلاث وقفلي الاطراف واقليها بالزيت وبعدها تشرب بالشيره ....
هذي طريقه عجينه تهبل كانها قطنه ممكن تحشيها باي شئ وتعمليها كروسان او اقماع او بيتزا (اللي تحبيه )
دقيق ( 3 كاسات ونصف )
فنجان قهوه زيت او فنجان شاي ما تفرق
شوي سكر
ملعقه كبيره خميره فوريه
ملعقه صغيره ملح
ملعقه كبيره بيكنج بودر
ماء دافئ للعجن ( اهم نقطه المويا تكون دافيه )
ممكن تحطي شوي لبن مو تكثري فنجان قهوه كفايه
اعجنيها لمده ربع ساعه كل ما طولتي بالعجن طلعت العجينه اروع .. اتركيها حوالي ربع ساعه او حتى تخمر وابدي افرديها واشتغلي عليها وعوافي ...
اعذريني على الاطاله واي سؤال انا بالخدمه