أمس كلمت الشيخ عبدالكريم المشيقح تعالوا شوفوا وش قالتس لايفوتك

صباح الخير..والمسك والفل والكادي..
اخواتي كيف حالكم؟ والله العظيم ابي الاجر والخير لكم..
مالكم بالطويله..
امس كلمت الشيخ عبدالكريم المشيقح.. المهم قلت له ياشيخ ابي احوالي تتغير انا ماعندي وظيفه ولاني متزوجه وابي الخير والرزق الكثير.. قالي الشيخ:: بقولك على اربع اشياء تسوينها : تسوينها تسوينها:: قلت زين..
اول\ ارضي الله مهما كان.. خلي هدفتس بالحياه رضى الله..
ثانيا\ دايم كوني على وضوء..دايم على وضوء.. قالي الايه" ان الله يحب التوابين ويحب المتطهرين"
ثالثا\ رددي دايم سبحان الله والحمدلله ولااله الا الله والله اكبر..ذكر لي حديث بس نسيته قالي ان الله يحب هالكلمات.. ياليت الاخوات اللي تعرف الحديث تذكرنا فيه..
رابع\ مهمه مهمه مهمه ان كل يوم تتصدقين لو بريال او بكسره خبزه لهندي بشارع او علبه ببسي لهندي بشارع او حتى تمره.. او عرفتي ناس فقراء تصدقي عليهم..قالي اذا ماعندتس فلوس تصدقي حتى لو مثال تطبخين وترسلينه لحد فقير او ترسلينه لهنود يبنون بيت او اي هنود او اي شي..او مثال بعشرين ريال اشتري حبه رز بخاري وارسلها للعمال حتى لو كانوا حقين محطه اللي يعبون البنزين.. المهم قال لازم يوميا... وجاب لي الحديث..مااذكره بس اللي فيه ومعناه ان تدخل السرور على قلب مسلم.. تخيلوا قالي انتي سويها لوجه الله واذا ارضتي الله راح يرضيك... قالي راح تشوفين التغير...وقالي يمكن يمكن يمكن امورتس تتعسر وتحسين بضيق بس قالي معليه كملي لان هذا الضيق معناه ان الخير بجي لتس.. والضيق هذا من الشيطان لانه مايبي تسوين خير عرفتوا يابنات...
المهم اللي خلاني ادق على الشيخ لاني سمعته في قناه بدايه قال في بنت كلمته عندها مشكله او زي تسذا..المهم هي مو متزوجه..الشيخ قال لها التزمي هالاشياء الاربع اللي فوق.. يقول التزمتها وسوتها يقول في اقل من مده بسيطه اتوقع اسبوع.. يقول كلمتني قالت ياشيخ انا خطبتي هالاسبوع من رجل اعمال سعودي..من اكبر تجار الخليج.. وقصص كثير...
ياختي وش رايكم نلتزم بها الاشياء لوجه الله..وش رايكم..اللي ماعندها فلوس يااختي حاولي تدبرين عشره ريال ومن هالعشره طلعي كل يوم ريال وقلي للسواق او احد اخوانتس او اي احد وقولي اشتر ببسي وعطه اي هندي .. حاولي.. او اذا انتي رايحه لدوام خلي اللي يوديس يوقف عند بقاله واشتري بخمس ريال اي شي وعطيها هنود..
بعدين نسيت اقولكم الشيخ قالي خلي همك رضى الله ثم ادعي مثال انتس تقولين يارب تصدقت عشان ارضيك يارب ارضى عني ويارب عطني ""قولي حاجتس"
يالله خلونا نشجع بعض... يالله اللي تبدى معي تكتب تحت..
يالله نبداء بسم الله وعاى بركه الله انا رقم 1 من رقم 2؟؟؟؟؟؟
منقول للأمانه
وبصراحه شخصيا بديت من اليوم والله يفرجها علينا وعليكم يارب