أم الحالة وربي قهر

السلام عليكم ورحمة الله وبركاته
صباح الورد فراشاتي العزيزات
اليوم صار لي موقف غبي بس يقهرر مع زوجي ..
زوجي منوم بالمستشفى لانه بيسوي عملية جيوب انفية .. الله يقومه بالسلامة يارب ..
اليوم العصر قبل مااروح للمستشفى رحت بيتي عشان أنظفه وأكشخه عشان اذا طلع بالسلامة يستانس يشوف كل شي مرتب وخليت البيت رومانس ..
دق علي وقال لي بسرعة تعالي الحين قلت له ماخلصت تنظيف قال بلا تنظيف بلا خرابيط يلا تعالي الحين .. بنبرة عصبية ..
أنا قلت يمكن إنه مشتاق لي ويبي يشوفني <--- مسكينه على هالتفكير ..
المهم تركت اللي بيدي ماخلصت شغل رحت للمستشفى يوم دخلت لغرفته كان عنده اخوانه وواحد من اخوياه وزوجته ..
دخلت وسلمت وجلست .. شوي شوي طلعوا كل اخوانه وخويه بعد طلع مابقى الا انا وزوجة خويه وهو ..
قالت لي افتشي بشوفك .. أنا استغربت من سؤالها .. قلت لها لا بعدين ..
المهم زوجي يناظرني ويقول لي افتشي قلت لك ..
المهم الحرمه شكلها زعلت (( بالطقاق )) قالت انا طالعه مع السلامة ..
يوم راحت هاوشني زوجي قال فشلتيني معها هي من زمان جايه هنا تبي تشووفك ..
أنا انقهرت منه قلت له ليه ماقلت لي من قبل لأني مااستعديت وكنت مستعجله وماحطيت ميك اب ..
عصب علي وقال يلا بس روحوا البيت (( يقصدني أنا وبنتي )) مالي خلقكم
ورحنا .. وبس
اللي قااهرني للحين إنه استعجلني وغثني عشان وحده ماتستاهل