أنا وذوقي شي خيآل عرايس جده والدبش ء

السلام عليكم ورحمة الله وبركاته
يا عرايس جده والعرايس الي راح يجهزوا دبشهم من جده
هذا موضوع ان شاء الله يفيد الكل
فكرته :
المحلات الي تزوريها وتعجبك بضاعتهم ..
المحلات الي مسوين تخفيضات على بضاعة حلوه ..
محلات "محد داري عنها" ومهضوم حقها وتفيد العرايس ..
محلات اللانجري المميزه بما انو ما عندنا خبره فيها ..
تاجرة من منتدانا "امينة" وبضاعتها هاي كولتي ,,
بالمختصر
ياريت كل وحده عجبها محل في جده وتعتبره فرصه لا تعوض
تيجي تقول لأخواتها وما تبخل عليهم ..
ولا مانع من الصور طبعا .. راح تخلي الموضوع احلى اكيد
وهذا العشم فيكم
يلا راح ابدأ انا بسم الله ,,
زرت محل اسمه Unique boutique بالرد سي مول
يا بنات بضاعته خيآل وستايل فخم جدا زي الممثلات في المسلسلات التركية ..
القطعه ثمنها فيها وتستاهل شي فخم وذوق بنفس الوقت
<---- اجل تتابعي مسلسلات ها ..
بس تخيلو رحت له قبل كم يوم بالصدفة ولقيت ... 50% تخفيض
يعني الملابس الفخمه الي كانت ب 500 وفوق .. صارت بنص القيمه ..
بخصوص اللانجري لقيت وحده بالفيس بوك من جده
اسم صفحتها بالنسخ :
لانجري شوب متجر ريما (الصفحه الجديده)
ولكن مالي تجربه معاها لسى
وكل المحلات عموما فيها تخفيض دي الفتره بس وين البضاعه الي تستاهل نروح لها..
يلا صبايا شدو الهمه ..
واهم شي تخلي نيتك لوجه الله في النصيحة لعل ربي يفرج لك بنصيحتك هذي كربه ..
ملاحظة:
الرجاء المحافظة على الحوار البناء المفيد الي يتعلق بموضوعنا
بعيداً عن المحادثات الهامشية عشان ما نضيع
ومبروك ل عرايسنا مقدماً ..
الله يتمم لنا على خير ..