أنا وصديق أخوي

1. أنا:زيد بطل هباله بسرعه قول لي أمي تراها تحاتيك


2. هو:انتي تبغين زيد؟

السلام عليكم والرحمه أنا كنت أذاكر وطرى علي هالموقف وحبيت أقول لكن عليه،،،،،،،،،
الموقف مرة أخوي جاي من الظهران بعد ماأنهى نصف دراسته بالمعهد الفني للطيران وراح للمنطقة اللي محافظتنا تابعة لها لأن بحساباتنا انه راح يجي منها بعد كم يوم المهم اتصل أخوي ع الثابت وطيران أنا وأختي نتسابق عليه،هالمره فزت ورديت وقال لي انه راح يرجع للظهران لأنهم طلبوه مرة ثانيه،،،
الفرحه انطفت بوجه الماما لما قلت لها انه راح يرجع، فقالت لي كلميه من جوالي واتأكدي منه......
ملاحظه/(أخوي لما كان بالمعهد كان ياخذ موبايل صديقه ويكلم ماما ،،،،،علشان كذا سجلت رقم صديقه بإسم أخوي)
أنا من قرادتي اتصلت والشاهد الله اني موعارفه انه رقمه،،،،،،،، طوط طوط طوط
أنا: ألو"وبدلع"
هو:هلا والله
أنا:هلا فيك شخبارك ترى أمي ابلشتني تقول لازم تتصلي وتتأكدي انه راح يرجع صدق تبغى ترجع وللا لا بسرعه رد لأنها أكلتني من اليوم تقول لي لاتطولي حتى ماتصفقها الفاتوره؟
هو:عفواً اختي من بغيتي؟

أنا:زيد بطل هباله بسرعه قول لي أمي تراها تحاتيك

هو:انتي تبغين زيد؟

أنا: "وبلقافة لأن زيد دوم حركاته كذا"إيه أبغاه انت وفايسك ماما قاطعتنا وسألتني عن الزيت اللي كان فالمطبخ وقلت لها ان الشغاله حطته في الزباله وقالت لي عسى ربي يرميك انت وهالخبله ببرميل الزباله مثل مارمتنه حسبي الله عليكن جديد كيف ترمنه(هذا الحوار وهو يسمع) أن جلست أضحك على دعوتها وقعدت أقول له :تخيل شكلي بالزباله ههه هو:
أنا :عاد وجع تبغى تجي وللا لا؟
هو:هذا جوال صاحب زيد اختي انتي غلطانه
أنا:على طول قفلت طوط وط طوط رميت جوال ماما وعلى طول لغرفتي أبكي من الإحراج ياويح حالي أنا وش سويت؟وش أقول لماما؟وش أقول لأخوي لو قال له
عاد هو من طيبته أو نذالته راح وقال لأخوي وأمنه انه مايخاصمني
أما ماما فما بقت كلمه ع الأرض إلا وقالتها لي
وبعدين أرسلت له مسج"متأسفين"
أما أخوي جلس يضحك علي أنا وخبالي
وانتهت السالفه