أنتشر التصرف حتى أصبح ظاهرة فهل من حل

يا اختي وربي كلامك صادق
ولا كلمه غلطتي فيها..... بس ياليت لو بس يرد الكلمه
هو راضي ولا لا
بس الله يهدي الكل ياربي امين ويرزق لك بنت ولد الحلال الي يستر عليها
امين
اخك/ ام وليد

فعلا موقف جدا سىء خصوصا لمشاعر البنت يعني هي مو عارضة ازياء يدخل يشوفها ويطلع بدون اي تعليق ،، على الاقل مفروض يكون الجواب جاهز مهما كان سواء بالرفض او القبول ، فعلا انا دايم افكر بالموضوع هذا خصوصا انو من اول عارف البنت نوعا ما من وصف اهله لها فالمفروض من امه ماتترك الموضوع بدون اي كلام لان مثل ما للناس بنات هي عندها بنات بعد ولا ترضي يصير لهم هذا الموقف ,, ومشكوره ع الموضوع ياعسل

والله ااخواتي الغلط مو من العريس واهله والله بالنسبه لي الغلط من اهل البنت اللي حطو بنتهم في موقف لاتحسد عليه .. المفروض انه بعد ماتوافق البنت والولد على بعضهم ويسوون الهديه يشوفها النظره الشرعيه ليطمأن قلبه بس (الهديه=مناسبه تعمل بعد الموافقه إثبات صفاء النيه يقدم فيها العريس هديه متنوعه من جميع اصناف الملابس والعطورات والاحذيه وطقم الذهب )

عاشقة الأحساء (أم الوليد) ،،، الآنسة الصغيرة
يعني مجتمعكم مثل مجتمعي فيه هالظاهرة شاكرة لكم مروركم العطر وبارك الله فيكم
والله يرزق جميع البنات الرجال الصالحين يارب ويهون عليهم النظرة اولاً ثم الملكة والزواج يارب
butterfly pink
هلا عزيزتي
يالغالية من حق الولد يشوف البنت لانها شريعة الرسول صلى الله عليه وسلم
بس في السابق كانت تتم الشوفة بشكل روتيني وبعدها تجي الموافقة طبيعي لانه عارف عن البنت وسامع عنها
لكن الآن الوضع تغير اهل البنت ماعرضوا بنتهم لاي شخص ، الشخص اللي متقدم ويبين رغبته ورغبة اهله وصدقهم في مناسبة العائلة يسألون عليه وإذا طلع فيه الخير والكل اثناء عليه يجي القبول من البنت واهلها
وبعدها تكون الشوفه الي تحسم الموضوع يعني مو اي واحد تطلع له ... اللي راغب فيها وهي قبلت في مواصفاته واخلاقه مبدئياً لابد يكون فيه نظرة لكلا الطرفين
لكن الحين ياكثر النظرات الشرعية اللي تتم وسار الواحد ينتظر بعدها المباركة فقط ولكن ربي مايكتب الموضوع
وهالشيء يأثر بشكل كبير على البنت واهلها ايضاً
اشكر لك ردك في الموضوع يالغلا وإن شاء الله وضحت لك الصورة
في إنتظار البقية لاسيما اللي تروح تخطب لأخوها او قريبها ويتصرف هالتصرف ودي اعرف وش الأسباب
في إنتظاركم حبيابتي

الحمد الله احنا الخاطب على وصف امه وخوته ولا في شوفه الا بعد الملكه وكلا بنصيبه راضي شايفه كيف أحنا ناس عاقله

الله يعينكم

((ود))
إيه عاقلين ماشاء الله عليكم
بس النظرة الشرعية سنة عن الرسول صلى الله عليه وسلم ومن حق الطرفين
شكرا لمرورك وتعليقك ياقلبي

طيوب الكل
وياك
بس ماحكيتيلنا وش وضعكم وإلا مثل ود ؟!

صاده لو يرد يقول ما اعجبتني والله ارحم من السكوت
والشرهه مو عليه بس الشرهه بعد على اهله اللي ساكتين مثله