أهلك أو زوجك

1. حقولكم ..

من جد صادقة الأخت الي قالت ما اتزوجنا محنا مرتاحين .. انخطبنا برضو محنا مرتاحين .. عموما الحمدلله على كل حال ..
طيب بعد ما تم الاتفاق بيني وبين خطيبي اني حسكن في نفس البيت ( شقة صغيرة في نفس العمارة ) وبدأ يجهز البيت ويختار البويات ومن هذا الكلام بس لسه ما سوى شي .. جات الوالدة الكريمة ورحنا شفنا البيت ( انا شفتها من قبل بس امي اول مرة )
طلعنا وكان كل شي تمام بس الوالد ماكان مقتنع تماما بعدها بكم يوم جا العريس عشان يزورنا .. االمهم وبينما انا مشغولة في المطبخ اسوي شاهي وكذا .. الوالد طلب من خطيبي انه ياخذلي بيت منفصل وانه هذا الكلام ما ينفع ومن هذا القبيل خرج من عندنا وباين عليه انه كان متضايق اتصلت عليه بعدها بساعتين ورد طبيعي اتصلت ثاني يوم ثالث يوم وبعدها وقفت لانه كذا الوضع ما صار طبيعي لانه هوا الي عادة يتصل اكثر من مرة في اليوم ..المهم في اليوم الثالث قاابل اخوية بالصدفة المهم واتكلمو في الموضوع وقاله هوا ليش زعلان .. ايش تتوقعو السبب ؟؟؟

حقولكم ..

هوا زعل مني لانه يعتقد انه اهلي اثرو عليا وغيرت رأيي مع انه انا ما كنت متوقعة انه الوالد يطلب هذا الطلب خصوصا انه انا قلتلهم اني وافقت على البيت ..انا ما عندي مانع اسكن مع اهله بس يمكن اهلي شايفين شي انا ماني شايفته ..
عموما مر اسبوع ولا اتصل عليا
انا الان موقفي سيئ جدا .. مستحيل اكلمه واقوله ترا انا ما عندي مانع بس هذا كلام الوالد !ومستحيل كمان اروح للوالد واقوله انا موافقة ااسكن مع اهله واكسر كلامه مستحيل طبعا ..
الزوج يجي بداله بس الاب ما يجي بداله ... انا بين نارين فعلا
انصحوني ارجوكم ايش اسوي