إلحقوني يا عرايس ابي مساعدة ضروري

بسمة فرح

21-08-2022 - 01:30 pm

السلام عليكم
والله يافراشات زواجي الاسبوع الجاي وانا قاعدة ادور لي زفة حلوة من النت..
ولقيت زفة عجبتني لحسين الجسمي (من ألف ليلة وليلة) موجودة بموقع (ليل وقصيد)..
بس مش كاملة .. وداخلها صوت للموقع...
بحثت عنها بمواقع الاغاني ومالقيتها..
يا ليت اللي تعرفها وتكون عندها تعطيني اياها ..
راح تكون خدمة ما راح انساها طول عمري.. وأظل داايماً ادعي لها...
تحياتي.. بسمة..

التعليقات (9)

شــــ الــــــروووح ــووق

21-08-2022 - 04:48 pm

اسالي عنها بمحلات الكاسيت اكيدتلقينها عندهم
او اكتبي بقوقل بحث عنها
وبالتوفيق

miss moon

21-08-2022 - 05:49 pm

يالغاليه طرشت لج مسج وراح اساعدج بالاغانى الحلوه الحين

soso211112

21-08-2022 - 06:50 pm

الله يوفقك
للاسف هم قاطعينها علشان نتشري منهم

شنطة امي

21-08-2022 - 07:51 pm

بس حبيت اذكرك ان الموسيقى حراام ولاتبداء اول لحظة في حياتك بشي حراام
الله يوفقك ياارب
سارة

الاسطورية

21-08-2022 - 08:52 pm

عزيزتي هذه الاغنيه تذكر فيها الاسماء يعني فيها اسم العروس والمعرس شلون بتحطينها

alk7yla

21-08-2022 - 09:53 pm

حبيبتي تلقينها عندهم عند واحد اسمه سلطان بنفس المحل بس اذا تبين تكلمينه خلي وحده تكلمه لان اذا كان رجال الي مكلمهم يرفعون القيمه انا كلمتهم وقت زواجي ابي اغنية عبد االمجيد
خلي عينك تناظر طلب مني 700 ريال ويوم كلمهم اخوي عشان يتفقه معاه عيا يعطيها اياه الا بالف ريال وعندهم زفات روعه بس انهم غالين وهذي مشكلتهم
ودوري بمواقع زفات ثانيه يمكن تلقينها

soso211112

21-08-2022 - 10:54 pm

حبوبة فيها اسماء لاقيتها لك
في محل ممكن يبيع من غير اسماء وسعرها رخيص ولو طلبتي يحذفون الاسماء بيحذفون
ايش رايك تبين رقمهم ؟

البنوته

21-08-2022 - 11:55 pm

شيكى الخاص يالحبيبه برسل لك رقم الاخ سلطان اذا تبغين تتعاملين معاه
واللى تبا الرقم تراسلنى

قمر 15^

22-08-2022 - 12:56 am

الله يوفقك في زواجك وانتبهي من الموسيقى للتوفيق
والله يسعدك
في زفات خيال بدون موسيقى

خواتم الزواج تتدلل ما بين السوليتير والذهب الأبيض←
تكفون زواجي مابقى عليه شي ابي زفه→