إللي تدرس الأدب الإنجليزي ضروروي تدخل

السلام عليكم ورحمة الله وبركاته ..
هلا بك اختي المتواضعه لله
بالنسبه للشعر جداً سهل .. مثل ما قلتي اقري القصيده وافهميها ولو فيه كلمه وحده ما فهمتيها ترجميها لانها احيانا تلعب بمعنى القصيده كلها
والتحليل يعتد على فهمك انتي للقصيده على سبيل المثال لو فيه قصيده يكثر فيها ذكر اللون الاسود والرمادي مثلاً .. ممكن وحده تحللها على اساس ان الشاعر يوصف الليل .. وممكن وحده ثانيه تقول ان الشاعر متشائم ولهذا السبب ذكر هذه الالوان
الروايه ..
اولا اقريها وافهميها بالظبط مثل ما قلتي .. وضروري جدا تبحثين عنها في النت .. لان ممكن تلقين توضيح لاشياء رمزيه ما نفهمها .. او امور تحكي عن شي معين في حياة الكاتب او الفتره اللي عاش فيها وغالبا تغيب عن بالنا او ما نعرفها .. فبتساعدك كثير ان شاء الله
اما كيف تكتبين مقال ك تعليق على العمل الادبي .. لا تشيلين هم ابدا مو صعب
في البدايه المقدمه راح تكون على هذا الشكل على سبيل المثال
Out Out by Robert Frost is a poem that talks about ...................
وتحكين عن ال theme بشوي من التفصيل بس ابدا ما تذكرين احداث القصيده او الروايه .. مجرد الموضوع يحكي عن ايش بشكل عام .. وممكن تقولين ان هذا العمل مثال جيد على الشعر في الفتره الفلانيه ... فهمتي علي يعني معلومات عامه عن العمل
طبعا في المقدمه لازم يكون عندك thesis statement
اللي هي توضح الاشياء اللي راح تحكين عنها في مقالك
طبعا لها شروط اذا كنتوا درستوها
بعدها تكتبين المقال على شكل برقرافات منفصله
ونقطه مهمه لو حكيتي مثلا في برقراف عن الشخصيات .. ما تكتبين اي شي ثاني والا يعتبر غلط
وبعد شي مهم .. لما تكتبين المقال حاولي انك ما تعيدين احداث العمل الادبي لان الكل عارفها .. ممكن تستعيني ب quotation قصير جدا كمثال لشي انتي حكيتي عنه
الخاتمه ..
اكتبي وجهة نظرك .. او خلاصة الموضوع كله
موفقه ان شاء الله

مشكورة حبيبتي وربي يجزاك كل خير والل إني إستفدت كثير.
وضحتي لي كيف أبدأ الإجابة في الإمتحان وعسى ربي يفرج همك وينفس كربتك في الدنيا ولآخرة.

ذكرتيني بالهم والغم أنا كنت مثلك وإذا الشيب لسا ماطلع فيك أنا شيبت صدق من هالقسم00
والله لما قريت معاناتك قدعت أدعيلك من قلبي إن ربي يوفقك وتتخرجين من هالقسم قبل لايجننك00
بعدين حبيت أقولك ترا الأساتذه يمشون الأمور على هواهم يعني أحيان أكتب لواحد منهم الأجابه نصآ وأخر شئ أتفاجأ بدرجتي 00وأحيان أكتب على فهمي وألقى درجتي أعلى شئ00
يعني المختصر المفيد البلا فيهم ماهو فيك00
ودمتي بكل الود000

مرحبا صبايا نفس معاناتي بس ألي لاحظته انه الأساتذة يصححون حسب المود او معرفتهم بالطالب نفسة والله يعينج ياقلبي أدعيلي وادعيلج باقيلي كورس واحد يارب أفتك على خير
ودمت بود اختج ياسيد احساسي أبيك

dream of life
مشكورة حبيبة قلبي على الدعاء وربي ينور لك دربك على طول. ......
من ناحية أن الأساتذة يمشون على كيفهم فأنتي صادقة يعني يمشون على أول تيست و أول كويزات,عليها يعتمدون عليها الدرجات ومستويات الطلاب......وبعضهم يكتفون مجرد لو وصلتي لهم المعلومة ومنهم يريدون الإجابات بالتفاصيل...والله بلشة.

سيد احساسي أبيك
يارب يوفقك ويوفقني ويكتب لنا اللي فيه الخير ونعدي هذا الكورس على خير وأنا بعد نفسك هذا آخر كورس ولو باتسأليني شو هو أكبر ندم بحياتي هو أني دخلت قسم الأدب الإنجليزي,,,يعين حسيت عقلي واقف ويزيد الغبي غباء فوق غباءه ...الله يعين

هلا فيك متواضعه
الان انا بالسنة الثانية بالمستوى الثالث والله طفشني هذا وهم مغيرين النظام يعني مو ادب انجليزي بحت
خاصة السعر مو صعب مره بس الدكتورة للحين ماندري من وين مطلعه الاسئله
الله يستر منهن
الله يعمي عيونهن عن اخطائنا يارب
ونعدي هجري السنوات على خير
ونتخرج لول كلوش