إنت نسيتي وكيف أنا أنسى روايه سعوديه رومانسيه حلم خيال

والله القصة حلوة مره و اتحمستلها كثير
انتظرك بفارغ الصبر حبيبتي

واو قصة مرة حماس ومشوقة ومثيرة أنا مرة أحب القصص الي من هذا النوع من جد تسلم يدك ياعمري

يسلموو خيتو
قصه محمسه واختيارك ذوق يالغلا
ننتظرك انا وباقي اخوتك بالمنتدى ع اكمالها

ضياء الامل
انتظرك بفارغ الصبر حبيبتي
تسلميلي ياعسل على مرورك

صراع الامواج
صراع الأمواج تسلميلي ياقمر على مرورك ..والله يسلمك ياعسل

مجد الطفوله
تسلميلي ياقمر على مرورك..والله حمستوني على اكمالها

الفصل التاني...*___^
سامي :اسعاف !! قدام بيتنا , يا ساتر..
راح وشاف اخوانه حول الاسعاف .. واشكالهم ماتبشر بخير ..
سامي : سامر اش السالفه !! أمي فيها شي ؟ فرح فيها شي ؟
سامر لف وجهه عشان يخبي الدموع الي بدت تنزل من عيونه ,
هادي بصوت مخنوق: أمي .. أمي .. يا سامي .. أمي
سامي بعصبيه : أمي اش فيها ؟؟ اش فيها أمي تكلموا
هادي بشهقه: اع ... اعط ......تك .. ع...مر....ها
سامي فقد اعصابه : ايش !! انت اش قاعد تخربط ؟
هادي : الي سمعتاه يا سامي
راح سامي يركض عند السيارة و هادي قام يهدي أخوه هشام الي قام ينتفض من الخوف
سامي : أمي .. أمي
المسعف : خلاص يا أخي .. الوالدة توفت و البقية بحياتك
سامي وبدا ينهار: لا مو ممكن .. مو ممكن .. مستحيل .. امي كانت بخير ومافيها الا العافيه ..
المسعف: اتق الله .. انت انسان مؤمن بربك و تعرف ان الموت علينا حق
سامي و قوته ما اسعفته لكبح دموعه : بس هذي مو انسانه عاديه .. هذي امي ..ذي أمي
المسعف: استغفر ربك .. كل من على وجه الأرض زائل لا محاله و يبقى وجه ربك ذو الجلال و الإكرام
سامي نزل راسه : ونعم بالله
المسعف: الحين ابيك تجي معي عشان نسوي بعض الإجراءات و من ثم تنقل الوالده الى المقبره عشان تتم الصلاة عليها و تدفن
سامي الي ما سمع شي من كلام المسعف هز راسه بالإيجاب و قال : إن شاء الله , إن شاء الله
بعدين تذكر ان فيه في البيت انسانه وحيده ..
يالله .. نسينا فرح ,
سامي : سامر , روح عند فرح في البيت أكيد انها خايفه مسكينه , ما يصير نخليها لحالها
سامر: ما أقدر اشوف وجهها و هي تبكي , ما أقدر افهمني ما أقدر اشوف فرح و هي حزينه
سامي عصب : خلاص خلاص مو وقت الرومنسيه , انت اقعد هنا و تابع الإجاراءات و أنا بروح لها
سامر : طمني عليها .. تكفى ياخوي لا تنساني
سامي : إن شاء الله .. إن شاء الله
راح سامي و ترك وراه سامر الي ما عرف كيف يتصرف و كيف يرد على كلام المسعف و هو لسه مصدوم من وفاة امه ..
سامي دخل البيت و لقى فرح جالسه ع الأرض و مخبيه راسها بين يدينها و ركبتينها , حزن لمنظرها بس لازم يبين قدامها القوة .. عشان ما تنهار اكثر ..
سامي : فرح ..
فرح: ..............
سامي : فرح !!
فرح : ...........
سامي زعل من تطنيشها و صرخ: فرح !!
فرح : ..................
سامي : فرح ردي علي ولا ترى
فرح تشهق بقوه و تروح تركض جهة سامي الي كان واقف بعيد عنها : ولا ايش ؟ تضربني !! تطردني من البيت!!
ولا ايش يا سامي؟؟ .. يعني خلاص راحت الي كانت تدافع عني !! راحت الي ربتني بأصير ملطشه لك !!
حرام عليك .. أنا الي كنت اعدك زي أخوي لا كنت أعدك مثل أبوي تصيح فيني كذا !! هذا و خالتي توها ...
و تشهق فرح شهقه ثانيه أقوى من الأولى و يمسك سامي يدها و يقول : اش هذا الكلام يا فرح ؟؟؟؟
- يا فرح انتِ غاليه علينا كلنا .. انتِ اختنا الصغيره و الوحيده .. ليش تقولين كذا , حتى لو أمي راحت أنا و سامر و سليم وهادي و حتى هشام , لو ما تشيلك الأرض تشيلك عيوننا يا فرح , انت فرح الغالية .. لا تقولين كذا لا تقولين كذا
فرح: - آآ .. آسفه يا اخوي .. بس .. بس .. وخنقتها دموعها وماقدرت تكمل كلامها
سامي وحس ان قواه انهارت:خلاص يافرح لا بكاك ولا دموعك راح ترد المرحومه , تكفين يا فرح لا تزيدين الهم همين و الوجع وجعين .. روحي ارتاحي حتى ينفتح العزا ..
فرح : على أمرك ياخوي
قالت فرح هذا الكلام عشان تريح سامي الي الى الان مو مستوعب ان امه راحت وتركتهم !! وشغله التفكير بمصير فرح
الحين كيف بنعيش و بوسطنا بنت غريبه! يعني الى الآن فرح ما صارت زوجة أخوي ولا حتى خطيبته
و احنا كلنا أولاد !! كيف بتعيش وسطنا .. كيف !!
حتى لو هي رضت , كلام الناس ما يرحم , وانا ما ودي أحد يتكلم عليها , الي يمس سمعتها و كرامتها كأنه يمس سمعتي و كرامتي , يارب .. يارب ساعدني الاقي حل لهالمشكلة ,ولا حس سامي بعيونه الا والدموع قد تفجرت منها ..
دق الجرس ودخلت جارتهم ام فيصل ودموعها سابقتها .. فرح اللي كانت رايحه لغرفتها راحت لعند ام فيصل وضمتها : خالتي .. راحت راحت ياخالتي (وبدت في دوامة البكاء)
ام فيصل : خلاص يابنتي .. ادعي لها بالرحمه .. دموعك تعذبها اكثر .. ادعي ان الله يثبتها عند السؤال
.................................................. .................................................. ....
الأولاد خلصوا الصلاه عليها ورجعوا البيت عشان يستقبلون المعزين كان هشام منهار لاخر حد واخوه سليم جالس جنبه ويهديه,
و سامي كان يتعب لما يشوف اخوانه كلهم في حاله زي هذي لأنه يعتبر نفسه المسؤول عنهم ولا يحب يشوف واحد منهم متضايق, وأكثر واحد كان شاغل باله هو هشام لأنه لسه صغير و محتاج لأمه جنبه , ((الله يرحمك يا أمي)) رحتِ و خليتي على ظهري مسؤوليه كبيره و صعبه , الحين لازم تكون يا سامي الأم و الأب لهشام و حتى لسليم ,لف نظره بين الموجودين و لقى سامر يجاهد دموعه عشان ما تنزل , لاحول ولاقوة إلا بالله .. حتى سامر يحتاج للعنايه لأنه مثل الأطفال , مين ما بكى عليك يا غاليه مين !!
امتلى المجلس بالرجال , و بادر واحد من بينهم بسؤال سامي : سامي يا ولدي .. أبوك لسه مسافر؟؟
امتقع وجه سامي الي ما عرف كيف يرد على سؤال الرجال !! أبوه يغيب بالسنين عن البيت و اذا جا قعد يومين و راح , ابوه ما يقدر أحد ولا يحترم احد بس لازم يعرف بخبر وفاة أمي .. يمكن يتغير !!
سامي : والله يا عمي أبوي يسافر عشان احنا نعيش ,
كان قصد سامي في نفسه انه هو سبب المصايب الي تصير لهم لأنه ابوه كان بس يظربهم هم و امهم , و مره بغى يذبح هادي لأنه تهاوش معاه لما حرق يد ساميه ,
طلع سامي برا البيت و اتصل على جوال ابوه :
هاني : مرحبا
سامي : اهلين يبه
هاني : لا حول .. اف انتم اش تبون ؟؟؟؟
سامي : أنا بس ودي انقل لك خبر وفاة أمي
هاني : الله يبشرك بالخير , ماتت عجوز النار أخيراً , بس اخاف ترجع لأنها زي القطوو بسبع ارواح
سامي : الميت ما يجوز عليه الا الرحمه يا يبه
هاني: اقول انقلع انقلع .. مابقي الا انت تعلمني يا ولد امك
سامي : الله يسامحك يبه
هاني : وبا يبليك , لا تقول يبه الله لا يسامحك لا انت ولا امك
سامي قرر انه يقفل قبل ما يفقد اعصابه أكثر : مع السلامه
هاني : روحه بلا رده , ان شاء الله انت عقب امك
سكر سامي و الشرار يطلع من عينه , و هو الي فكر ان ابوه بيتأثر و بيتوب بس آآآآآآخ ..
بعد ما راحوا معظم المعزين دخل واحد يتمايل في مشيته و عيونه حمرا و شكله مخيف ,
سامي و سامر و هادي عرفوه من أول نظره , هادي : فيصل !!!!!
فيصل بترنح : مين هشام مدري هاشم مدري هادي ههه المفروض امك تسميك معصب
سامر : انت اش تسوي هنا
فيصل يحط يده على راسه : تطردني يعني ولا تطردني !! حر و اروح المكان الي ابغاه
سامي قرب من فيصل و حس ان فيه شي مو طبيعي ..
سامي : شارب !!
فيصل : لا مآآآآآآآكل هههاي
هادي ما قدر يمسك اعصابه و قام عليه : اطلع من هنا لاتفضحنا المجلس مليان رجال ..
فيصل : وانا وش شايفني قطو !!
هادي : فيصل اقصر الشر واطلع خلاص ..
فيصل: طيب انا طالع .. بس انتم اللي بتندمون بعدين .. ياعيال ساميه
هنا هادي جن جنونه وهزه من كتفه : اطلع اطلع يا السكران ..
طلع فيصل وهو يتوعد هالعايله .. ورجع هادي وهو يدعي عليه من قلبه ان الله يهديه او ياخذ امانته..
انشاء الله لي رجعه ^___^

تابع الفصل الي بعدو^__^
بعد وفاة ساميه بأسبوع خلالها نام سامي في السكن القريب من عمله , و سامر و هادي ناموا في بيت صديق قديم لهم
قام سامي لصلاة الفجر و هو يفكر .. مدري اخواني قاموا صلوا !! يالله ليتني بقربهم الحين
خصوصاً هادي نومه ثقيل بالمره ولا راح يقدر احد يصحيه غيري .. يا رب فرجك .. مستحيل اتحمل العيشه هنا أكثر ,
صحيح كل يوم اتصل فيهم و اروح بيتنا و نتجمع , بس ولو احس ان فيه شي ناقص و العيشه في هذا السكن ما تنطاق ,
الله يعين .. لازم يتزوجون سامر و فرح بسرعه على الأقل تنتهي هذي الحالة ,
(يا دموعه ليه يبين لي خضووعه) كانت هذي نغمة جوال سامي
سامي : - الو
المتصل:- السلام عليكم و رحمة الله
سامي: - وعليكم السلام ورحمة الله و بركاته .. مين معي ؟
المتصل:- الأخ سامي ؟
سامي : - معااك .. مين ؟
المتصل:أنا تركي
سامي : - مين تركي ؟
المتصل:- تركي بن عبدالله .. عم فرح
سامي بذهول:- عم مين !!
تركي: - أنا عم فرح
سامي: - ليه من متى كان لفرح اعمام
تركي:- من يوم جابتها أمها
سامي : ................
تركي: سامي .. ابغى اتكلم معاك في موضوع فرح بس ممكن نلتقي عشان نقدر نتفاهم
سامي:خلاص ان شاءالله .. بس وين و متى !!
وصف تركي مكان بيته لسامي و قال له تعال عندي الساعه 4 العصر يكون احسن وقت
وافق سامي و قال انه بيجيب اخوانه معاه .. اغلق تركي الخط بس ترك مليون علامة استفهام في عقل سامي
معقوله !!! فرح عندها اعمام .. من متى ؟ وليش ما عمرنا سمعنا فيهم ؟؟ الله يرحمها أمي .. اكيد هي الي كانت مخبيه الموضوع عننا
بس ليش !! وهم ليش ما سألوا عنها قبل الحين .. غريبه !! والله احس ان عقلي شوي و يفصل
الأحسن أقوم اتوضى و اصلي الحين و بكرة افهم الموضوع كامل من تركي ..
.................................................. .............
هشام:فرح .. بطلب منك طلب
فرح:آآمرني يا روحي انت
هشام: ابغاك تكونين لي أم ولا تخيليني ابداً
فرح تحضن هشام و يبدأوون ثنينهم قصة الدمووع
فرح: حبيبي .. ما راح اخليك أبد
يدخل سليم و فرح و هشام حاضنين بعد
سليم: الله الله وينك يا سامر تشوف هالمشهد
تمسح فرح دموعها و يتورد خدها خجلاً من كلام سليم
ينزل سليم جنبها و يمسح على شعرها و يقول : فرح .. الاحظ عليك انك هاليومين مهمومه .. فيه شي بخاطرك تبين تقولينه ؟
تطالع فرح في هشام و تقول : هشومي الله يسعدك روح جيب لي مويه بموت عطش
يطلع هشام من الغرفة و يبقون فرح و سليم
سليم : ها يا فرح ؟؟
فرح : سامي
سليم : اش فيه سامي ؟؟
فرح : مو بس سامي حتى سامر و هادي
سليم : آهاا .. قصدك عن نومتهم برى البيت
فرح: احس اني مضايقتهم بس أنا ضعيفه .. مالي حيله ..مالي حيله .. مو ذنبي اذا ما كان عندي احد اروح له .. مالي ذنب اذا كانت أمي جايبتني بنت
مالي ذنب اذا ........
و تبدا فرح ببكاء مرير ..
سليم يمسك فرح من كتفها بيد و يرفع راسها بيده الثانيه و يقول : فروحه انتِ اختنا و حبيبتنا , و بكره تتزوجون انتِ و سامر و ينتهي كل شي
فرح: بس .. بس .. سامر لسه ما كون نفسه و
سليم: خلاص سامر مابقي له شي و يتوظف يعني بس تخلص الإجازة يبدأ بالتطبيق في وحده من المستوصفات و بعدين يتعين رسمي
يعني ما باقي شي .. لا تهتمين يا فرح , لو ندفع ارواحنا ما راح نخليك تحتاجين أحد ..
فرح: الله يخليكم لي ولا يحرمني منكم .. وربي اني أحبكم موت
سليم: احنا ولا ................!!
فرح : سليم خلاص
مع ان سليم لسه صغير , لكن عقله ماشاء الله عليه يوزن بلد , هذا كله من حرص سامي عليه
.................................................. ............................................
اتصل سامي بأخوانه هادي و سامر ..
سامر الي كان مشغول بمقابله في المستوصف الي راح يطبق فيه ما رد على سامي عشان كذا راحوا سامي و هادي لبيت تركي الساعه 4
وصلوا سامي و هادي الى بيت كبير .. مو بيت فيلا أو قصر زي ما سماه هادي
هادي : سامي .. انت متأكد انه هذا هو المكان ؟
سامي : ايه متأكدين بعد .. هذا على وصف الرجال
هادي : لا تكون هذي مزحه بس
سامي: مزحه !!! لالالا ما أتوقع
هادي: خلاص اتصل ع الرجال قوله يطلع لنا احسن من اننا ندق الباب
سامي: وانت الصادق
طلع سامي جواله بس قبل ما يتصل (يا دموعه ليه تبين لي خضوعه)
سامي : هادي هاذا هو يدق
هادي: طيب رد
سامي:- الو
تركي:-اهلين سامي .. انت مشيت ولا لسه؟
سامي:- أنا صرت قدام الباب الحين
تركي : - زين .. الحين ارسل لك واحد من الأولاد يفتح لك الباب و يدلك على مكان الديوانيه
سامي:- اوك
شويه وانتفتحت البوابه الكبيره .. دخل سامي بسيارته و وقف عند محل كبير خصص لتوقيف السيارات
نزل و هو يردد : ماشاء الله تبارك الرحمن .. ما شاء الله ..
هادي: هذا بيت عم فرح !! ما اصدق الي تشوفه عيووني
وقف قدامهم شاب طويل , ابيض , نحيف , و الي كان مميزه انفه الطويل , بس فيه وسامه ماشاء الله تبارك الرحمن .. شي خيالي
و قال: أنا حاتم .. ولد تركي , أصير ولد عم بنت خالتكم
هادي جته ضحكه من اسلوب حاتم في الكلام , كان جاد بزياده , و القرابه الي قالها بعد كملتها
سامي : وانا سامي و هذا أخوي هادي
حاتم: تفضلواا .. حياكم الله
سامي: زاد فضلك
دخلوا هادي و سامي القصر و سامي يردد (ماشاء الله تبارك الرحمن)
اشياء ما شافها سامي ولا طرت على باله يشوفها , عمره ما تخيل ان لبنت عمه أقارب .. لا واغنياء بعد
الله يزيدها عليهم من نعمه ..
دخلوا ديوانية الرجال و سلموا على تركي ..
طلع تركي رجال كبير في السن شويه بس باين ان صحته زينه ..
حياهم تركي و قال : يا هلا والله بالرجال
سامي : الله يحييك و يبقيك يا عم..
تركي : ابي ادخل في الموضوع بدون مقدمات , بنت أخوي عاشت عندكم عمر طويل قبل وفاة المرحومه بس الحين هي كبرت وانتم صرتم كبار يعني مو حلوة تعيش عندكم أكثر من كذا,
كان تركي محترم جداً في كلامه .. و يجيبها ع الجرح .. أما هادي التزم السكوت لأنه لو تكلم راح يقلب المجلس .. هادي عكس اسمه تماماً لأنه يعصب بسرعه ولا يقدر يكون هادي إذا احد ضايقه أو زعله ..
سامي : خلاص يا عم .. شورك و هداية الله ..
هادي : عم تركي .. عندي سؤال ممكن !!
تركي : تفضل
هادي : ليه يعني احنا ما نعرف عنكم .. ولا حتى فرح قد تكلمت عنكم !! يعني غريبه
تركي : ايه ايه يا ولدي فهمتك .. هذي قصة طويلة من يوم زواج المرحوم أخوي من خالتك , الكل رفض هذا الزواج بس هو عنيد تزوجها و عاش معاها و صرنا مقطوعين عن بعض , لحد ما يوم من الأيام سمعنا بخبر وفاتهم بحادث سير و بعدها اتفقنا أنا واخوي الصغير عبد العزيز اننا نخلي البنت تعيش معاي اسبوع و معاه اسبوع و فعلاً
عاشت عندنا لما كان عمرها سنتين بس خلال الفتره الي عاشتها عندنا مرضت كثير ولا احد قدر يهتم فيها مع أني جبت لها مربيه بس ما قدرت تهتم فيها
و البنت بعد ما رضت تتقبلها , عشان كذا اخذتها امك , و من يومها لا ندري عنها ولا تدري عنا ..
هادي : والحين اش الذي ذكركم فيها ..
دق سامي اخوه بكوعه يعني انتبه للكلام الي تقوله .. يبقى هذا عمها , بس هادي ما عليه من أحد بقى موجه نظره على تركي ينتظر منه اجابه ,
تركي بتنهيده: الحين خالتها الي اخذتها تربيها توفت , و البنت ما بقي لها غيرنا
سامي : عين العقل يا عم .. و اسمح لنا الحين نستأذن ما نبغى نعطلك أكثر
تركي : لا والله غداكم اليوم عندي ..
سامي : مره ثانيه إن شاء الله ..
تركي : خلاص سامي .. أنا قلت تتغدون معي يعني تتغدون معي ولا فيه كلام ثاني اقوله
هادي : على أمرك يا عم
تركي : حاتم يا ولدي قول لأهلك يحطون الغدا , و قول لهم أبوي بيتغدا عنده ضيوف اليوم
حاتم : على أمرك يا أبوي
سامي: الله يهديك يا عم لو ..
تركي : سامي .. خلاص أنا كلامي ما يتثنى
سامي : الله يعطيك العافية
تركي: الله يعافيك
رجع حاتم و معاه اثنين .. سلموا على الجالسين
تركي : اتوقع انكم تعرفتم على ولدي حاتم الكبير و عمره 28 سنه
و الثاني نواف عمره 25 سنه
و الأخير حمزه و عمره 20 سنه
حاتم و حمزه يشبهون بعض مره بس نواف كان شكله غير , كان اسمر و مملوح بس مو بوسامة حاتم و حمزه
سامي : ماشاء الله تبارك الرحمن ..
و بعدين أشر تركي على سامي و قال : هذا سامي ولد خالة فرح ..
نواف : فرح !!
تركي : ايه فرح بنت عمكم , و هذا الثاني اخوه هادي
نواف : والنعم والله
سامي و هادي : والنعم بك و بأصلك
بعد ما تغدوا استأذن سامي عشان يغسل يدينه و لقى معكوس على المرآيه طيف انسان يطالع فيه , حاول سامي يدقق بس الطيف اختفى بسرعه لما طلع صوت حاتم
حاتم : هنا و عافيه .. هنا و عافيه ..
سامي : الله يكثر خيركم ..
بعد الغدا اتفق سامي مع تركي انه يجي بعد أيام يآخذ فرح عشان تسكن عنده ..
و طلعوا هو و هادي ..
هادي : سامي انت مجنون
سامي : ليه ؟
هادي : كيف تخلي هذا الرجال يآخذ فرح كذا
سامي : هذا عمها يا هادي .. عمها ..
هادي : و اذا كان عمها .. تخليه يآخذ البنت كذا
سامي : أجل !!!
هادي : مدري ..
سامي : انت شفت ذول كيف عايشين , أحلى عيشه والله والله لو اشتغل مليون سنه ما أجيب حق كنبه وحده يجلسون عليها , خل البنت تشوف حياتها و تتهنى , يعني لأننا فقراء لازم نظلم بنت الناس معانا ..
هادي : وانت الصادق يخوي , الأحسن اننا نتركها براحتها ..
اتصل سامر بسامي وهو في طريقه للسكن :
سامر : هلا سموو
سامي : سمو!! ههه اش عندك ؟
سامر : اخوي الكبير و بغيت ادلعك .. فيه شي غلط !!
سامي : لا أبداً ههه
سامر : الا ليه دقيت علي ؟
سامي : آآ.. عشان .. آآ
سامر يقلده : آآ..عشان ..آآ .. اخلص
سامي : تعال البيت أبيك
سامر : ما احنا كل يوم نروح البيت
سامي بنبره حاده : اليوم ضروري تجي ..
سامر بعباطه : طيب طيب يصير خير ,, كنت بأجي بس احتمال اني اصير مشغول , ما تدري الشغل يجي من السما
سامي : أجل بكيفك , اليوم فرح مسويه عشا خاص و بغيت اخليها لك مفاجأة بس
سامر : له له له .. ما دام السالفه فيها فرح .. أنا عند الباب
سامي : ههه صدق انك ما بتكبر ,, مو الحين .. في الليل
سامر : طيب طيب
سامي : يلا بايوو
سامر : بيباي
إنشاء الله تكون عجبتكم ياحلوين *__^

بالنسبة الي عجبتني كثير
يسلمو
وانتظر التكملة ان شاء الله
محبتي