إن الله لا يغير ما بقوم حتى يغيروا ما بأنفسهم دعوة للتغير

1. فكرت وفكرت وقلت لازم أغير حيآآآتي جذريا


2. استغفر بنية الزوآج ...!


3. 5-التسبيح : تغيرت صرت أسبح الله صبح ومساء ..

السلام عليكم ورحمة الله وبركاته
بدآيتن سأسرد لكم قصة
القصة عجبتني و نقلتها للفايدة
ادخلوا وتعرفون شلون والله على ما أقول شهيد
كيف حالكم
اللي حامل اللي يسهل عليها .. !
واللي ماحملت الله يرزقها الولد الصالح او البنت الصالحه
واللي ماتزوجت .. تجي بس تقرأ موضوعي
كنت أسأل نفسي ليه مايجي نصيب !! وش فيني ..
انا الحمدلله (شديدة الجمال ) في كل شئ اللهم لك الحمد والشكر كآمله
ليه ما أنخطب رسمي؟
ليه دايم يصير كلام بدون خطبه رسميه !!!! ؟؟؟!!!
ليه الله ماوفقني ! ! ! ! ! !
جآني أحباط .. ألم نفسي .. حزن .. انعدام الثقه .. كئابه .. هم .. الخ
تعبت نفسي ا .. كل يوم أحس انه نهآيتي ..
مع أني ماني كبيره واجد ولكن مجتمعنا ما يرحم .. اللي فوق ال 21 عآنس ..
كنت أقول خلاص ماعاد ابي أفكر بالعرس بنساه وبشيله من بالي حتى ما أتحسر
صار كل همي افكر بالوظيفه حتى اذا حصل شئ لاقدر الله لأهلي (أمي وأبوي) ما أعيش في رجاء اخواني .. !
شفتوا شلون كنت يائسهانا ماراح أهذر ولا راح أطول الموضوع اكثر من اللازم بس أبيكم تعرفوون ان فيه شغلات بحيآتي كانت (قبل) و (بعد)
وشوفوا ايش صار بحيآتي بعد !
قبل
1-الأغاني : كنت أسمعها بشكل يومي وبشكل فظيع حياتي هم وضعيفة نفس بسبب الأغاني .
2- المعوذات: ما أقرا معوذات لا عند نومي ولا في حيآتي اليوميه بشكل عام .. نفسيتي تتعب وحزينه ..
3- القرأن كتأب الله ما أقراه وما أشغل شريط قرأني وأسمع مستحيل .. الرقيه الشرعيه ما أهتم فيها
3-الاستغفار ما أعرف الا (استغفر الله) ولا أقولها الا قليل جدا جدا جدا .. ولا أعرف الصيغ الثانيه يعني لاهيه في دنيآآي
4- التسبيح ما اعرف الا سبحان الله ..
الدعاء : ياه كيف قبل كنت غبيه ومستهينه !! آآآآآه آآآآه آآآآه
كنت مفكره بس الدعاء (يارب نجحني في اختباراتي ) فقط فقط
يابنآت
لا يرد القضاء الا الدعاء
يعني سبحآن الله لو ربي كتب لج مصيبه ودعيتي ان ربج يحفظج صدقيني راح يحفظج ويزيل هالمصيبه
لو ربي مثلا كاتب لج (حادث في هذاك اليوم ) ودعتي اللهم أحفظني .. الله يحفظج من هالمكروه اللي كان بيصيبج

فكرت وفكرت وقلت لازم أغير حيآآآتي جذريا

1- الأغاني : تركتها تدريجيا وصرت ما عاد أحب اسمعها واكرهها وصرت اذا سمعتها اتضايق .. صرت انظر للفن (فساد) نفسيتي تعدلت
2-المعوذات : صرت أحرص عليها اكثر من كل شئ .. صرت أقراها قبل النوم وبعد ما أصحى أقراها .. صرت كل ماكنت فاضيه اقراها .. صرت بين فتره وفتره قويه ولا أي موقف يمر علي يأثر بهالسهوله صرت افتخر بنفسي .. وأشعر بأهميتي ..
3- صرت أقرا القرأن بعد كل صلاه صفحه على حسب استطاعتي .. صارت سورة البقره والرقيه الشرعيه شئ أساسي يشتغل بغرفتي .. يابنآآت ااه يابنآت راحه نفسيه عظيمه ..
بعد ماشغلت سورة البقره والرقيه الشرعيه .. صرت أعرف اذاكر امتحآناتي صارت الآم بجسمي وظهري عجزوا عنها الأطباء تشافت بعد القرأن اليومي .. علاقتي بأهلي تحسنت ميه وثمانين درجه .. البيت تغير بعد صرنا متفاهمين قبل مشآكل وهموم وحزن واشياء ياعلها ماتمر على حتى عدوي ..
الحمدلله على كل حال ,, اللهم لك الحمد والشكر كما يبنغي لجلال وجهك وعظيم سلطانك ..
4- الاستغفار : يابنآت الاستغفار شئ مهم في حيآتنا وصرت قبل ما أستغفر اتذكر كلام الرسول
من لزم الاستغفار جعل الله له من كل هم فرجا، ومن
كل ضيق مخرجا، ورزقه من حيث لا يحتسب

استغفر بنية الزوآج ...!

5-التسبيح : تغيرت صرت أسبح الله صبح ومساء ..

وَعَنْ أَبي ذَرٍّ رَضِيَ اللهُ عَنْهُ قَالَ : قَالَ لي رَسُولُ اللهِ صَلَّى اللهُ عَلَيْهِ وَسَلَّمَ : « أَلا أُخْبِرُكَ بِأَحَبِّ الْكَلامِ إِلى اللهِ ؟ » قُلْتُ يَا رَسُولَ اللهِ أَخْبِرْني بِأَحَبِّ الْكَلامِ إِلى اللهِ ، فَقَالَ : « إِنَّ أَحَبَّ الْكَلامِ إِلى اللهِ سُبْحَانَ اللهِ وَبِحَمْدِهِ »
6- الدعااء : يابنآت ماتصدقون .. اه ليتكم تشوفني اذا جيت أدعي ربي
دمووعي تملي مكآني .. انثر همومي نثر وأنا أدعي ..
ادعي بأن الله يوفقني ويزوجني عاجلآ غير اجل .. اهم شئ كنت ادعي ان الله يزوجني بنية احفظ نفسي وأعين زوجي على طاعته .. واكمل نص ديني ..
كنت انتظر لحظآت يطيح فيها المطر (وأرفع يدي) لله ..
كنت أقوم الفجر وارفع يديني لله ’’
يابنآت الله مايعجزه شئ أبدا أبدا أبدا ,, لاتيأسين ,,,
اللي خلق السموات والأرض .. اللي خلق هالناس .. تتوقعين مايقدر يرزقج رجل صالح ؟ !لاتخيبن املج بالله .. وخليج دائما ملازمه الدعاء ..
قال تعالى: (وقال ربكم ادعوني أستجب لكم) وقال تعالى: (وإذا سألك عبادي عني فإني قريب أجيب دعوة الداع إذا دعان فليستجيبوا لي وليؤمنوا بي لعلهم يرشدون ).
وقال صلى الله علية وسلم : الدعاء هو العبادة ، ثم قرأ (وقال ربكم ادعوني استجب لكم ).
وقال صلي الله علية وسلم :أفضل العبادة الدعاء.
وقال صلي الله علية وسلم :ليس شيء أكرم على الله تعالى من الدعاء .
وقال صلى الله علية وسلم :إن ربكم تبارك وتعالى حيي كريم يستحيي من عبده إذا رفع يديه إليه أن يردهما صفرأُ خائبتين .
وقال صلى الله علية وسلم :لا يرد القضاء إلا الدعاء ولا يزيد في العمر إلا البر.
يابنات الحين صرت كل شئ أعتبره صدقه لله ..
تغيرت جذريا كل شئ أحتسب فيه الأجر
صرت العب مع الأطفال حتى أفرحهم (لي اجر)
صرت اعطي الفقير مو لأنها رحمه وبس (عشان لي أجر وبنية الزواج ) ..
صرت لما أصور أوراق أو أخدم الطالبات صديقاتي (لي أجر وصدقه )
كل شئ طيب بحيآتي اسويه أحتسب فيه الاجر انتظر أجري عند ربي .. اصفي النيه
ما أنكر اني كنت أسوي هالأشياء ولكن ما أحتسب الاجر عند الله .. ولا عندي مراقبه لله .. كنت أسويها وبس من باب الرحمه والطيبه
فقط ..
ولكن الآن كل شئ أسويه لله .. فقط
بعد 3 شهور من العمليه والتغيير الجذري
تقدم لي ولد عمي (لكن مالي فيه نصيب) ..((تقدم رسمي))
وولد عمي هذا تعرفون شلون كنت أقول لو تنطبق السماء على الأرض ماهو جاي !!
مستبعده يجيني ..
وتقدم لي ولد خالتي وكلمت أمه أمي محاوله جاده للاتفاق على متى يجون الرجال يخطبون ولكن برضو ما ابيه .. وكنت ادعي اللهم عوضني خيرا منه ((تقدم رسمي))
وتقدم لي واحد بعيد ولكن أهلي ماوافقوا عليه بحكم انه بعيد والله يستر عليه مايبون ((تقدم رسمي))
كل هذولي في خلال شهرين تقدموا ..
وكنت في كل واحد رفضته اقول اللهم عوضني خيرا منه .. لانهم أبدا مايصلحوون اللي تقدموا
والله عوضني بشخص محترم طيب رجال وتقدم لي رسمي ووافقت ..
والرجال هذا ابن صديق الوالد في العمل ..
فيه المواصفات اللي ابيها ولله الحمد
اكثروا من قوول
اللهم لك الحمد والشكر كما يبنغي لجلال وجهك وعظيم سلطانك ..
ادعوا لي يابنآت ان الله يوفقني ويستر علي ويسعدني .. وتكفون سووا اللي سويته واهم شئ النيه الصافيه والله يوفقكم يابنات ويرزقكم من عنده
اما ان الأوان لنتغيرا مثلها