ابشركم

سعودية شمرية

17-09-2022 - 08:27 pm

انا قبل اسبوع خبيتكم وقلت لكم ان رجلي طلقن بالحيض 3 طلقات
ابشركم ان الشيخ قال لايقع الطلاق
بس المشكلة ان رجلي متغير وصاير يستهتر بكلامي
ويهدد بالطلاق
اذا قلت لاتسهر عندك دوام قال مااعجبتك العيشة مع السلامه
يمكن لاني مارحت لاهلي يوم طلقني ولاعلمتهم قال ذي ميتة علي ولامدري وش السالفة
اسلوبة سيء للغاية
يوم قلت راضني لو بورده قال انتي اللي مفروض تراضيني
وخلاني احب راسة مشيتها مع اني اذكر اني انا الزعلانة
وش رايكم انثبر واسكت ولا اكلمة واقولة صح انك رجلي بس لاتذلني لي كرامة وماخذتني من الشارع
مادري وش اسوي الرجال مايعرفلهم

التعليقات (4)

صمتي يشرح سكوتي

17-09-2022 - 11:48 pm

الله يسخرلك زوجك يارب .....

مرمر البحر

18-09-2022 - 12:49 am

الله يوفقكم ويستر عليكم
وخلاص دامكم تراضيتو لاتزعلينه وعادي لوتنازلين عن بعض الشغلات هذولا الرجال كذا

دلع رووحي

18-09-2022 - 01:50 am

الله يسخره لك
حاولي تكسبينه بهذي الفترة قدر المستطاع ولا تنسي الدعاء ضروري
يمكن هو يحاول يستفزك لأن الرجال إذا كره كره لكن مع الكره يقدر يحول الكره إلى حب وكل هذا بإردة الله
ثم بشطارتك وذكاءك
حاولي تكسبيه خصوصا اذا كان عندك اولاد
وترى اغلب الرجال كلمة الطلاق على لسانه اربع وعشرين ساعة
الله يهديه ويسخره لك

نواعم الرياض

18-09-2022 - 03:52 am

الح يم بطبعهم هم اللي يتنازلزن دايم

وقفات للمرأه الصالحه في بيتها مع زوجها←
الرومانسيه في الحياه الزوجيه مهمه→