ابغا اسعار تاثيث شقه عرسان

... Alaa ...
كيفكم حبوبات ؟
ابغا اطلب منكم طلب
ابغا اعرف اسعار تاثيث بيت كاامل
يتكون من غرفتين وصاله ومطبخ وحمام _وانتوا بكرامه_ <<< تاثيث عرسان
زواجي ادا ربنا اراد ع السنه الجايه
بس خطيبي عندو مشكله في الفلوس
يقول ماحيقدر يدبر مصاريف الزواج والشقه خلال سنه
ويمكن المده تطول
هو حياخد شقه ايجار
بس حاط في بالو يبغا غرفتين او 3 وصاله للجلوس
سالني عن تصميمي للشقه بحكم اني انا حجلس فيها اكتر منو
وقالي الشقه لكي وانتي لكي الخيار في التصميم
فانا قلت باللي ابغاه بس لا انا ولا هو عرفنا للاسعار
ابغا الصاله يكون فيها :
كنب عصري طبعا<< يعتمد على مساحة الصاله
ونجفتين ع الجدار<< ممكن 250 إذا صغيره
ونجف نص في الوسط<< 300 ريال
وتلفزيون ال سي دي (وسط مااعرف في مقاساتها )ابغاه يتعلق لزوم التوفير ههه<< حسب حجم الشاشه 32بوصه ب1200 النوع الجيد والانواع الافضل اغلى طبعا
هذا اقل سعر لقيته واحيانا يكون في عرض تلقيه ب1100
طبعا الحجم يعتبر صغير الى متوسط حسب مساحة الصاله
وطاوله صغيره تحتو عشان لا يكلف
وطبعا السيفر
وطاوله في الوسط
ستاره ان وجد
مكيف<< نوع جيد 24 وحده شباك ب1400 اقل شيء
غرفه النوم : ابغاها عصريه وفي نفس الوقت فخمه (زي حقر سمر في العشق الممنوع )<< ماأعرفها غرفة سمر لكن تتراوح اسعار الغرف بين2500 الى 15000 واكثر حسب النوعيه لكن في محلات يفصلوا الشكل اللي تحبين بسعر معقول
ابجورتين<< حسب النوع انا اخذت 2 ب 300
ستاره
مكيف<< نوع جيد 24 وحده شباك ب1400 اقل شيء
نجف
غرفة ضيوف :
كنب فخم <<< عشان عيلتنا العصري عندهم بسيط ومو حلو
مفرش وسط
طاوله في الوسط
طاولات صغيره
مفارش طاولات
نجف كبيره
ونجفتين صغار
تحف
ستاره
مكيف
الحمام:
مفارش حمام
وادوات تنظيف
المطبخ:
دولاب<< يعتمد على مساحة المطبخ
قلايه<< نوع جيد جدا 150 ريال
غلايه << نوع جيد جدا 80 ريال
فرامه بصل<< عن تجربه شريت مولينكس ب 140 ريال 3 شهور وخربت علي وشريت نوع نفس الشكل بس نوع ثاني ب50 ريال لها 3سنين ماشاء الله << من محلات اللي مثل فرصه والهزازي
باقي الاواني عاد انا مااعرف
فرن<< انصحك تأخذي نوع جيد حتى لو سعره شوي مرتفع لانو راح يبقى معك فتره طويله انا فرني ب2250 ريال
تلاجه<< انصحك تأخذي نوع جيد حتى لو سعره شوي مرتفع بتلقي حجم مناسب ونوع جيد ب1800 تقريبا
غساله<< الاتوماتيك تتراوح اسعارها من 1600 وفوق
وادا في شي ناسياه اكتبوه
بليز بنات والله انا بحاجه الاسعار للاشياء اللي كتبتها لكم
بصراحه
نبغا الزواج يتحدد ونخلص من المشاكل << دعواتكم
وطبعا مارح يتحدد الا لو عندو فلوس لكل شي
انا مااعرف في تجهيز الشقق ولا هو
وقلتلو اخرج وشوف الاسعار قال لا مااعرف انتي اش تبغي دوقك صعب
وانا وهو صعب نخرج مع بعض قبل مايتحدد موعد الفرح
دعواتكم
ومساعدتكم
وترا نبغا اسعار وسط
مو غاليه
ولا شي رخيص ويعدم بسرعه
ربي يوفقك وييسر اموركم
كتبت اللي عندي خلفيه عنه

ربي يسآعدك ماعندي خلفيه

اف كتبت رد وطار كل اللي كتبتة انقهرت
المهم ياعسل نحنا جالسين نآثث بيت اخويا هو يبغى شقة قريبة من اهلي فاللي اختارها
5 غرف وصالةقال غرفة بخليها اخر شي لو زاد شي كملتها
وهيا حتكون مقلط
المهم اخذنا غرفة النوم وجلسة لغرفتهم
ولغرفة الحريم وكمان الرجال بس
والصالة قلنا نخليها طآولة طعام برفوفها وتكون مودرن
وكلفنا 23 ولسة باقي الاجهزة الكهربائية والستاير والاكسسوارات
والمطبخ لقينا ب10 حلو بس لسة ماحجزناه
ان شاء الله لمن نخلص الفرش انزل موضوع وتشوفية
دي صورتها في المحل الاسود دآ زي الشموآة
والكومدينو لاصقه في السرير وفيهآ نقش بالاسود
في وحد تانية باعمده وفيها ستاير برضوآ حلو بس عجبتة دي
ودا الدولاب ماانتبهت للعريس وانا اصور خ

حبيبتي البنات ماقصروا
بس انا بقولك على اواني المطبخ موشرط الحين يشتريها
انا افضل بعد ماتتزوجوا ان شاءالله تنزلي انتي وياه وتختاروها مع بعض
انا اشوف تقريبا 30الف لتاثيث الشقه وان شاء الله اقل
ا
لله يوفقكم

ام عبدالله 1427
تسلمي حبيبتي
وماقصرتي
الله يجعلو في ميزان حسناتك

روح غاليها
تسلمي يالغلا ع المرور
ويكفيني دعوتك الحلوه

موزه فوشيه
ماشاء الله لا قوه الا بالله
اخوكي دووق
غرفه نومهم تجنن ماشاء الله
كم كلفتكم ؟؟
ومعليش يالغلا بطفشك بس بسالك
كل مجلس كم كلفكم ؟
وحستنى موضوعك على احر من الجمر

@دنيا-الوله@
يب صح مو كلها بيشرتيها دحين <<< اواني المطبخ
بس لازم من الاساسيات
و30 الف مو شويه لتجهيز شقه بالكامل ؟؟<<< ترا مااعرف في التجهيز واحسو شويه
بس ادا 30 حيكون كويسس
يلا نستنى باقي التفاصيل من البنات
وان شاء الله ماحد يقصر
مشكوره ياعسل ع الافاده وان شاء الله يطلع كلامك صح
وتسلمي ع الدعوه

يآعسل غرفة جلوسهم حتكون جلسة على شكل آل آخترنآلهم لونهآ رمآدي وآحمر الاحمر خطوط نحيفة بس
وكم خدادية جلد احمر دي 2900ريال
وسجآدة من القفاري ب 800 مررة حلو فيها صورة سحب لونها رمادي واسود ان شاء الله اصورها وارسلها وفي برضوآ مفرشة لغرفة الرجال ب500 بس كبيرة مو صغيرة عندو عروض حلوة
بس السحاب مرة عجبتة عشان كدا مافرط فيها فية مقاس اصغر وفية مقاس اكبر
وجلست الرجال ب 4700 بالقوة بس كنب مو متصل والايادي فيها خشب وجلد بسيط كدا
مع طاولاتها بس حلوة طاولاتها
وغرفة الحريم ب3500 برضوآ كنب منفصل
يعني الجلسات كلها مع بعض ب11 الف ومية ريال
لو انتي من جدة روحوآ سوق حمود سعيد راح تدوخوآ ن الاشكال الروعة
وفية جلسات مغربية بس غرفت الرجال حقتة مرة كبيرة وراح تكلف كثير
وبآذن الله لو خلصت اوريكي الصور