ابغى اصبغ الكبت الدولاب علموني

عزيزتي ..
اذا انتي بتصبغينه يبيله شغله ..
يعني يبيلك اول تحكينه حك وتخلينه بدون لون .. بعدين تصبغينه اساس .. وبعدها اللون .. واخيرا الورنيش ..
بالنسبه للون .. هذا مزيج من البني والاورنج .. بس طبعا لون البني هو النسبه الغالبه ..
واذا تبين اللون يطلع لك مضبوط .. تاخذين الصبغ من دهانات سيجما .. وامزجي اللونين مع بعض لحد ما توصلين للدرجه اللي تبينها ..
لكن ارجع اقولك انها شغله .. والله يعينك ..
تقدرين تودينه محلات النجارة يصبغون لك .. او تشوفين لك احد الصباغين الشاطرين ..
انا توي صابغه طاولاتي بني محروق .. بس وداهم زوجي عند نجار وصبغهم ..

انا برايي تشترين جاهز احسن لك

دنياي مشاري
صج والله شغله
المشكلة انه هالكبت عندي من زمان واخيرا قررت اغير شكله
بس صعبه اشيله واوديه الصباغ ما يسوى
بس الطريقة اللي قلتيها حلوه بحاول اسويها اذا توفرت لي المواد
طيب
تتوقعين صبغ الاثاث نفسه صبغ الجدران او يختلف عنه؟؟؟؟؟؟؟؟؟؟؟

كوسا بنفسجيه
المفروض
بس انا اصلا غرفتي كل قطعة موديل وشكل
ومن زمان كل ما جيت بآخذ لي غرفة جديدة كاملة أهوّن
واللحين انخطبت وقاعدة افكر اسراف
اني اشتري كبت جديد او غرفة جديدة ما يسوى
قلت خليني احط حرتي بالكبت خ