ابغى افكاركم

الله يرجعه لك سالم ان شالله انت كل شي لازم بدون مايحسون فيك اهله علشان ماتنحرجين يعني روحي لاهلك بعدين اشتري اغراضك كلها الشموع والزينات والهديه اللي بتقدمينها له واللبس بعدين في يوم رجعته خلي احد من اخوانك او سواقكم يجيب لك عشاء من برا لانك ماراح تاخذين راحتك في المطبخ واذا كان رجعته في غير وقت عشاء اشتري تورته واكتبي عليها الحمد لله على السلامه او اشتقت لك وجهزي عصير وحاولي تنسقين مع زوجك انه اذا رجع يطلع لك علشان ماتضطرين تنزلين عليه عند اهله لانه اول مايشوفك لازم تكوني باللبس الجديد واذا طلع استقبليه من الباب وان شالله تنبسطوا

اختى الغاليه ، يارب يرجعلك بالسلامه اكيد اشتقتيله
انا مجربه لان زوجى سافر من فترة ، اهم شىء حاولى تجددى فى نفسك
اشترى قمصان جديدة وعطور جديدة واكسسوارات
وشوع وهديه خاصة لزوجك
ولما ترجعى بيتك اظهرى بشكل جديد قدامه

شرايك تحجزيت ليله في فندق ...
بتكون ليله حلوه و مفاجأه ولاا احلى
انا عن نفسي افكر احجز ان شاء الله علشان نكسر الروتين

فكرة الفندق الي قالتها بتر فلاي حلوه ..
وعندي لك فكره ..
انتي رتبي الاوضاع في الغرفة .. اشتري طقم سرير جديد ..واشتري لك ملابس جديدة ...
واذا كان في حمام جهزي الحمام الشموع والروائح .. ومو لازم عشا خ هو جوعان صحيح بس مو بطنع الي جوعان خ
وانتي اعطيه خبر انك ماراح تكونين في بيت اهله
وقولي له انت تقدم البيت وانا بجيك
بس انتي في الحقيقة موجودة في الغرفة تنتظريه ..
واذا دخل بيتفاجي ..
بس لايفضحوك اهله خ ويخترب الجدول

الله يرجعلك إياه بالسلامه والصحه,حبيت أفيدك شوي من خبرتي لأني نفس معاناتك,أنا الأسبوع الماضي كان
عنده مناسبه خاصة لأبوالشباب,وهو كان في عمله(هو شغله كده,يغيب 7أيام عن البيت)كان جاي يوم
الثلاثاء ,وحبيت أحتفل فيه ,المهم:أستاذنت منه على اساس أنو في صحبتي تبغاني اروح معاه السوق ,ووافق
بعدين رحت مجمع الظهران بالخبر واشتريت له ساعة وقميص مره حلو عجبني من دبنهامز,وغلفت الهدية في علبه
على شكل قلب أحمر كبير وحطيت عليها كرت الأهدأء,وأشتريت من محل الهدايا باقه كبيره ورد جوري
أحمر ,وأخذت الشموع والبلونات والذي منه,وفي طريق الرجعه مريت مخبز جنب البيت اسمه سنابل الشرقية
وعطيتهم صوره للحبيب وقلتلهم سوها على الكيك ويكتبوا عليه عباره(كل سنه معاك أحلى والعام القادم
صوره مع ولي العهد),وطلبت يوصلوها للبيت اليوم التاني,وبعدين رحت البيت رحت أدخل الأشياء زي الحراميه
علشان حماتي ماتحس, ولما اتصل فيني سألني ليش ماطلعت مع البنت قلت له:البنت أعتذرت وماطلعت يعني
كذبت علشان مايحس بشئ,وتاني يوم الي هو يو رجعته رتبت غرفتي وحطيت شرشف أحمر مع مخداته الصغيره
ونفخت البالونات الحمراء والبيضاء بعضها لصقتها وبعضها خليتها على الأرض والسرير وجبت طاوله رشيت عليها
من الورد الطبييعي وحطيت عليها الكيكه,والهديه حطيتها بنصف السرير ,والورد حطيته بين المخدتين في
النصف ,والأرض والسرير رشيت عليهم ورد أحمر وأبيض مجفف,وعلى التسريحه والكوميدينات حطيت شموع
صغيره,بعدين أخذت حمام وعملت الذي منه وبعدين لبست طقم كان عندي تيشيرت وتنوره
قصيره لونها أحمر وأبيض, وحطيت مكياج أحمر والعطور وكلمته وقلت له انا رايحه عند جيراننا,قال ماحللالك
الطلعه إلا يوم قربت من البيت قلت له انا طفشانه وأبغى اروح,قال روحي بس لاتتأخري,أحلى مافي الموضوع شيئين:
1 -أننا كنا متزاعلين ومكان متوقع أعمله هذا كله وخصوصا انه هو الي مزعلني من أنا.
2-أنه حماتي جاتها صحبتها وراحت قبل مايجي بعشر دقائق .
على فكره أنا مارحت بس اوهمته أبغى أشوف ردة فعله,جبت المسجل وحطيت أغنية يوسف العماني (أحلى
أثنين),وقلت للشغاله ماتفتح الباب إلا لما اقلها,وأول ماجاء طفيت اللمبه وشغلت الشموع وشموع الكيكه وشغلت
المسجل,واستخبيت في المخزن عندنا بالغرفه,علشان أشوف ردة فعله وأول مادخل انصدم وجلس يضحك ويصرخ
ويقول ياعيوني الله لايحرمني منك, على باله أني بره ,بعدين طلعت وجلست أطالع,وطفينا الشموع مع بعض
وجلسنانسولف,بس أول مره أحس انه فرحان كده كانت عيونه تتكلم.
وجلس يعتذرلي على الي صار,والأسبوع هذا كان أحلى أسبوع سوالي إلي كنت أطلبه من شهور, وكمان ولأول
مره يدافع عني قدام أهله ,وقالهم:ماأسمح اي احد يغلظ على زوجتي ولو ماسبتوها راح أخذ
بيت وأطلع لكم من البيت مع أني والله أني ماأشتكيت له............. أتمنى أن أكون أفدتك بحاجه بعد ماصدعتك ياعمري

ياعيني عليك ... هذي الحريم امهات الافكار ..الله يسعدك يا شرايين زوجها

السلام عليكم ورحمه الله وبركاته
اتمنى اني ما اكون تأخرت عليج بالرد
اول شي الله يرجعلك زوجك بالسلامه
ثاني شي :
بما انك ساكنه عند اهل زوجك
فالأفكار راح تصير محدوده جدا
بس مهمما كان لا تخلينها حاجز بينك وبين الإستمتاع مع زوجك
المهم .........
انا عندي فكره جدا بسيطه وتنفع في بيت الحموله ( اهل الزوج )
احضري ورد جوري احمر ووزعيه على طول الغرفه
اما انج تحطينها ( الورده ) كامله
او انج تقطعينها ورقه ورقه على راحتج
واذا حبيتي تمزجين بين الألوان مو مشكله بعد
وبعدين تخبي بالغرفه وخليه يدورج
اما تتخبين بالكبت ( خزانه الملابس )
اوتتخبين بالحمام اذا كان فيها حمام
عاد انتي وشطارتك
طبعا ما اوصيك بالملابس الجديده والشبه عاريه ( آسفه على الكلمه بس بين الأزواج مافي عيب )
وطبعا حركات الدلع وما إلى ذلك
والله يديم السعاده بينك
وبين كل المتزوجين
آمين

أفكاركم جدا حلوه خليتوني اتمنى زوجي يسا فر عشان اجرب هاالحركات

سلام يابنات......أنا حبيت أشكر أم الريحانه,وأقلها ربنا يسعدك أنت كمان ويخليلك أبو الشباب.......
وحبيت أسأل الحايره :ايش قررتي تعملي وطمينينا عليكي