ابنتي خجوله

الله يعينك ويساعدك باذن الله يفيدونك الاعضاء

وين باقي الفراشات أبي حل لمشكلتي
وأشكرك أختي ملكة الشهد على تعطيرك لصفحتي

الله يهديها لك ويصلحها ويبارك لك فيها ,لازم تعودينها على الذهاب لوحدها وذلك بتشجيعها ويليت تخلينها تصادق وحدة معها في الباص حتى تتشجع تكسر الخوف عندها . ان شاء الله يفرحك بها.

أشكرك أختي بس احنا جزاك الله خير ناقلين لمدينه جديده لانعرف فيها الى عمتها وعمتها لايوجد لديها بنات من سنها والله العظيم تعبت معاها وسرت أنحرج إحراج غير طبيعي من عمتها لأنها مديرة المدرسه سارت تترك شغلها وتقعد معاها وبنتي عنيده مابترضى بأحد غير عمتها حتى لو فيه أحد من سنها والله تعبت تعبت لأبعد الدرجات ماأدري ايش أعمل معها وماأبغى أجيبها بالضرب أخاف تكره المدرسه ويزيد خوفها أكثر وأكثر ايش تنصحوني أسوي هل أضربها

عادي كل الاطفال كذا بالبدايه
ولا تعودينها ان عمتها معاها على طول
خليها تشوف البنات اللي بعمرها وخليها تتعرف على اي وحده وانتي معاها
حسسيها انهم كلهم يحبونها وانها صارت كبيره
ومن هالكلام بس وجود عمتها معاها مو حل صدقيني

انتبهي احذرك من ضربها عشان المدرسه والله عواقبه سيئه جدا
انا بنتي العام كذا متعلقه فيني يوم صرت اتركه واقولها لازم تروحين لحالك مثل كل البنات
تروح عادي وتبكي في المدرسه وتعلقة بعد في المرشده وماتبغاها تطلع من الفصل لحد الفصل الثاني
بعدين شوي شوي تسلى بس خلي عمتها تبعد عنها شوي
والله يعينك لا زم تصبرين ولا تهددينها ابدا ولا تكلمينها اذا كانت معصبه وكلميه كنك تسولفين معها
او تقصين لها قصه ان البنت لازم تكون شجاعه وقويه ولا تخاف
الله يخليها لك ويصبرك

أشكركم أخواتي على إفادتكم وبجرب حلولكم وان شاء الله تجيب نتيجه جيده .