ابى الفزعه

هايمه ثلاث اسابيع وماخذتي شي <<<وجه معصب
ليه وش منومك ياحبيبتي لحد الحين
المهم
تاخذي ادوات تجميل ملا بس داخليه قمصان نوم وتيورات وفساتين
وهذا اللى عندي سلملم

كثير متاخره اختى بس ياليت تقولين انت من وين عشان نقدر نساعدك

هايمة معقولة ما اخذتي ولا شي
يعني ولا شي شريتيه ابد
ولا قصدك لليلة الزواج بس
اذا ما جهزتي اي شي تراك تأخرتي مرة لازم على الاقل تجهزين اغراض ليلة الزواج وشهر العسل
يا ليت توضحين طلبك منا اكثر

حبيتي الهايمه مره تاخرتي بالتجهيز
لاتنسي كريمات للجم وقولي انتي من وين عشان اقدر اساعدك عشان ادلك علي المحلات

ظروفى جات كذا خطيبى .. جاته بعثه .. يدرس برا .. لمده سنه وقال مايبى يروح الا وانا معاه علشان كذا ماكنت متجهزه ..
امس رحت وشريت شويه اغراض يعنى المكياج خلصته تقريبا ..
والله يكون بالعون ..
مشكورين خواتى على وقفتكم
بس فيه احد جرب الحمام المغربى انا ساكنه فى السعوديه فى المنطقه الشرقيه .. تعرفون احد يسويه عدل ؟
تحياتى

شوفي يالغاليه
اول شي خلصي المكياج دامك بديتي فيه ومعاه العطور
المكيااج اكيد انتي عارفه وش تحتاجين اهم شي لا تنسين مزيل المكياج مع القطن
روحي بدي شوب فيه مجموعات حلوه مره خذي التوت البري مره روعه اهم شي بخاخ الجسم والكريم
وفيه مرطب شفايف بالفراوله لافوتك
وخذي من عنده كريم للايادي ضروري عشان زوجك لو مسك يدك او شي لانه ينعم على طول
فيه مجموعه اوشاناس ومجموعه مون فلور اذا عجبتك خذيها
وروحي نكتار عندهم مجموعه العروس روعه كريمات بطعم لاتفوتك قولي لهم مجموعه العروس
وعندهم شغلات حلوه اذا رحتي بتلاقينها
روحي زهور الريف فيه كريمات جسم ريحتها توحفه وفيه عطور نيبتون
وفيه مزيلا ت عرق كويسه<<<ضروري
بعدها روحي باريس قاليري او وجوه
وجيبي عطورات على كيفك
انصحك بكوكو شانيل وشانس شانيل وجادور ونيرسيسوا واسكادا وسينما اذا عجبك انا مااحبه بس ناس كثير يموتون عليه
فيه عطورات بس للاسف ناسيه اسمائها
وفيه بودره رالف رومانس توحفه تحسين بنظافه ولونها وردي وخوذي العطر معاها
بعدها روحي للملابس الداخليه خذي تشكيله شي قصير وشي طويل وشي ملون وشي ساده
وحاولي يكون اغلبها ساتان
وخوذي كيمنو حق الاستحمام
وخوذي فرشه الشعر والسيشوار ولو انه الفندق بيكون فيه سيشوار اذا كان شعرك ناعم بلاش
كثري من الملابس الداخليه الانجري( الاندر وير والبراه) ولازم طقم
او على الاقل نفس درجه اللون
وبعدها البناطيل والشورتات والفساتين شكلي لاتخلينها كلها بناطيل او تنانير
او شورتات وشكلي بالالوان
تحتاجين ماكينه براون او غيرها
اذا كنتو بتروحون مكان بشهر العسل فيه مشي كثير لازم لك كوتش مريح
واخر الليل اذا بتطلعون تسهرون لازم صندل ناعم
ام
وش بعد
الليله الي قبل الزواج بخري كل ملابس الداخليه والقمصان وصفطيها صفطات كبيره بالشنطه عشان تجلس مكويه
خذي مناكير( اكلادور) ومقص اظافرو مبرد
ام
بس هذا والله الي تذكرته اتمنى اكون افدتك والله يعينك على حوسة الزواج<<مجربه
على العموم لازم اليوم الي قبل الزواج تكون حتى شنطك مقفله وخالصه عشان ترتاحين
ولاتنسين فستان شيك لو بتروحين الفندق من غير شرعه
الله يوفقك

اذا بتسافريت برا نصيحه لاتكثير اغراض ركزى ع الاشياء اللى تستفيدى منها في البيت لان سنه ماتدرين كيف يكون جسمك او تحملين يعنى لاتكثرى ملابس طلعات خذى ملابس داخليه قمصان نوم لبس بيت كثرى منه لان اغلب الوقت وجهك بوجهك زوجك اذا انتى برا عن تجربه اختى انا تزوجت وثانى يوم سافرت ولا رديت لااهلى الا معى ولد بعد سنه ونص من زواجى
خذى لك كم طقم حلو لو صار فيه جمعات مع ربعكم هناك واذا بتسافرين تشتهين تشترين لك اشياء من هناك وتراها احلى اذا رجعتى تكونى جايبه معك شى جديد من هناك لانه سنه بتقدم الاشياء اللى خذيتيها من هنا
واى خدمه انا تحت امرك

مشكورين خواتى .. واليوم ان شاء الله رايحه السوق .. اكمل الاشياء الباقيه ..
تقريبا اشياء كثيره .. سويتها .. طبعا بعون الله ثم مساعدتكم يالغالين ..
لاعدمتكم يالغلا .. وان شاء الله ارجع واكمل لكم وش اخذت وش صار على ..

ولايهمك 3 اسابيع يمديك وبراحه بس اهم شي ما تحوسين نفسك اكتبي كل شي بورقه
ولا تكثرين اغراض اشتري الاساسيات وبعدين وانتي معه خذي الي تبين
1-اغراض الصيدليه(شامبو_بلسم_منضف اذاني_حلاوى للشعر_حمام شعر_صابون مغربي_ليفه
مزيل غرق_زيوت للشعر عشان تهتمين قبل الزواج_كريم مرطب للجسم وللوجه من جونسن_فوط صحيه
ونوع للاستعمال اليومي_مسحات خاصه بلمنطقه الحساسه_كريم جلوسيد_كريم جلسرين_بودره اطفال_وقفازات
لليد عشان تسوي خلطة
الجلوسيد معا جلسرين معا بودره اطفال معا ليمون وكل ليله تحطيها على يدك وتلبسي قفازات
غسول خاص للمنطقه الحساسه ومطهر بيتادين عشان الألتهابات بعد الزواج وحبوب فيلاجيل كمان
بتصيرلك التهابات بعد الزواج وهلحبوب حلوه مره
حلاوى مص عشان ريحة الفم_ومعجون وفرشة اسنان وغسول للفم _
كلوتات خاص وقت الدوره_مرطب شفايف هاذا تستخدمينه هلأيام بس وانتي معه من بودي شوب
مقص حواجب ومبرد وقلامه _صابونه للوجه معا سنفره للوجه وللجسم وغسول للجسم _وديتول الأخضر هاذا وقت
لدوره تخففينه بمويه وتغسلين فيه من برا _ وتاخذي مرهم مضاد عشان بعد الفتله تحطيه على وجهك_وتاخذي تونك منظف للوجه _ومناديل مزيل للمكياج
2-من بودي شوب ونكتار اطقم جسم بنكهات مختلفه ومن مكياجي عطور خفيفه للنهار
3-ملابس داخليه خذي حقت النهار واليل حقت النهار مثل بجايم ستان وحرير وفطن وارواب قصيره
وحقت اليل عاد معروفه قمصان حرير وستان وشيفون طويل وقصير وخذي اشياء مختلفه والوان مختلفه
واهم شي حددي عددها مثل ملابس النهار 20 لبس واليل 20 لبس ولا تكثرين اكثر من كذا لأن بعد عشرين يوم
خلاص بتكونين جريئه معه وخذي وانتي معه كمان لا تنسي خذي كريمات خاصه بنكه ولا تنسي شحاطات البيت
4-روحي لعبد الصمد القرسي وخذي مسك اصلي توله وخذي مسك مربعات هاذا يالغاليه تبشرينه وتحطينه بكيس
وله استخدامات كثيره منها تحطينه على الفوطه الاستخدام اليومي كل يوم شويه
وكمان له طريقه ثانيه تغلي مويه مقدار فنجال شاي وتحطي نقطتين من مسك التوله وشويه من المبشور وتاخذي
قطنه وتمسحي المنطقه الحساسه لا تبقى ريحته مره حلوه
وكمان أخر يوم فدوره تبشري بلفوطه مره حلو ينظف ولا تخافي المسك يعالج الألتهابات ما يضر
وكمان تاخذي عوده وتاخذي دهن عود من عبد الصمد القرشي او من اي شركه ثانيه
وتاخذي مدخن كهربائي صغير عشان العوده
5-ونجي لملابس الخرجات تاخذي جنزات وتشيرتات وبديهات وبلايز وتنانير قصيره وفستانين قصيره
تلبسينها قدامهمعا اكسسوارتها وجزمتها وشنطتها ولا تكثري خذي من كل شي 2او 3بس كثري من البناطيل وشورتات
اشتري الشي الي بتلبسينه قدامه لانك شهر ما راح تشوفي الاهوه وكمان لا تنسي فصليلك عبايه وطرحه
وخذيلك جزمه اسودوبيج وابيض والشنط نفس الشي ونتي معه خذي الي تبين ولا تنسي خذي بوت عشان المشي بشهر العسل
وخذي روائح للملابس والأحذيه وشموع وفواحه من ستي بلا زا خذي ريحه وحده عشان تكون مميزه لشهر العسل
5-بنسبه للشرعه استأجري وخذي اكسسوارتها وتفقي معا المصوره لا تقولي ماباخذ مصوره عشان بسافر برا
خلي الصور معا اهلك لما ترجعي خذيها بتكون ذكرى
وحجزي المسكه والكوافير
اهم شي كل يوم سوي شي واذا تقدري تسوي بخار كل اسبوع مرتين وتحطين على جسمك صابون مغربي
وصنفره وعلى شعرك زيت وكل يوم سويلك قناع لوجهك وسوي فتله قبل الزواج 4ايام بعدها حطي ثلج ي عندي
ومويه ثلج وحطي مضاد عشان ما يلتهب
وهاذا العندي من جد حنيت عليك وانفعلت معك وقلتلك كل شي سويته لنفسي والله يوفقك ودعيلي ربي يسخر زوجي ليه ويوفقني