ابي شوركم يااخوتي

فيس اصفر

31-08-2022 - 03:34 pm

بسم الله الرحمن الرحيم
مرحبا صبايا كيفكم؟؟؟
ام صراحه مادخلت بهالوقت الا من ضيقة الصدر اللي فيني
ابي راي حكيم وصائب لاني ضعت من كثرة التفكير
انا مثلي مثل اي وحده من البنات تحلم انها تكمل نص دينها وتتزوج
وماكنت ابي الا شخص طيب وخلوق
مايهمني منصبه ولامركزه ابدا ابدا
وعلى كثر ماانخطبت بس ماكان ربي يكتب نصيب بيننا
المهم انخطبت من واحد من اقاربنا بس بعيد سالنا عنه وكذا طلع الرجال خلوق وطيوب
وتملكت بشهر 1 عشاء رجال بس
وكلمت امه امي وقالت \ حفلة الحريم بعدين ((اللي هي الشبكه ))
تخيلوا يابنات الى يومكم هذا ماشفت لاشبكه ولارجعوا كلمونا لاخواته ولاامه
يعني بالعربي سحبوا
المشكله انه طلب انه يكلمني وكلمني ولاجاب طاري شبكه ابدا
وكل مالمحت له يقول اني مشغول او مزنوق ماديا وعندي ضغوط
وذاك اليوم يقول لي اني بسافر انا من قو صدمتي سكت
تخيلوا يابنات يقول عندي ضغوط ماديه وبيسافر مع خوياه يقنصون
ماشافني ولاشفته الا بصوره
ولا فكر انه يسوي شبكه ولاهو متحمس ابدا
بنات لاتقولون اني مكبره السالفه انا تعبت من وضعي معه دايم مشغول مشغول
ولايبي نناقش اي شي عن حياتنا كل ماقلت له شي قال بعدين
وربي يقولها بجد مايبي اي كلمه عن حياتنا المستقبليه عجزت اركز على دراستي
اذا فترة الملكه ماعشتها صح متى بعيش
اذا جيت عنده انواع الملل والروتين من جد تعبت وحسيت ان انخدعت فيه
امي واخواني ضايقه صدورهم من حركت الشبكه والمماطله انا ماصرت ارد على مكالماته <<< ادري بتقولون غلطانه بس ماصرت اتقبله من كثر تصرفاته الهمجيه معي
هذا كوم وكذبه كوم ثاني ...
وش تشورون علي انا قربت استخف الله يعافيكم ويرفع قدركم انصحوني باي شي

التعليقات (9)

أحلى طلة

31-08-2022 - 06:56 pm

المفروض ابوك وامك هم اللي يتصرفون في مثل هذا المواقف عشان يعرفون انه وراك اهل وسند وانتي لا تكلمينه مرة ثانيه الا لما ابوك يتصرف معاه

-ام ميار-

31-08-2022 - 07:57 pm

لاحول ولا قوه الا بالله غريب وضعه بس كيف انتيالله يهديك توقعي العقد بدون ماتشوفي المهر والشبكه

عيون سوزي

31-08-2022 - 08:59 pm

اختي انت مالك مكبرة السالفه ولا شي بوجهه قوليله امتى الشبكه وقوليله ما يصير هيك واهلي بدو ينزعجوا من هالموضوع ودائما بسألوني عنه لو سمحت الي عليك خلصه واذا بقلك مشغول قوليله انا ابدا من كل العالم ما بهمني احد المهم انا هيك من اول والله ما بصير هيك خليكي صريحه اذا استحيتي بهالشغله راح تستحين بكثير شغلات وما بتروح غير على الخجول خلي يعرف انك ما بتسكتي على شي عشان يعمل حسابه اي شي مو اوكي ما حتسكتي عليه فهمي وقوليله اسا بدك تعين يوم

فيس اصفر

31-08-2022 - 10:00 pm

-ام ميار-
حبيبتي ام ميار انا كاتبه شروطي وهو موافق عليها من المهر والبيت والاشياء الباقيه
مشكلتي حاليا الشبكه اللي كسروا فرحتي فيها وحنا وثقنا بكلام امه وخواته
ماتوقعنا انهم يكذبون ...
حسبي الله وكفى

فرح وألم

31-08-2022 - 11:01 pm

المفروض بعد العشااء أبووك هو اللي يحدد الشبكه
حتى تكون الكلمه كلمة رجاال
والرجال كلهم يشوفون انها تبذير ومالها داعي عشان كذا تلاقيه يصرف المووضوع يبي الفكه منها
بس ابوك يكلمه ويقول نبي نصلح الشبكه في اليوم الفلاني وخلاص
مايصير انتي تقولين له
والله يوفقك يارب

red-rose

01-09-2022 - 12:02 am

انا اللي اعرفه ان الشبكة وعزيمة الحريم يسويها اهل العروسة
عمري في حياتي ماسمعت ان الزوج واهله يسوا الشبكة
شكله يستحي يقول انها عليكم
ويحق لأهله مايكلموكم
بالعكس هذول ناس عندهم ذوق
ايش تبغيهم يسألوكم متى شبكتكم؟!!
عجب!!

امولا ~

01-09-2022 - 01:03 am

الغلط مو عليه ولا عليك ياقلبي
المفروض امك او ابوك يحددون موعد لعشاء الحريم سوى في البيت او الاستراحه او قاعه حسب المكان اللي يناسبكم
واتصلو فيهم وقولو لهم يوم كذا الشبكه حقت البنت الله يحييكم
الناس كلهم يسوون كذا
وانتي لعد تكلمينه ابد
كيف تكلمينه وانتي اصلا ماشفتيه الا بصوره
من جد قهر ربي يعينك يارب وتفرحي بزواجك

أم كيمو الحلو

01-09-2022 - 02:04 am

يا قلبي انا اللي اعرفه ان الشبكه على اهل العروس !!!!!!!!!!!!!!
يعني امك و ابوك يحددون موعد و يعزمون مو اهله !!!!!!!!!!!!!!!
بعدين على باقي المشكله و بعده و عدم ارتياحك كلميه بصراحه واجهيه ...ناقشيه بكل شفافيه و حنيه .. شوفي يمكن مستحي منك (ترا و ربي تصير !!!! )
الله يوفقك يارب و يكتب لك الخير ...

حلا الجنوب99

01-09-2022 - 03:05 am

الله يعينك صراحه ماعندهم اي احترام حاولي تقطع اتصالاتك حتى يشتاق

محتاره يابنات ساعدوني سرت مو عارفه ايش اعمل←
مين شاطرة في التعبير→