احذري من الاعلان ده كيراتين خالي من الفورمالين وتعالي اعرفي ليه

1. ملحوظة هامة جدا

السلام عليكم ورحمة الله وبركاته وحشتوني ياقمرات
نظرا للخبطة والغلط اللي منتشر في الدعاية والاعلان دلوقتي واسئلة الفتوكات اللي بتستفسر عن اسماء محدده من الكيراتين حبيت اوضح عدة نقاط مهمه
بنقرا الاعلان ده كتير (كيراتين خالي من الفورمالين او أي مادة كيميائية
وبيفرد الشعر المجعد او الخشن بنسبة كبيرة ) طيب ازاي؟
علميا مش مظبوط ابدا لان المواد الطبيعية مهما استخدمنا احدث التقنيات في صنعها متقدرش تغير تركيبة الشعر الاصلية وخاصة اذا كان مجعد او خشن امال الحقيقية ايه؟
ان الانواع دي اما بتحتوي علي الالدهايد او الميثيلين وهما نفس تركيب وتأثير الفورمالدهايد ومنهم منتج الكود ماكس
انواع اخري من الكيراتين بتحتوي مواد ليست بالفورمالين ولكنها مع التعرض لحرارة المجفف تتحول فورا الي نفس قوة مادة الفورمالين وتأثيرها زي كيراتين كيور
او منتجات تحتوي فعلا علي فورمالين ويتم التسويق لها تحت اسم مستعار زي (موني كلير) واسمه الحقيقي
هير جو استريت بيستخدم تقنية المنو نيكلر وبيحتوي علي 4% فورمالين والكارثة انه بيسوقله علي انه خالي تماما من الفورمالين مش فاهمة ازاي؟ وده معناه انه في خطورة كبيرة جدا عالمدي القريب او البعيد لان التقنية دي بتسمح للمنتج باختراق بصيلات الشعر وده زي ما بيضاعف فاعلية الكيراتين بيضاعف فاعلية الفورمالين لعشرات الاضعاف وده في منتهي الخطورة
ازاي تعرفي ان كان المنتج بيحتوي فورمالين او لأ ؟
بالرغم من انها طريقة ممكن ماتنجحش مع بعض المنتجات بس ابسط شيء جربيها
1_المنتج تشمي ريحتة وهوه في علبته لو حسيتي بريحة نفاذة او انفك بياكلك شوية يبقي ده فورمالين
2_اذا بعد المنتج ما اتوزع علي شعرك حسيتي علي فروة الراس يبقي ده فورمالين
3_اذا اثناء السيشوار طلع خان ريحتة مش حلوة وعملك حرقان في عنيكي يبقي ده فورمالين
ياريت يا جماعة ناخد بالنا كويس من المنتج اللي بنشتريه لان الشركات كتير منها بيكدب مستغلين جهل الناس بالامور العلمية او انعدام الضمير عند البعض الاخر مش مشكلة وجود المواد دي علي اد ما الخطورة بتكون في نسبتها غير المعلومة لان الشركات بتنفي وجودها اصلا او التجار بيغيروا الاسم وبيدعوا عدم وجودها من حقك تعرفي انت بتشتري او بتستعملي ايه ومحدش يغشك لان فيه ناس محتاجة علاج فقط او حابة منتج فري فورمالين اونسبة معينة محتاجينها وزي ما قولنا المنتجات دي مش محدده فيها النسبة يبقي حقهم يفهموا صح عشان ميتخدعوش
كل المعلومات دي هترد في بحث علمي تحت اشراف مؤسسة علمية كبري قريب ان شاء الله بيعمل عليه الي الآن عدد كبير من اطباء متخصصين (جلدية\ مخ واعصاب \ صيادلة \ كيميائيين ) وبأكد متخصصين لان مش اي دكتور فاهم في الموضوع ده كويس لان ده تخصص دقيق لازم يكون عنده خبره محدده فيه لسنوات ومن عدة اشهر بدء العمل في البحث واعتقد بياخد عدة اشهر اخري لان الموضوع مش سهل وهوه بحث شامل عن المنتجات المستخدمة علي الشعر

ملحوظة هامة جدا

ال fda تعطي تصاريح بالبيع فقط داخل امريكا ولكنها لا تضمنلك ان المنتج يكون ثابت عالتركيبة اللي اخدت التصريح لان غالبية الشركات بتغير التركيبة وهذة المسؤلية لا تقع علي عاتق المنظمة وده كلام من مسؤل هناك شخصيا والمنتج الخالي حقيقي من الفورمالين بيحصل علي تصريح من وزارة الصحة في بلده يعني لو برازيلي اصلي بيكون التصريح لازم من وزارة الصحة البرازيلية ولو امريكي يبقي من وزارة الصحة الامريكية وهذة غير fda منظمة الصحة العالمية وهذا كلام مؤكد وموثوق من المنظمة نفسها
ياريت اللي تستفاد من الموضوع تقيمة لان والله بتعب في الحصول علي المعلومات الصحيحة جدا
و ادعولي بشفاء بنتي و بالتوفيق للخير