احمدك ياربي يا مولاي

السلام عليكم ورحمه الله وبركاته
مرحبا خواتي حبيت اكلمكم عن رحمه ربي علينا كلنا وعلي بالاخص
اظني وايد قروا موضوعي عن اللي كان يبا يخطبني من شهور
بقولكم قصته
كنت اقرا فضل الاستغفار والدعاء في السجود واخر الليل بعد ركعتين
فكنت احلم احلام وتفسرها لي الغاليه سحر العيون من منتدى ثاني انها زواج ودوم كانت تشجعني وتوقف جنبي فديتها وماانسى دعواتكم عن ظهر الغيب لي فديت ارواحكم
كل يوم كنت احلم ويقولون زواج زواج وكنت مرات ايئس اقول متى الريل بيي خ
كنت وايد مستعيل ويا ما ياست وقلت خلاص مااظن بتزوج بيوم
بس مره سمعت محاضره للشيخ محمد العريفي من يدعوني روعه وغيرت معنى الدعاء عندي
بنات اهم نقطه قالها ان الدعاء ابدا ابدا ابدا ربي مايرده يا ان يعطيج اياه طولتي او بسرعه يا ان يرد عنج شر هالموضوع يا ان يكون لج اجر يوم القيامه وتنجيج من النار
بنات اسالكم بالله الجمله ماتخليكم تتشجعون لدعاء اكثر واكثر وتحبون ربكم اكثر
بعد فتره من الفترات التزمت في اخر الليل اكون قاعده ع المنتدى فكنت اصلي على النبي ساعه واستغفر باقي الوقت قبل الفجر بنص ساعه واصلي ركعتين وادعي والح بالدعاء في السجود وبعد السلام وكنت الح بالدعاء فكل الصلوات
وماكملت شهرين الا وياني هالريال بس ماتم الموضوع مب عشان انه معرس الا لان صليت استخاره والموضوع انتهى مثل ما بدا
ومن فتره كانو بنات يبون يخطبوني لناس بس ماصار نصيب (لاتزعلون مني لو قلت هالكلام بس ابي ابين كرم ربي علي) وكل ها من الاستغفار
لاتقولون باستغفر 1000 مره او 1000 مره بصلي ع النبي لا رطبي لساني بالاستغفار وانتي يالسه وانتي بترقدين وانتي تاكلين وانتي طالعه طول الوقت وصدقوني بترتاحون
ع فكره انا عمري ماانخطبت لا برمسه ولا رسمي وحتى احلامي كانت عاديه مالها خص بالزواج مع ان كنت اتمنى الزواج من بعد الثانويه قبل 6 سنوات تقريبا يعني بس من التزمت وتقتربت من ربي حسيت ان ربي بيرزقني اكيد اكيد
ابي اوجه رساله لبنات يتمنون اشياء معينه بالريال صحيح من حقج تقولين يارب ابا كذا وكذا وكذا بس ماتدرين حتى لو هالاشياء حلوه يمكن ماتناسبج
ادعي ربج وقولي يارب ارزقني ماتحبه وترضاه لان ربج هو اللي خلقج وادرى باللي يناسبج اكثر من نفسج
نسيت نقطه بعد واحسها نفعتني وايد بعد لما تشوفين اي حد يبا دعوه ادعي له لان الملائكه تقولج ولكي مثلها مثل توقيعات البنات قناه بدايه وايد يطلبون الدعاء استغلي الفرصه وادعي لهم
خلاصه الكلام (الاستغفار +الصلاه على النبي +الالحاح ع الدعاء في السجود واخر الليل+دعاء ظهر غيب)= سعاده في الدنيا والاخره
السموحه لو اني طولت عليكم
ادعولي بالزوج الصالح التقي اللي يسعدني ويريحني من كل هم وحزن