اختي متأخره في الزواج وعندها مرض نفسي تأخذ له ادويه

يااخوات بااعتبركم اخواتي
واقولكم قصة اختي احنا اربع بنات كلنا متزوجات ماعدا اختي هذي من احنا صغار كانت تسوي حركات غريبه بس ما كنا عارفين انو عندها شئ لان حركاتها كانت جدا مب واضحه الا الي يدقق في تصرفاتها
بعد ماتخرجت من الثانوي تزوجت وتطلقت عالطول ما ظهر اثار مرض الابعد طلاقها سبحان الله وخذناها لمستشفى وشخصو حالتها انو عندها مرض فصام طبعا لا تقولون انفصام الشخصية الي في المسسلسلات مصريه هذا مرض ثاني وبدأت اختي تأخذ علاج له وتحسنت و\طلعت طبيعيا جدا حتى ان بعض اقاربنا مايدرون انها مريضه مشكلتنا امي كبيرة في السن ودها تزوجها عشان تتطمن عليها بس ماتدري وش تقول للناس الي يخطبون واتمنى نلقى لها عريس بس مانعرف احد فاذا منكم تعرف شخص يعاني من نفس مرض شئ حلو انهم يجمع بينهم بالحلال لان اختي تعاني من الوحدة والله ارحمها لمااشوفها في صلاة الليل تدعي ان الله يرزقها الزوج الصالح اختي جميلة وبيضاء والي عندها حل ارجو انها تفيدني اولا تنسونها من دعائكم مع العلم ان دكتور قال مايمنع هذا المرض ان الواحد يتزوج حتي علاجها مايأثر عالجنين