اخطائك بالتجهيز يوم الزواج بالزفة بشهر العسل

يا عمري انا لو انك عروسه الله يوفقك يارب
الجوو برد بروح اسوي شاهي اخضر وليا رجعه
بحكيك و بعصر مخي
ليا رجعه يا سكر
قلت اكتبي اي شي يا بنت عشان لا يجيها احباط

هاي
وقت التجهيز ؟؟ (الاشياء اللي كثرتي منها ,, الاشياء اللي نسيتيها)
الحمد لله ماكو شي كثرت من ولا استفدت منو مع العلم اني تو متزوجه من 5 شهور الاشياء اللي نسيتها >>> مكر الشعر بجد هذا اللي نسيته لانو شعري تنتف من الاستشوار ورغووه و.....
يوم الزواج ؟؟(مانمتي زين ,, مااكلتي ,,عصبتي ))
لا الحمد لله كلها عدت سليمه نوم اكل عادي قبل ما اطلع المشغل كليت لا ما عصبت على ايش
بالزفة ؟؟((نسيتي الشريط ,, ماتبسمتي ))
كمان هذي نو انا زفتني الطقاقه وكانت على اغنية (يايمه حبيته زفوني على بيته ) مرره حلو
عاد الابتسامات وزعت ببلاش كل ابتسامه ومعاها2 مجانا عوضت حقت الشبكة مره كانت خاايفه
بشهر العسل ((اغراض الواحد ماينساها ..تصرفات ندمتي عليها ))
على حسب كل وحده انا عني الحمد لله كانت اغراضي كامله مانسيت شي
مافي الحمد لله تصرفات ندمانه اني سويته
وبالتوفيق

اول شي الف الف الف مبروك..
نصيحه كثري من الملابس الداخليه >>>>>>>>انا كثرت منها
وتوقعت مراح البسها كلها بس لبستها..
لاتكثرين ملابس الرسمي حقت الزيارات الاعلي حسب
العائله انا كثرت منها وشنط وجزم وانتي بكرامه ومالبستها الامره وحده
والباقي مالبستها>>>>سافرت بعثه علي طول
يوم الزواج جهزي شنطتك الخاصه ماتدرين شنو الضروف يمكن تسافرين علي
طول يمكن يسويلك مفاجاءه تروحين للفندق..
واهم شي شيكي علي كل شي بنفسك
لاتعتمدين علي اهل العريس مثل التكيف والكوشه
وكل شي اغلب الناس مايهتمون
بغرفه العروس..
شهر العسل لاتقولين بختصر وباخذ شنطه اصغيره..
لالا خذي كل شي يخصك مثال الصباح فكري الان وش تلبسين
بالضهر شنو بتلبسين بعد وقت التمشيات نصيحه مني
خذي معك لبس كامل سبورت لطلعات البحر او ملاهي او اي مكان
حق لبس كوتش وانتي بكرامه اتوقع كوتش واحد معه شنطته ماركه حلوه
مثل ديور او قوتشي يكفي ام..
وهم نصيحه اختي فيه شنطه حلووه مره فيه تلبسات مخدات
والمفرش للنوم مره حلو انا بصراحه مهما كان الفندق فخم
او عادي ماحب مفارشهم اشتري هذا مرره
حلو قيمته 650ريال بس يستاهل قيمته فيه ..
تنام وتصحين وانتي مرتاحه نفسيا..لاتنسين مع العطورات
تاخذين مرش واحد للمفارش يعطيك جو حلوو
وبس صح طولت عليك بس ان شاءالله نصائح تنفعك
تقبلي مروري سي يؤؤ

والله موضوعك حلو يستاهل ان نشارك فيه علشان الكل يستفيد
وبسم الله ابدا
وقت التجهيز ؟؟ (الاشياء اللي كثرتي منها ,, الاشياء اللي نسيتيها)
اشياء كثرة منها وتحسفت من جد عليها الملابس لان جسمي تغير ومعد استفدت منها
يوم الزواج ؟؟(مانمتي زين ,, مااكلتي ,,عصبتي ))
كلها لا نمت ولا اكلت وعصبت شي طبيعي تبغين كل شي يجي زي ما رتبتيله
بالزفة ؟؟((نسيتي الشريط ,, ماتبسمتي ))
الزفه حكايتها حكايه سويت لي زفه في كسيت وقبل الزفه بساعه اكتشفو ان مسجل القاعه مافيه الا سي دي وهنا بغيت انجن بس تصرف ابو الشباب وراحو نسخو الشريط على سي دي وكانت زفه روعه
بشهر العسل ((اغراض الواحد ماينساها ..تصرفات ندمتي عليها ))
الاغراض الي نسيتها بما اني سافرة ماليزيا نسيت بوت وجبت كعوب مدري ليه على بالي طالع كل يوم عرس
اما التصرفات فحدث بلا حرج بس ذكريات
هذي اجوبتي وان شاء الله انكم استفدتو

التجهيز:
مدحولي ستي ماكس لملابس البيت والهرم لقمصان النوم ولا سمعت النصيحة ورحت لهم اخر شي وتمنيت اني مااشتريت الا منهم..
ندمت اني نحفت هم على الفاضي
اهم شي شنطة وجزمة ماركة عالمية انتي عروس لاتخربطين شناط وجزم
نصحوني مااشتري فستان زواج غالي وفعلا فصلت حلو وسعره معقول
ندمت اني فصلت فستان عشان اذا حطوا عزيمة وفصلته فخم وغالي ومنفوش ولاحطوا عزيمة
يوم الزواج :
اكيد النوم والاكل لا بس تاخرت ماتمكيجت فتأخرت على المصورة فصورت وابو الشباب فيه ماامداها
بالزفة :
كله تمام بس كاني مضيعة شي عيون تدور بالقاعة واول ماوقفت على الدرج والقصيدة مشغلة طبعا فيه كشاف علي بس الثريا كانت مغطي علي ظلالها
من اخطاء قريباتي ترفع المسكة فتغطي صدرها كثرت العاملات الي بشيلون الفستان المفروض تكون ثريبة للحاجة مو كل الزفة تمشي جنبك
بشهر العسل
الحيا اء خرب علي كل شي
والخوف والله ماتسوى السالفة وتحسفت اني كثرت اشياء بلشنا بالشناط
وبالتوفيق

وقت التجهيز ؟؟ (الاشياء اللي كثرتي منها ,, الاشياء اللي نسيتيها)
ايوة والله كنت مكثره اللبس وندمت لاني حملت ع طول وسمنت =(
يوم الزواج ؟؟ (مانمتي زين ,, مااكلتي ,,عصبتي ))
مانمت زين من يجيها النوم ..لا الحمدلله اكلت لالاوشهوله اعصب
ب الزفة ؟؟ ((نسيتي الشريط ,, ماتبسمتي ))
لاعادي كل شي تمام
بشهر العسل ((اغراض الواحد ماينساها ..تصرفات ندمتي عليها ))
ندمت والله اني كنت مستحيه مرة يع والله من الحياء خربت لحظات ماتتعوض مالت علي =(

آب لعيون ميوش
واب لعيون العرايس
_______________________) متابعه بصمت

وقت التجهيز ؟؟ (الاشياء اللي كثرتي منها ,, الاشياء اللي نسيتيها)
ام لا كل شئ تمام
يوم الزواج ؟؟(مانمتي زين ,, مااكلتي ,,عصبتي ))
بكيت بكي ماله داعي حتى زوجي تروع يحسبني هونت ههه
ومكياجي خرب وحاله
بالزفة ؟؟((نسيتي الشريط ,, ماتبسمتي ))
لازين
بشهر العسل ((اغراض الواحد ماينساها ..تصرفات ندمتي عليها ))
ندمت اخذت كل شئ كعب لما رحت تكسر رجولي اخر شئ اخذني محل وقال اشتري فلات ههه
وغير كذا انه قال شهر العسل مفاجأه ومارضى يعلمني الا قبل الزواج باسبوع وصار حاجز على دبي
وانا كان ودي اروح ماليزيا

اكثر شئ ندمت عليه في ايام العسل مابقيت شئ الا وقلته لابو الشباب "يعني اسرار الحريم وزي كذا" كنت توي صغيرة و على نياتي....