الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
kada200
07-08-2022 - 01:18 am
  1. أبداء معكن قصت حياتي كلها ومعاناتي

  2. انا الحين لي 13 سنه متزوجه

  3. يارب انك تصبرني جاء ذاك

  4. اليوم وتزوج زوجي

  5. يارب صبرني يارب وعوضني خير

  6. بعد كلامه هانت علي الأحزان

  7. وحسيت بحب زوجي لي

  8. قولو آآآآآآآآآآآمين

  9. وفعلا تدمرت نفسيتي

  10. انا حامل ومندون علاج

  11. وش اشوف

  12. والحين يا اخواتي ادعن لي ان الله يعوضني خير

  13. واحمل


تعالن يا أخواتي نفض فض لبعض
وآنا آولكن
لآني محتاجه آحد يسمعني
ولآ آستطيع آن آبوح لآحد عن
حياتي
سواكن يآ آخواتي
لآ ن ألحال من بعضه
أتمنى آن أشاهد تفاعلكن
معي يا آخواتي
ونستفيد من بعضنا
على تجاوز المحن
الله يجرنا جميعا ولايحرمنا
من الذريه الصالحه
آآآآآمين

أبداء معكن قصت حياتي كلها ومعاناتي

انا الحين لي 13 سنه متزوجه

تزوجت وآنا في سن صغير لااعرف شي من الحياة سواء عالم المدرسه ورحت مع زوجي الى مدينه آخرى بعيده عن آهلي فوجدت عالم ثاني صدمت في الحياة حيث كان زوجي يسكن مع آهله وهو طالب في الجامعه ولا يستطيع ان يفتح بيت لوحده ناكل ونشرب معهم حتى ملابس العيد يعطون زوجي فلوس علشان اشتريهاحاله يرثى لها وهذا غير تحمل مسؤليت الحموله لانهم كانو عائله كبيره حريم عيال وصجه ولجه ويوم لي ويوم لفلانه ومع مرور الايام صارو الناس يستهترون فيني استغلو طيبتي وقامو يتركون الشغل اغلبه علي لاني حركه وحب القرامه ما علينا بدو الحريم يكرهوني مدري ليش وأم زوجي تكرهني كره العمى علشان الشايب الي هو زوجها يحبني لاني اشرفه في العزايم واذا جاه الرجال مايخلي احد يسوي القهوه غيري مرت الايام صعبه علي حريم العيال مشاء الله اولاد وخير وانا مغير واقفه في مكاني لااستطيع اتعالج لان ظروف زوجي ماتسمح وسبحان الله فجاه انفتحت طاقت الفرج وتخرج زوجي وذهب الى منطقه آخرى يبحث عن عمل ولم يجد عمل وش سوى قرر انه يدرس ثاني ماجستير بعد مافرحت بلاستقلاليه والحريه والفكه من الحموله جاني الي اشد سكنى عند اخوه بيته كبير واخذنا لنا جناح والله لايوريكم وش سوت فيني مرت اخو زوجي هبلت فيني لو تشوفني
واقفه عند المرايه قالت وش تسوين المهم خدمتها بعيوني لاكن الي يذل نفسه يستاهل ولدت يوم من الايام وقمت فيها الله يعلم ان حتى الملابس الداخليه اغسلها لها وفجئه قبت فيني وطردتني من بيتها بعز القايله انهرت ورحت لزوجي وخبرته وكلم اخوه وطلعنا وداني زوجي عند اهلي وجلست عندهم شهرين ثم قال زوجي انا مقدر اعيش من دونك واكمل مشروع دراستي لانه تأثر بغيابي نحب بعض أكثر من الازم المهم خلى اخوه يكلمني ويقنعني اني اجي واسكن عندهم وتأسف على فعلت زوجته انا بطبعي الطيب قبلت اسفه وبيني وبينكم مقدرت اعيش عند اهلي بس افكر بزوجي احبه حب جنوني وهو يحبني علاقتنا مره مع بعض تقولون روح وحده بجسدين المهم جيت لزوجي حبيبي على رغم الاهانه الي هانتني زوجت اخوه لاكن منشان عيونه ابيه يكمل دراسته ونخلص عاد من هذا الهم والحمدلله
ربي وفق زوجي وتخرج وياربي لك الحمد توظف في وظيفه كان دايم يحلم فيها وجاه ماتمنى ومرتبه عاليه
وفي ذاك الوقت كان لنا ست سنوات متزوجين بعد ماتوظف وسكنا في بيت لوحدنا وعشنا حيات سعيده لاكن ربي ماكتب لي بعد الذريه كل ماحملت اسقطت ومع ذلك كان حب زوجي لي يزيد يوم بعديوم وعمره ما حسسني بنقصي ومرت الايام وقامو العذال بتفريق بينا امه من صوب وخواته من صوب واخوانه من صوب وهو مسكين صار يتضايق وكثر الدق يفك الحام عاد صرت ماروح معه لأهله بلأعياد لأنهم قامو يضايقوني بزياده وهات ياتلطيش كلام وتجريح حسبي الله ونعم الوكيل حرموني من اني اعيد مع زوجي المهم استفردو بزو جي مره على مره لين اقنعوه بزواج ومن هنا بدت معاناتي الله لايذوقكن يا اخواتي الهم الي شفته عشت تعاسه وهم وغم وتبدلت حياتي الى جحيم اخطبوله من نفس المدينه الي هم فيها علشان يزيد المجاكر والملاعن والحركات الي تقهر قالي زوجي بلخبر ونهرت لاكن سلمت امري لله وقلت الله يجعلها سبب في رزقي وعشت عند اهلي اسواء ايام حياتي جلست عندهم ثلاث شهور لان زوجي قاعد يجهز في نفسه للعروسه يكلمني يوم بعد يوم وحيانن يتهرب مني ويقول انا مشغول المهم زوجي ماقولكم وشكثر يحبني من شد حبه لي مايبغاني اكون عنده فترت تجهيزه للبيت
مايبي يشوف الحزن بعيوني المهم قرب العرس وقرب موتي معه وصارت حالتي حاله خواتي يصبرني من جهه وأمي من جهه وأقولهم وشتصبروني هذا الغالي لاراح ماعاد يرجع

يارب انك تصبرني جاء ذاك

اليوم وتزوج زوجي

وطبعا خوات زوجي من شد فرحتهن سون الي ماسونه بزواجات اخوانهن حسبي الله عليهن حققن مرادهن وفرقني انا وحبيبي ياناس ماصدق بأن زوجي تزوج علي وحده الى حتى هذي الحظه وأنا ماني مستوعبه وين كلامه الي كان يقوله انتي حبيبتي وانتي روحي وانتي كل شي في حياتي

يارب صبرني يارب وعوضني خير

المهم ماقولكم وش صارليلة زواج زوجي الله ارحم بعباده سبحان الله صارت مشكله عند اهلي نستني نفسي ونستني ان زوجي الليله زواجه وبعز المشكله الا وجوالي يدق ولاه من تتوقعون انا اقولكم زوجي حبيبي يكلمني قبل لايدخل على حرمته يقول انه مغير يفكر فيني يخاف صارلي شي مايدري عن رحمت ربي المهم كلمني وقالي كلام نساني احزاني وطيب خاطري وبكره في الصباح كلمني وهو يبكي يقول ماراح القى مثلك ياحبيبتي وانه كل الي صار غصب عليه هم الي غصبوه

بعد كلامه هانت علي الأحزان

وحسيت بحب زوجي لي

وقلت مادام معاي القمر مالي ومال النجوم وصبرت واحتسبت الاجر عند ربي وبعد اسبوعين من زواجه رجعت لبيتي وأنا في منتهى الحزن صار البيت مظلم بعدك يا الغالي والدنيا مالها طعم وتبدلت حياتي الى حزن وقامت الحرمه تشد حيلها معي بلمضايقات تقولون احد موصيها علشان تطفشني الصراحه مأخفيكن يا أخواتي منكثر ماتضايقني صرت مثل المجنونه كل شوي وانا اقول لزوجي طلقني كرهت حياتي حتى هو كرهته اقوله وقفها عند حدها وخلها تلزم حدودها ما فيه فايده الرجال ماهو معي تقولون انسان ثاني ماهو حبيبي المهم وصلت المسأله الى جوالي وصارت تجيني رسائلمن ارقام مااعرفها وفيها كلام ماينقال انتي عقيم ومريضه ومن هلكلام الجارح وزوجك سوى وحط وقال وفعل وانت ماتدرين عند اهلك يا مسكينه وهو بلعسل حسبي الله ونعم الموكيل على المرسله الله يوريني فيها عجايب قدرته

قولو آآآآآآآآآآآمين

المهم من ضمن كلام الرساله كانت تقول ان زوجي كان كل يوم يكلم حرمته بعد ما ملك عليها قلت لزوجي صحيح هذا الكلام قال لا ماهو صحيح طبعا انا الساذجه صدقته وسبحان الله بعد ماجتني الرساله وانا نفسيتي في الحضيض مقدر اصف لكم شعوري كل ماتذكرت كلمة العقيم اموت قهر وقول نفسي اعرف من الي مرسل الرساله الي مايخاف الله يبي يدمرني

وفعلا تدمرت نفسيتي

كل ماجاني زوجي وانا ابكي ويطلع وانا ابكي وهذي حالتي الله يرحمني برحمته والنوم فارق عيني بس الرساله ديم قدام عيوني عجزت انساها وقلت لزوجي انا تعبانه وبروح لاهلي وفعلا رحت وربك رحيم اول ماجيت عند اهلي طلبت من اخوي يجيب لي جهاز اختبار الحمل يابنات صدقوني مدري ليه كنت ابي احسم الموضوع وبتأكد اني ماني حامل علشان اطلب الطلاق من زوجي على العلم اني كنت ما احمل الابعلاج سبحان الله ربي لطيف بعباده ويوم سويت التحليل وكنت ناويه الشر بزوجي الا وصدمه بغيت اموت ماني مصدقه

انا حامل ومندون علاج

وعلى طول بدل مادق على زوجي وطلب الطلاق الا وانا ادق عليه ازف له البشاره الي كنا ننتظرها من سنين ودقيت على زوجي وكان طالع معها يتمشى فيها وقلتله وانا ناسيه ان فيه حرمه ثانيه الفرحه نستني كل شي عاد زوجي ماصدق وداء الحرمه للشقه وعلى طول كلمني قال ماني مصدق قلت رحمت ربي فوق كل شي تدري انا ليه كنت مسويه التحليل علشان احسم حياتي وحياتك لاكن الحين انت حبيبي وابو عيالي ان شاء الله قال ماقلتلك ان زواجي راح يكون فرج لك على العلم يابنات ان زوجي ماله ثلاث شهور متزوج المهم قال لازم ترجعين باسرع وقت علشان اوديك للمستشفى ونتأكد ومابي احد يدري انك حامل حتى اهلك قلت ابشر انا ميته من الفرحه الدنيا ماهي واسعتني وجيت والحمدلله تأكدنا من الحمل وكان لي شهرين وانا ماني داريه عن نفسي ملتهيه بلمشاكل الحمدلله رحمت الله اوسع من كل شي سبحان الله اتذكر الرساله واتذكر كلمة عقيم واقول الحمدلله الي ربي جبر بخاطري وبعدين دخلت الشهر الثالث
وفجأه اشوف بسيارت زوجي فاتوره
وقلت هذي فاتورت جوالي او فاتورت البيت المهم نزلت من السياره ومعي الفواتير وهو راح عندها كان وقت الزياره على قولته فتحت الفاتوره

وش اشوف

الله لايوريكم كل الاتصالات كانت لها وكلام الرساله صحيح اتريه خادعني وانا فعلا ياغافل لك الله والقهر في الموضوع اشوف رقمي مدة المكالمه ثواني واشوف رقمها بساعات يابنات والله يقرق معها ثلاث ساعات عاد انا شفت هذا الشي الله لايوريكم
وشصار لي غبت عن الوعي
وماصحيت الابعد نصف ساعه مدري وش صار لي
صدمه صدمه صدمه
يقول ماكنت اكلمها وهو يكذب علي المهم كلمته وقلت ياخاين طلقني انا ماعدت ابيك عرفتك على حقيقك كنت تستغفلني وتصرفني وتكلمها
هذا يابنات ا لي اكثر شي قهرني
قال انتي الحين حامل انتبهي على نفسك وانا ابكي من القهر
المهم جاني نزف مفاجاء واسقطت وصارت حالتي حاله الحين بعد ماقلت انا بصير ام اعياله الا والحلم ينتهي بأسرع وقت وسبحان الله يابنات حرمت زوجي احملت بعد ما اسقطت بشهر بعد ماكملت سبع شهور من زوجها

والحين يا اخواتي ادعن لي ان الله يعوضني خير

واحمل

انا منهاره نفسيتي ومابيدي حيله وبعد ماحملت حرمت زوجي صرت ازن على زوجي علشان اسوي حقن مجهري وهو من حبه لي مارفض على العلم من الخساره الماديه له الله يجزاه خير ماقصر معي و سويت حقن مجهري بعد اجهاضي بأربع شهور والحمدلله على كل حال لم تنجح العمليه ولاكن كله بيد الله
قولولي وش اسوي
الحين نفسيتي تعبانه تعبانه
وكل ماقرب وقت ولادت زوجة زوجي اموت قهر وماعادت عيني تشوف النوم ادعولي يا اخواتي ان الله يرزقني عاجلا غير آجل اللهم آآآآآآآآآآآآآآآآآآآمين
والحين معليش على الاطاله بس ماتصدقون وشكثر ارتحت يوم فض فضت لكن
اتمنى منكن تمدن لي يد العون
بمساندتي على الخروج من الحاله الي اعيشها الله يجزاكن خير لاتحرمني من توجيهاتكن انا محتاجه من يوجهني خصوصن اني فقدت الثقه في نفسي واعتزلت الناس وصرت ماروح ولا اجي لحد
ساعدني ساعدني
على الخروج من الحاله الي انا فيها
واحب اقراء منكن قصت حياتكن
ويصير عندنا ملف
نفض فض فيه عن مشاكلنا
مع ازواجنا واهل ازواجنا ونظرت المجتمع لنا ونتبادل الاراء والتوجيهات لنعيش حياة سعيده
مع ازواجنا


التعليقات (9)
noha zakariyyah
noha zakariyyah
ياه يا أختي إيه القصة الحزينة دي؟
لي وقفات مع القصة ولي عودة أخرى بإذن الله

kada200
kada200
اشكرك على المرور أختي

رانية المصرية
رانية المصرية
لا حول و لا قوه الا بالله العلي العظيم
قصه محزنه
الله يعوض عليك و يمن عليكي بالخلف الصالح اللهم امين و لا يشمت فيكي احد ابدا اللهم امين
و فعلا كثره الدق تفك اللحام
و كثره الزن امر من السحر
الله يكون بعونك يارب

طالبه الفرج من ربي
طالبه الفرج من ربي
ياقلبي انتي
ربي يفرج همك واحتسبي الاجر عند ربك وحسبي الله ونعم الوكيل على كل ظالم

دامت لمين
دامت لمين
والله انا ماني شايفة الموضوع مأساوي مره ...فيه حسنات كثير زوجك طيب ويخاف على شعورك ..مسألة حمل زوجته هذي من الله لا بيدها ولا بيدك الله رزقها وله حكمه في عدم حملك ..والحمدلله احتمالية حملك قائمة ,مالك الا الصبر وابتعدي عن التفاهات و المهاترات وحطي بالك على بيتك وزوجك وشوفي لك نشاطات ثانيه تشغلك عن هالكلام الفاضي ..حطي في بالك حريم معهم عشرة اولاد ويتزوج عليها زوجها اي متزوجه عرضة لهاذا الشي مو اخر المطاف ...

توبه نصوحه
توبه نصوحه
كل اللي اقدر اقوله
حسبي الله ونعم الوكيل في كل انسان او انسانه تكسر قلب واحده لا حول لها ولا قوه
وربنا يسعدك ويديكي علي قد نيتك بس هو كان لازم يراعي انك استحملتيه في اصعب ايام حياته وفي فقره ورضيتي بالهم والتعب علشان حبك
والله يا جماعه ما فيش اي راجل يستاهل مهما كان

تواقه للجنه
تواقه للجنه
الله يرزقج ويرزقنا يارب
الله يعوض صبرج خير يارب
حسبي الله ونعم الوكيل ع الي سووه فيج

توتي الصغيره
توتي الصغيره
حسبي الله وهو نعم الوكيل عليهم
الله يصبرك
ان شاء ربي راح يعوضك
اعرف كثير اذ1 تزوج ازواجهن حملن ان شاء الله انتي منهن تحملين بتوام يارب يارحيم
هو تزوج وانتهى الامر لاتهملين نفسك وزوجك خليك انتي الاولى والاساس
مو شرط الولد اللي راح يقربكم لبعض لااهم شي المعاملة الحسنة
وثقي ان عندك رب راح ياخذ حقك من اللي ظلموك

دنــــــا
دنــــــا
سلام
مرحبا اختي 00
بصراحه قصتك تعذب 00 هي عاديه وتصير بااحسن العوائل
بس الي يقهر فيها انتي وبس
انتي الي معطيه كل الناس وجه
خير ان شاء الله يخلون شغل البيت عليك وخير يسكني عند اخوه وخير زوجة اخوه تطردني وارجع لها000
يلعن ابو الحب الي كذا 000
مع احترامي لك00 بس نصيحه نصيحه نصيحه واذا ماعملتي فيها بتكتشفينها بعدين وتذكريني على خير
ابد لاتنزلين نفسك وابد لاتخلين احد اهم عليك من نفسك انتي اولا ثم انتي ثانيا ثم انتي ثالثا وعاشرا وبعد كذا زوجك وبيتك
زوجك المصون ماقدر حبك وتزوج عليك وكذب عليك و00و00
طيب هذا لانه مهتم بنفسه هو اولا وانتي ثانيا ويمكن انتي ثالثا بعد زوجته الثانيه
غلاتي مااقصد اني اصير قاسيه معك بس والله الدنيا تعلم انا متزوجه من 4 سنوات وماعندي اطفال للحين واجهضت 3 مرات
والله ابن ابوه يفتح معاي الموضوع
انا مااعصب ولاشيء بس ياربي لك الحمد انا لي هيبه وزوجي حاطلي هيبه
وزوجي ماحطلي ها لشيء الا لانه شايفني قبل نفسه وهذا الشيء الزوجه تخلقه مو الزوج
يعني ماراح اكذب عليك اول سنه تزوجت كانت حياتي عذاب في عذاب
وعرفت شغله ان الزوج مايشوف ولايهتم ولايعمل حساب الا للزوجه الي تهتم بنفسها اولا ثم هو00 والزوج ابد مايستاهل التضيحه والرجال كلهم الا من رحم ربي
يعني لو كانت الوحده حاطه زوجها فوق راسها هو ماراح يشوفها
لانه فوق
بس اذا كانت هي فوق راسه00
وين مايروح بيشوفها ويحطلها الف حساب
والمفروض حطيتي لنفسك هالشيء من اول ماتزوجتي بس قولة لو من الشيطان
ولا المفروض يحطلك بيت ويصرف عليك مثلك مثل حريم خلق الله شكو انتي تتحملين عذاب وتعب وهو نايم بالعسل اذا مو قد الزواج ليش يتزوج وليته قدر هذا الشيء وهذي التضيحه00
انا عندي لك حلين 000
1- اذا انتي قرفانه من زوجك ومن حياتك اطلبي الطلاق وادري انه ابغض الحلال عند الله الطلاق بس ماتدرين يمكن ترتاحين نفسيا وتشوفين نفسك وحياتك ويرزقك ربي بزوج يقدرك ويمكن تجيبن منه الذريه الصالحه
واذا كنتي ماتبين الطلاق عشان زوجك 00 لاتفكرين بهذا الشيء فكري بنفسك انتي بس وبراحتك
2- اذا كنتي تبين زوجك وحياتك وماتقدرين تستغنين عنهم فاحاولي تكسبين زوجك لصفك 00 يعني ضرتك حملت وبتجيبله عيال صح00 هو بيفرح بعياله وعقبالك يارب
بس صدقيني ضرتك بتلهى بولدها او بنتها وبتهمل وبتقصر ببيتها وبزوجها وهذا شيء طبيعي
فاانتي استغلي هالشيء وخلي زوجك يلاقي عندك الراحه والحب والهدوء وخلي عنك البكاء وضيقة الصدر
اذا بتسمعين كلامي اول شيء اعملي نيو لوك لشكلك ولاتبخلين على نفسك بشيء ابد ابد انتي اول حياتك ثياب عيد ماكنتي تتهني فيها عشان ظروف زوجك وهذاه يوم اغتنى تزوج عليك
فاعشان كذا لاترحمينه من ناحية المصروف فاروحي اعملي نيو لوك لشكلك ولبيتك وكأنك عروس جديده
وابتكري اساليب جديده لحياتك خلي زوجك ينبهر وينجذب لك وكأنك انتي الجديده
ومن ناحية الحمل اذا الي فيك عين او نفس روحي لشيخ يقراْ عليك واذا شيء طبيعي فالا تهملين نفسك اهم شيء تعرفين وش المشكله 00 واذا ربي ماكتب لك الذريه فاخليك دايم المتجدده الدلوعه الي زوجها يلاقي عندها الراحه والوناسه وان شاء الله بأذن الواحد الاحد انك بتملين عليه البيت اولاد لانه سبق وحملتي والحمدلله
ومن ناحية اهل زوجك عادي تقدرين تغيرنهم وتكسبينهم بعد بشوية سياسه
يعني اذا رحتي روحي بكامل اناقتك ولو حصل بعد تخلينه يجيبلك شغاله وخليك دلوعه وعلى قولتهم يازبيده لاتنكتين خليهم يقولون فلان بدال مايهملها بعد مازوجناه شوفوا وش صارت
وخليك اهم ماعليك شكلك واناقتك وعوضي كل شيء فاتك وعلى فكره اي شيء تبينه جيبيه بالدلع والسياسه مو تصيرين نكديه
----------------
برايفت 00 هذي سالفتي مع كوافيره شفتها قبل اسبوعين تقريبا
هذي الكوافيره ياطويلة العمر من جنسيه عربيه والاخت قمه بالقبح
الحمدلله والشكر يعني لازين ولاجسم ولا شكل ولا شيء خلق ال حسن
المهم دق عليها زوجها وهو من غير جنسيتها واسمعوا السوالف والاسلوب اهلين حبيبي هلا قلبي هلا روحي وانا طارت عيوني 00
وشويه وتاكله من التليفون وهو كل شوي يدق
وكل شوي يتطمن عليها عاد قمت استهبل عليها قالتلي انا زوجته الثانيه وانا مااجيب عيال ومتزوجني بالسر
وابي يعترف فيني لانه لو طلقني انا خلاص يضيع مستقبلي
لان زوجة الاولى حلوه وام عياله ومن جنسيته
تقول ومالقيت قدامي الا هالدلع وهاللسان
تقول والله يادنا اني بدخل معه الحمام وانتم بكرامه واروشه بيديني وامص له اصابع رجوله
عاد انا حامت كبدي بس قلت والله انك مدلعته قالت والله العظيم الحين مايشوف بالدنيا غيري ويتمنى على طول يفضل يحاكيني ويجلس معاي لانه اذا صار عندي ادلعه وارقصله واونسه
وبس00
واتمنى اكون افدتك ولو بالشيء القليل وتقبلي مروري
دنا

انا عروسة يامتزوجات الله يسخر لكم ازواجكم جاوبوني
العلاج باسماء الله