ادخلوا وردو علي ياحلوات

املي رضى ابي وامي

12-01-2022 - 09:40 pm

السلام عليكم ورحمه الله وبركاته
كيفكم ياحلوات
كل عام وانتو بالف خير
ياخسارره اليوم ان شاءالله اخر ليله من رمضان اعاده الله علينا وعليكم بالصحه والعافيه
ابغا كل وحده تكتب شعورها على فراقنا لهذا الشهر الكريم
واول يوم في العيد يجنن وبعد ماتناموا وتصحوا انا عني ينزل علي طفش ماعمره نزل علي وشايله همه
ابسالكم هل انتو تحسوا بهذا الطفش والا بس انا
وشكررا

التعليقات (9)

ام نايف العمري

13-01-2022 - 12:48 am

عندنا البيت يكهرب ليه مدري
ويصير استنفار بالدولاليب والملابس عشان اخواني... اللي يشوفيهم يقول مايعرفون الكشخة إلا يوم العيد...
ماتوشفي غير الغتر والطواقي طايرة من فوق رأسك
وماتجي الساعة9 الصباح,,, وكأن شي لم يكن,,, هدوء والبيت نيام
وقوة طفش وضيقة تمسكني..........

ام رنووومه

13-01-2022 - 01:49 am

ههه نفس الحاله
انا روتيني بالعيد بعد صلاة العيد البس واتكشخ واعايد امي وابوي وجماعتنا وتعرفين بالعيد مافيه فطور بس قهوه وشاي وحلاو ومكسرات ^_^ يعني يوم العيد الله يعين المعده خ
ونروح ونسلم على العجايز في بيوتهن ونروح منا ومنا لين بعد صلاة الظهر خلاص ابي النوم دخت ماشوف شي
اروح واوطي رويسي وانام
واقوم اخر العصر او بعد المغرب طفشانه وجوعانه والله ياهي حاله ههه
وفي اخر الشهر الفضيل تقبل الله طاعتي وطاعت كل مسلم يارب العالمين

املي رضى ابي وامي

13-01-2022 - 02:50 am

الحمدالله في احد زي يحس بنفس الطفش ههه
عطرتونا اخواتي بمروركن
وشكرا

نادر وجودها

13-01-2022 - 03:51 am

انا مثلك من يجي المغرب وانا احس بطفش مو طبيعي
واحس الدنيا تصير هدوء :(

الحياة الزوجيه

13-01-2022 - 04:52 am

امر بديهي ........... وطبيعي بعد 30 يوم من الروحانيات والمناسبات والتجدد في كل يوم والانتضار متى يحين وقت الافطار ............. الخ
وفجئه تنتهي هذه الأيم الجميله والشيقه ................ وينتج عن فقدانها فجوه كبيره في انفسنا ...تجعلنا نحس بالطفش والكبت ..........
اتمنى ان تكون ايامكم جميله وسعيده .........

&^جووجوو^&

13-01-2022 - 05:53 am

من بعد الفجر وانا اجهز عيالي وانواع الازعاج الله لا يوريكم
ونروح لاهل زوجي و ع السااعه 11 نكوون في البيت داايخين
وننوم ومتى ما صحيت رحت لاهلي واجلس عندهم ايام العيد
وناسه ووجمعه علشاان كذا الحمد لله ما احس بالطفش
ونطلع نسلم ع جدتي وخوالي .,
والله يعيد علينا رمضان أعواما عديدة وأزمنة مديدة,’

SE4EVER

13-01-2022 - 06:54 am

من يوم وانا صغيره احزن كثير اخر يوم في رمضان عكس الاطفال احب هالشهر وروحانيته وحتى روتينه الله يعيده علينا وعلى امة محمد اعوام كثيره

umjumanah1400

13-01-2022 - 07:55 am

الله يجعلنا من المقبولين

دائمةالسعادة

13-01-2022 - 08:56 am

الله يجعلنا من المقبولين

يامتزوجات هل الزواج حسسك بالاستقرار والامانتجاربكم وارائكم للنقاش حياكم←
الله يوفقها اللي ترد علي→