ادخلو وعطوني حل لمشكلتي

1. لعل وعسى القى حل

السلام عليكم
كيف الفراشات ؟؟؟
من زمان وانا بكتب مشكلتي مع زوجي بس اتردد واليوم طفح الكيل وقلت بكتبها

لعل وعسى القى حل

بنات انا مشكلتي مع زوجي كثير الخروج من المنزل يعني يطلع ويتركني بالبيت بروحي انا اطفش ازهق امل وهو ولا كانه سوى شي ... طبعا فاتحته بالموضوع مره ومرتين وعشر وكل مره يوعدني ومرات يقول خلاص مرح اطلع عشانك ويمر يومين ولاكانه قال شي يطلع ويتركني واحيانا مايصدق اني انام اغفي شوي اصحي مالقاه يقولي نمتي وانا مافيني نوم واقوله ليه ماتخاف علي تتركني نص الليل بالبيت بروحي وتطلع للشباب بالاستراحه يعتذر ويسكر الموضووع انا تعبت نفسيا خصوصا ان مافي احد اروح له وقت خروج زوجي او احد يجيني حمواتي عزمتهم مليون مره يجوني مره مرتين ولا يعزموني مشغولين ببزرانهم وانا توني ماجاني اطفال وربي طفشت ابيه يقعد معي زي الناس او يطلع مره لاستراحته ويا الشباب مو مرتين واحيانا ثلاث باليوم احسه تغير اول كان يقولي كلام زين ويتغزل الحين صاير مايعرف الكلام الزين الا ااذا يبي شي مني انا تعبت نفسيا وكل مره اذكره يقولي جد انا مو ملاحظ .. واذا زعلت وشلت بخاطري عليه خلاني انا اللي غلطانه وقال انتي حساسه وتتضايقين من اي شي ... لاتقولون ناقشيه مليت نقاش هو احسوه يبيني اتعود على الوضع كذا عشان كذا ازعل ولا مازعل مايهمه يرضيني بوقتها وبكره يسوي نفس الشي
ولاتقولون اشغلي نفسك باي شي ولابشغل البيت اخلص شغل البيت وهو لسى ماجاء يطوول برا اقعد عالنت او التي في بس ولو لي حق انه يقعد معي ..
وربي صدع راسي من التفكير وش اسوي معه