ارائكم في معلمات الابتدائي الجهلة

معليش أسمحيلي أول ما قريت العنوان أنصدمت مو كل معلمات الابتدائي جهلة بلعكس فيهم الي قمة .
الشي الثاني أنا أيدك أنه لابد من توظيف معلمات صغار بدل الكبار .
و على العموم مدرستي الأهلية كل الي فيها صغار و قمة الله يرزقني حكومي .
عارفه أني طولت بس اللوم و الله مو على المعلمات خاصة مدرستي معلمات اولى قمة بمعنى الكلمة لا تقولي تسوي دعاية لكن اللوم على الرئاسة المنهج صعب الله يساعد صحباتي على هذا المنهج التعبان .
تقبلي مروري

ليش ما تروحي المدرسة و تكلمي المعلمة تغير اسلوبها مع البنات
حرام أطفال لازم لهم طريقة تدريس مشوقة وجذابة بعدين تعقدهم
حاولي تتواصلي مع المعلمة ولا تلومي ع المنهج اذا المعلمة زينة راح تفهم البنت وتحب المدرسة
انا معلمة ثانوى لكن اعشق الابتدائي احسهم وورود ترويها وتكبر امام عينك يوم بعد يوم
الله يخليهالك سامحينى طولت عليكي .....

الله يسامحك انا كل اللي معايا معلمات خبرة و مش كبار بس فاهمين صح و الطالبات و الله مثل اولادنا حتى لما انزعج من طالبة يتمثل لي ولدي قدامي و اقول ابي اتصرف معاها زي ما احب المعلم يتصرف مع حمودي ولدي و انت وين دورك ما تتواصلي مع المعلمة لمصلحة بنتك و عموما معلمات الابتدائي هم الاساس و البداية الله يقويهم و يبارك فيهم

المفروض المعلمات الكبار تتغير انا لما كنت في الابتدائي نفس المدرسه الي درستني الى الان تدرس بنات عمتي وعمرها 50 يمكن اكثر ليه مايتوظفون البنات اعرف منهم ..
وانتي لازم تتواصلين مع معلمات بنتك

المنهج رائع بس مااعطو وقت للمعلمات يدرسونه تمام
ولا والله رائع ومهم جدا
&&&&&&&&&&&&&&&&&&&&&&&
اما بالنسبه لنفس المعلمات صح كلامك كبار بالسن وخلقهم ضيق على اطفالنا ,,, خلاص ملو من التدريس
ماعاد فيه الحماس والتشجيع حق زمان ,,, شوفوا التصحيح في الدفاتر ,, ماتلاقون ولا عباره تشجيعيه ولابالغلط
المفرووض يتقاعدوا ويتركوا فرصه لغيرهم الشابات لانهم صغار وحيكونو متحمسين
ماهو قصور في اداء معلماتنا بس واضح فيهم الملل والله
&&&&&&&&&&&&&&&&&&&&&&&&&&
في نقطه ابغاكم تقولون رايكم فيها (( حمامات المدارس وانتم بكرامه ))
شي يثير العجب والله .. ويقهر لحد الجنون
اختي الصغيره سنه اولى تقول الابله تقول ماعندنا مويه بالحمامات دايما مقطوعه كل وحدة تجيب منااديل معاها
حشى صرنا كفار يابنات
وين تعليم النظافه ووين ووين وين
اخ بس
يوم رحنا ننتقد المدرسه ردت المديره بكل برود الخالات مايرضون ينظفوا الحمامات ليش نجيب مويه
باللهي وين الرقابه على هاذي الامور المهمه
طيب ايش ذنب اطفالنا
اعذروني طولت بس والله مقهوره
دمتم

عذرا اذا اخطئت علي معلمة تحترم وتقدر رسالتها
واني اعجز عن الامتنان لمن علمني حرف
ولكن لا تسوء فهمي بس والله قهر بنتي انا تكره الدراسة
ونحنو عائلة تقدس التعليم وله الاولوية في حياتنا
اما عن اني اروح لي للمدرسة انا رحت للمدرسة3مرات وبس مرة وحدة قابلت المعلمة وكذبت البنت امامي
اما عن الروحة دايما لا استطيع
لاني طالبة في الجامعة
وكل يوم دوام

فيه معلمات قديرات جدا جدا في التعليم والسن مايفرق في اداء الرساله التعليمية بالعكس كل ماكانت المعلمة خبره كانت أفضل تمسك الابتدائي أفضل من انهم يمسكونهم خريجات جدد
لانه الصفوف الأوليه هي تأسيس .. والسن ماله علاقه أبدا بالاخلاق .. بالعكس تكون المعلمة ارحم بالاطفال من المعلمة الصغيرة ولا نعمم
اللي اخلاقها سيئة سواء كبيرة أو صغيره هذا طبعها
بالعكس انا أأيد انه تكون معلمة الصف الأول الابتدائي ذات خبرة قديمة ..
ولازم تروحين تكلمين المعلمة أولا عن سوء تعاملها مع بنتك وانها طفلة هي بتكون سبب كرهها للتعليم
وإذا مانفع روحي للمديرة ومانفع روحي للوزاره هي تتصرف تصرف صارم معهم
لان الاطفال أمانه عندهم والمسأله مو تعليم بس هي تربية وتعليم
والمناهج صحيح صعبه وقوية على الاطفال بس ماشاء الله احسها توسع مدارك الأطفال لانهم ماشاء الله جيل واعي
ويفهمون .. أهم شيء تكون طريقة توصيل المعلوومة طريقة ممتازة حتى تسهل المنهج وخاصة مادة العلوم جدا صعبه على السن هذا لكن تقدرين تشرحين لبنتك باسلوبك ولاهو كل شي بس اشياء اساسية وبطريقتك انتي لانك لو بتاخذين كل كلمة من الكتاب ماراح يستوعبون مساكين
وركزي معها في الحروف والحركات والإملاء هذي السنة ضروري لانها اساس وحببيها في الكتابة سواء بمكافاءات او طلعة أو تشترين لها شيء تحبه كل ماكتبت وتملت حروف وكلمات
والله يعينك مسؤولية كبيرة
والاختلاف في الرأي لا يفسد للود قضية ... واتمنى ما أزعجتكم واطلت عليكم في الكلام

شكرا اختيshortcuts علي طرحك الاكثر من رائع
ومنكم نستفيد