ارجوكم تردو عليا بسرعة

1. انا مملكة من شهر تقريبا .. والقصة كالتالي :


2. انتظرته على الموعد ما جا .. رسلتله رسالة انه هل حتجي ولا لا قالي لا !

السلام عليكم ,,
انا بحكيكم ايش صار بشكل سريع وابغا رأي المتزوجات بناء على خبرتكم في التعامل مع الازواج ...

انا مملكة من شهر تقريبا .. والقصة كالتالي :

كان بيننا موعد انه يجيني عشان نناقش امور خاصة بالزواج وقبلها كنا نتكلم في التلفون على امور البيت وقلت كلام عادي جدا بس هوا عصب وانفعل لانه اعتقد انه انا ما ابغا اهله وصار يزعق مع ان الي قلته ما قصدت فيه شي ابدا بس هوا انفعل ونهى المكالمة وهو معصب جدا ..

انتظرته على الموعد ما جا .. رسلتله رسالة انه هل حتجي ولا لا قالي لا !

المهم انا مت من القهر طبعا وبكيت ولما هديت اتصلت عليه وقلتله انا ايش سويت عشان هذا كله قالي كذ وكذا وكذا قلتله شوف انا ما غلطت انت انفعلت وعصبت بلا سبب المهم قفلت منه ورجع بعدها دق وطنشته وثاني يوم دق وطنشته في المرة الثالثة رديت بس بجفا وهوا منتبه طبعا .. قفلنا ورجع اتصل بعدها بساعتين واتناقشنا واعتذر وانتهى الموضوع وطلب انه يجيني في اليوم الثاني ...
سؤالي هوا :
هل اخليه يجي عادي وانهي الموضوع ؟
ولا اعتذر منه انه انا عندي مشوار مهم عشان يحس في الي انا حسيت فيه انه لما انا ابغاه يجي ما جا ولما هوا يبغا يجي .. يجي ببساطة ؟؟؟
انا ابغا اعرف ايش هوا الاسلوب الي حيكون مجدي اكثر مستقبلا .. اني ما ارضى بسهولة ؟؟ ولا ما رح يفرق عنده لو اني ما خليته يجي اليوم ؟
الان هوا ينتظر ردي وانا ماني عارفة كيف اتصرف !!!