ارجوكم مدري وش فيني غيرة او وتعب ارجوكم

بنات مدري من وين اكتب قصتي
بس قبل لا اتكلم انا اخت لولي مو هي نفسها بس لان ماعندي حساب في الفراشة
قلت اكتب هنا مشكلتي
انا تزوجت من 5 سنوات واموت بزوجي والله
اول زواجي اكتشفت انه قبل كان يبي بنت خاله ويقولون ان هي كانت تبيه
بس صار امور منعت زواجهم
المهم
اول زواجي اكتشفت ان زوجي يراسلها ويكلمها وخانقته وحلف انه يتركها
والسالفة هذي مر عليها 4 سنوات
وزوجي الحمد لله نساها وقالها بلسانه
اني انا حبه الاول والاخير
وانه كان عايش بوهم اول
لانه عرف انها لعابه
وراعيه علاقات
المهم حياتي معه اوك
في الاجازة هذي
انا ساكنه عند اهل زوجي
وهم يجون كل صيف
لبيتهم اللي جنب بيت اهل زوجي
وبينهم باباب دايم مفتوح
قبل شوي
زوجي وقف سيارته عند المستودع الخارجي وهو قريب من بيت خال زوجي
وانا كنت معه
المهم زوجي ينقل اغراض من السيارة من المستودع
وطلعت انا وعيني طاحت ع مدخل بيتهم لقيتها تتمشى فالحوش
انقهههرت مع اني واثقه ان زوجي ماراح يطالعها
بس اتذكر الماضي وانقهر
والحين جالسه معها ومع جمعة البنات ومالي خلق اطالع فيها
مدري كيف اتصرف معها من جد مقهورة بقوة بقوة
واكرهها والله اكرهها احس بضيقه اذا شفتها
باقي 27 يوم وترجع لمدينتها عشان دوامها
مدري كيف بصبر
وخاصة في طلعاتنا للمنتزهات يكون زوجي معنا
وهي انواع النظرات المسروقه له
ارجوكم ارشدوني