ارجوكم مساعده

حبيبتي هذي نفس مشكلتي الرجال طبعهم مايحبو الرومنسية

طيب وش الحل اقدر اغيره ولا

والله حالتي من حالتج ولكن ها الحمد لله تميت أصرحه دايما والحين ولله الحمد أحسن عن قبل حاولي دايما تصارحيه أمكن ينفع معاه
والله اعلم

حبيبتي بالنسبه للرجال عامة صعب يبين غلاة زوجته او حبه لها في الاغلب تلاقينه يحاول يبينه لكن بشي غير البوح والتصريح واحيانا البعض منهم يقول الله لا يبين غلاك لان الرجل بطبعه لايحب البوح بمشاعره
وبما ان زوجك اعترف بنفسه انه من كان صغير مافي يوم بين مشاعره او حضن احد واعترف فيها هذي فرصتك كنت اعاني من زوجي ولما صرح لي بالشي هذا استغليت الفرصه وبالفعل دللته دلال عمره ماكلن يحلم فيه بالعربي خليته طفل صغير عندي زي النونو بس يأشر وانا انفذ لان بصراحه ماحبيت افقده لاني حبيته وحبيت فيه امور كثيره فيه لكن كرهت عدم رومنسيته
المهم كنت اتعامل معاه زي الطفل واعامله بحنيه وحنان في النهار لما ارجع من جامعتي اكون جايبه معاي له شي حتى لو يكون مجرد عصير وخاصه لما اكون متأكده انه رجع من عمله وينتظرني في البيت اجيب شي له معاي واذا كان العكس انا وصلت البيت قبل مايوصل كنت اجهز له الحمام وملابسه واستقبله بحنيه ودلع واتعامل معاه برقه ونعومه وانا اللي اشيل ملابسه وانا اللي اللبسه واغير له بالمختصر المفيد (( عوضته عن شي ممكن يكون افتقده في صغره )) وبالفعل هو جرب حياة الغربه والدراسه برا لذلك ينقصه شي معين
حتى وقت ماينام انتبه للحاف وابوسه على خده وكل مكان يسمح لي فيه بالرغم احيانا يكون نايم بس اعرف انه حاس وساكت واضمه احضنه بخفه وحتى لما نكون عند التلفاز او اي مكان تسمح لي الظروف فيها اكون ملاصقه جنبه وماسكه ايده وابوسها من وقت للثاني وحتى انه في وقت قال انا رجال ليش تعامليني كذا شايفتني نونو قلت انت ارجل واحلى رجال شفته بحياتي لكن انت النونو اللي يخصني وكنت اللعب معاه العاب كثيره يضحك اقوله ماعليه طفوله متأخره
وقبل اطلع من البيت اجهز ملابسه واكتب معاها عبارات اتمنى فيها له بالتوفيق طبعا ماتخلو من كلام الحب والغزل
طبعا هذا كله كنت اسويه قبل اجيب اول بنت لي ولمدة سنتين تقريا اعطيته حنان يخصه لوحده وكنت حريصه خلال هذي الفتره اروح عند اهلي كم يوم خاصه خميس وجمعه انام عندهم فيها لاني بصراحه عارفه بالرغم انها نهاية الاسبوع بس للاسف ماراح نطلع فيها لوحدنا ولو طلعنا الاكيد في احد راح يشاركنا خلوتنا بكم ان اهله ساكنين معانا وحتى وجبات الاكل قليل جدا ما اجتمع انا وياه على نفس السفره انا اكل لوحدي واهو لوحده لذلك كنت اتعمد اطبخ اطباق تخصه هو لوحده دون غيره واقدمها له فيها دلع وكاسات العصير والشاي كلها تكون مخصوصه له ولما كان يرفض اني اكون عند اهلي يقول خليك معاي اقوله لا اسمح لي ما ابي انقهر اكثر لما اكون اعرف ان ظروفك وظروفي تسمح نطلع نغير جو عن البيت واحس اني محبوسه لا ما اقدر لازم اروح لاهلي ومن الجمعه بكون تحت امرك وبين ايديك
ممكن يجي في نفسك طيب والنتيجه طلعت خاصه لما انجبت اول بنت لي حس بأنشغالي عنه صار هو يتقرب مني ويحاول يبين انه تعبان محتاجني وفي الاغلب يحاول اترك بنته عند اهله او اهلي ونختلي في بعض وبدأ اهتمامه وتساؤلاته وين ايام زمان وين الدلع اقوله طيب اوكي دلعتك دلعني واعرف دلع زوجي لي مو بالكلام لكن ما اطلب شي يبخل فيه ولا يتحمل يشوفني اشتكي حتى من شكة الدبوس لدرجة انه صار عنده استعداد يتحمل مسؤليه البنت في الليل في سبيل راحتي لما اكون مشغوله او عندي اختبار او صحتي مو تمام ولما بدأت حياتنا في الخصوصيه قليل مايطالبني بشغل البيت ماعنده مانع يساعد ويسعى لراحتي اكثر شي صحيح كافحت لحد ماحصلت الشي هذا بس الحمد لله حسيت بغلاي عنده حتى لو كان بدون كلام رومنسي وفي الاغلب كنت اكتب على المرايه في الغرفه او اي مكان في البيت واكتب تحت ارجو التعليق واترك القلم قريب مرات احصل كتابه بوقتها ومرات لا بعد وقت بس المهم انه يكتب حتى على البطاقات كنت اطلب منه على الاقل التوقيع اعرف وقتها انه قراءها واذا مالقيت التوقيع ازعل وصار يحرص اكثر يرضيني لو بالشي البسيط والان مع بنتنا نلعب زي الاطفال معها والاحظ انه يحاول يلفت انتباهي علشان اعطيه وجه ويلمح لامور تخص الغرفه يعني افهميها وطبعا في اجواء غرفة النوم يكون الدلع والدلال له لون وطعم ثاني
اتمنى لك التوفيق بحياتك وبالفعل على قدر ماتعطينه حب وحنان راح يعطيك بنفس القدر او اكثر حتى لو كان مو بالكلام يكفي اني اعرف انه يعتبر حياته بدوني مافيها اي طعم ولون ويحاول يسعدني حتى بأبسط الامور ولازم مني اتقبل منه انه ماعنده القدره يبوح باللي في قلبه نطقا بالكلام لكن يكفي اني احس بالشي هذا
اتمنى افدك وءاسف على الاطاله

ماعلية عيون انتي كرار علية كلام الحب
وهو اشوية اشوية بيتعود ولاتنسي
ان التكرار يعلم الشطر
كتبيلة احبك في كل مكان
وطرشيلة المساجت الغرمية
ولاتملي وتحدي نفسك واللة بيوفك

ههه
الحمد لله مو متزوجه
كل يوم يزيد كرهي للزواج

مشكورين حبيباتي الفراشات منورين الصفحه بردودكم
وانا راح اجرب الطرق اللي قلتولي عليها
مشكورين من كل قلبي
حبيبتي دلوعه ليش تكرهين الزواج بالعكس
موكل الرجال سوى
يلا خلينا نفرح فيك
تحياتي لك

دلوعته..
تقريبا انا كنت اسوي لزوجي زي ماسويتي لزوجك مع اني الزوجه الثانيه وصغيره 22 سنه بس يوم حملت وولدت زاد وزني شوي وماقدرت اتحكم في وزني لأني حملت مره ثانيه بعد شهرين من ولادتي وتدرين وش جازاني فيه
تزوج علي الثالثه حرمه كبيره زوجي رقم 4 من بين ازواجها السابقين وكبيره اكبر مني يعني انا في عمر بنتها اللي من زوجها الأول ومابينها وبين زوجي فارق في السن الا سنتين بس والحق ينقال انه جسم نحيفه وهذا اللي عاجب زوجي فيها
تقدرين تقولين لي كيف اقدر ادلعه مره ثانيه زي اول
تقدرين تقولين لي وشلون ارجع شبابي اللي ضيعته معاه
تقدرين وانا الحين كارهته لآنه يعاقبني لأني اصريت اني احمل بعد9 اشهر من زواجنا
واطلب منه الطلاق بس اللي ماسكني ولدي واللي في بطني
في احد منكم يقدر يساعدني

حبيبتي HOlyla الزوجه اللي بعدك وانتي كبر عيالها عارفه في امور الرجال اكثر مني ومنك وبما انك قلتي سبب زعله عليك وعقابه سمنتك اجل بعد ماتولدين بالسلامه انسي الانجاب فتره من الزمن وحاولي بقدر الامكان تشيلين كل الوزن الزائد انا عني الزوجه الاولى لزوجي وهو اكبر مني بكثير وصار لي نفس مشكلتك بزيادة الوزن بس الله يستر لايعرس علي وانا الان حامل بس مقرره انه احافظ على نفسي بعد الولاده حتى لو رفض اطلع نادي راح اتحدى نفسي او اوفر مدربه رياضه عندي في البيت
لذلك لابد نركز على موضوع الوزن الزائد هذا اول شي الشي الثاني اللي ممكن تجهلينه بعض الامور اللي يلاقيها عند زوجته الاخيره بحكم تجربتها مع الرجال بتكون عندها قدره عاليه على امتاعه بشي ممكن يكون هو يجهله او انه انتي وانا ما نقدر نسويه اكيد فاهمه قصدي اللي هو من الناحيه الجنسيه ارجع اقولك ركزي على موضوع الوزن اول شي وبعدها حاولي تغيرين امور حياتك بشكل جذري من جميع النواحي شوفي ايش اللي ينقصك عن غيرك وسويه لاني اعتبر موقفك جداً مؤلم لانه عنده اكثر من زوجه يقارن بينكم واذا هو مايبي عيال وش تبين بوجع الراس وفي الزمن هذا كثير منهم يبي يعيش حياة بدون عيال واذا كنتي تجهلين امور الحريم وبلاويهم ارسليلي على الخاص يمكن افيدك او تفيديني
واطلبي الله يهديه لك ويحنن قلبه عليك ولا تيأسين والصبر مفتاح الفرج وبالعكس خليكي هاديه ولاتزعلين من زواجه عليك لان بصراحه اللي ياخذ الثانيه مو بعيد ياخذ الثالثه والرابعه اذا العرس براسه اهم شي انه يعدل بينكم ويوفر لك كامل حقوقك ولا يزود غيرك عليك او يحرمك شي ويرضي الثانيه
والله يكون بعونك ويصبرك ويسهل عليك امورك