ارجو الدخول بس الزعل ممنوع

استغربت يا خواتي من الردود على احد المواضيع بخصوص لعبه في النت يشترك فيها الازواجمحور استغرابي الوقت اللي يهدره الازواج في هذي اللعبه وحده من الاخوات زوجها لعب يومين بشكل متواصل !!! اذن وين المسئوليه وين التفكير في مستقبل الاولاد ومستقبل البيت نفسه والله وبدو زعل احس ان كل الازواج اللي يلعبون هذي الالعلب احسهم ناس خالين من الطموح لان هذي السن هي سن العطاء والبناء عزيزتي الزوجه : تري انتي مو خاليه من المسئوليه في هذا الخطا الكبير , يعني لاتقولين زين انه موجود عندي على الاقل في البيت واعرف ايش قاعد يسوي لا لا عزيزتي في هذا السن الزوج لازم يسعى ورى تكوين مستقبل يطور نفسه ويطور بيته ويحاول يزيد دخله مو بس دوام وبعدين يرجع البيت يشاهد هذي اللعبه انتي عزيزتي الزوجه وينك ؟ ما فكرتي في وضعك عقب عشرين سنه اذا كان في مرحله البناء والعطاء زوجك يقضي معظم الوقت مجابل الالعاب اذن متى بفكر في البيت والمستقبل مع هذا التضخم اللي نشوفه والغلاء وارتفاع الاسعار تعنقدين الالعاب هذي راح توفر لكم مستقبل اللي تطمحون له ؟ اكيد لا طيب ايش نسوي وايش في ايدنا نقدر نسويه وما سويناه ؟ الكل راح يتسائلفي يدنا اشياء وايد نقر نسويها , كلنا نعرف شلون نخلي الريال يجيب اللي نبغيه ويسوي اللي نبغيه طيب ليش ما نستخدمك الاساليب هذي في اننا نخليهم يسوون اللي نبغيه واللي نشوفه في مصلحة حياتنا الزوجيه على المدى البعيدصدقوني يا خواتي لو ما بدينا من الحين الا يجي اليوم اللي نندم على الوقت اللي ضاع بدون فايده ,فرص العمل وزياده الدخل متوفره بشكل كبير خصوصا في دولنا الخليجيه واكبر دليل اننا نشوف الاجانب اللي يجون عندنا لا يملكون اي شي غير مخوخهم وبعد سنوات قليله يصبحون من رجال الاعمال الله يزيدهم ان شا الله , اكيد الانسان الخليجي ما ينقصه الذكاء , ترى الفرص كثيره حولنا بس احنا ما نشوفها وهذا هو الفرق بينا وبين الاجانب اللي يجون عندنا انا اتمنى نتناقش وبشكل جدي وحضاري ونتحاور ونعرض التجارب اللي نعرفها ونحاول نعيد توجيه ازواجنا اللي يعانون من الفراغ واللي يضيع وقتهم في مثل هذي الالعاب نعيد توجيهها الى امور اكثر فايده عزيزتي الفراشه حاولي تستشرقين المستقبل انتي الحين شباب وزوجك شاب لكن لما توصلون الى مرحلة منتصف العمر مثلا تعتقدين دخلكم بيكون يكفي لمتعتكم ومتعة الاولاد بس فكرييالله نسمع ردودكم اذا فيه حماس للموضوع وقبل هذا اتمنى ما ينحذف الموضوع لاني لاحظت ان كل موضوع اكتبه ويكون فيه نوع من الجديه ينحذف