اريد الطلاق فماذا افعل

1. كنت اتعذب انني مو نفس كل البنات الي ازواجه يصرفون عليهم ويعطونهم ..


2. هاي من جهة النفقة ومن جهة ثانية ..


3. فهي تبانه نرجع


4. هو في نفس اليوم كانوا بجيبون الاثاث

ساعدووني ..
تزوجت منذ سنة وشوي ..
في بداية زواجنه راح لشغله يومين او ثلاث وبعدها ما قام يروح شغله لمدة 3 شهور وصبرت على ذيك الفترة الي اهلي كانوا هم الي يصرفون عليي !!
بعد هالثلاث شهور اشتغل ولما اشتغل اول شهر وشي التزم بروحته للشغل وبعدها قام يتعذر كل صبح الا يوم ظهره ويوم راسه ويوم اسنانه ويوم بلاعيمه ويوم مريض وكنت اتعذب على هالموضوع
ضل 5 شهور في هالوظيفة وبعدها فنش وبعدها راح سجل في دورة في معهد قال بعد الدورة بيشتغل على انه بالدورة بعد ماكان يلتزم كنت اتالم
ان كل هالفترة اهلي هم الي يصرفون علي
اكلنه وشربنه احنى ساكنين في بيتهم واليوم الي مايطبخون فيه ننام بجوعنه ؟ الا ااذا اهلي كانوا عاطيني فلوس فاشتري منهم ..

كنت اتعذب انني مو نفس كل البنات الي ازواجه يصرفون عليهم ويعطونهم ..

هاي من جهة النفقة ومن جهة ثانية ..

اهله .. دايما يتدخلون بحياتنه .. يدخلون كبتي يفتحونه ويعلقون على الترتيب .. وحتى في مااحله الله بين الزوجين يتدخلون فمثلا اخته تسالني جم مرة ترقدين معاه في الليلة ؟ ولا ااذا طلعت من الغرفة تتلمس شعري .. ولا ااذا شافتني مغيرة ثيابي تتبسم او حتى امه مرة قدام اخوانه تقول لي وجهش منور قلت لها لمزحة اي من صلاة الليل علشان اغير الموضوع الا هي تقول لي لا الي سويتونه اعظم !!
ولا اخوه ااذا دخلت عندي جيس فيه اغراض يقول لي شنو في الجيس ..
طبعا هو مايرد على اهله !!
تزاعلت معاه ضليت 10 ايام في بيتنه ماسال عني فامي حاولت تصلح الامور بينه وجه هو لي قلت له اني مابرجع بيتكم واكو بيتنه بيعطونه شقة بنسكن فيها وطلعتنه وخروجنه بباب بروحنه ..
فهو وافق وقال ببيع سيارته ونص الفلوس بياثث فيها الشقة ونص بيشتري فيه سيارة ..
طبعا رحت معاه وشرينه كل شي كل شي وجبنه غرفة النوم بيتنه وكل شي واخذ هو بزايدة بعد فلما درت امه انه شرى لينه اغراض تعبت !! نفس لليلة الي شرينه اغراض جاني الليل قال لي امي تعبانة وبتموت وماتبي تموت وانا مو وياها وانه يبي يرجع خلاص !!
فبدات معاناتي جت وقالت الي انها ماتقدر تعيش بدون ولدها وانها خايفة تموت وهو مو وياها وانها تعتمد عليه على انه عنده اخو اكبر منه وعنده اخو عمره 20 اصغر منه وانها كل ليلة تصيح جنب باب غرفته ..

فهي تبانه نرجع

هو في نفس اليوم كانوا بجيبون الاثاث

اخذ الرصيد بدون ماادري وراح كنسلت الطلب ولا حس فيني وقال بيرجع اني قلت له ماابي ارجع طبعا نفس ذاك اليوم سمعت امه باذوني تقول له ااذا مارجعت مااببري ذمتك ولا انت ولدي ولا اعرفك ويوم ثاني طرش اخته وجه شال ثيابه وبعدها شال غرفة النوم !!
تخيلوا بعد هذا كله يباني ارجع حق تتعب نفسيتي مرة ثانية ..
ماقدرني واني واهلي الي كنه طول هالفترة نصرف عليه تخيلوا !!
قال لي ااذا تحبيني رجعي بيتنه
والحين صار لي اسبوع ببيت اهلي ولا افكر ارجع له لان مايستاهل ولا اصلا سال عني
ياما كان بيشتري لي اشياء وامه تقول له لا فيلغيها ولا ياخذها
وهو اصلا بعد كله يقول اسرانه لامه .. واهل ..
اني ابي الانفصال الحين
بشنو توصوني شسوي ماادري شلون بكون الحكم بالمحكمة وياي ولا لا وشقول لو رحت وهل بتطول السالفة بالمحكمة .. اعطوني كل المعلومات ارجوكم