اريد مساعدة من الحريم خاصة

دايما..لمن تباركي لاحد اضيفي دعوة جنبها وخليكي عفوية وعلى طبيعتك لانو امكن من التصنع تغلطي..
زي اللي راحت عزا..وهي تسلم على اهل العزا قالت مبروك عقبال الباقين..شكلها من الربكة نسيت ايش تقول
بالنسبة للي نقلت بيت جديد..باركي لها..ومثلا ضيفي جنبها..الله يهنيكم بيه..
بالنسبة ..للي ولدها تعبان..تتصلي عادي تقولي سمعت ولدك تعبان..سلامته ايش عنده..ممايشوف شر ان شاء الله ويقوم بالسلامة
للي ولدت..الف مبروك ماجاكم ..يتربى بعزكم..والحمدلله على سلامتك عقبال تمام العافية
اللي متزوجة قريب..مبروك..الله يوفقكم ويجمع بينكم في الخير
ومبروك والله يوفقك ياعسل

شوفي انا من الحريم على قولتك متزوجه ولي فتره
بس مثل ماقالت اختي اللي قبلي لاتتكلفين لانك بتغلطين
يعني البيت الجديد قولي جعله منزل مبارك لكم واضيفي من عندك الله يسعدكم فيه
واللي ولدها تعبان قولي مايشوف شر ان شاء الله
والعروس ماادري مااحس فيها مباركه بس اساليها عن اخبارها وماتتعمقين بالاسئله يعني اسئله عامه وش اخبارك واخبار النظام الجديد وبس وقولي الله يهنيك ويسعدك >>>>
;كلها كلام من غير تكلف يعني ادعي باللي تحسين انه يصلح للمناسبه
انا بصراحه كنت مااعرف وش يقولون بالعزاء
ولا سألت من الفلاحه لا امي ولا احد والحمد لله اني سمعت اللي قبلي يقولون عظم الله اجركم
وقلتها
موفقه ...

فعلا يالغلية كوني طبيعية قدر الامكان......لما وحدة تسكن فبيت جديد تقولين لها اللة يهنيكم فية
ومنزل مبارك .....
ولي ولدها تعبان تقولين لها الحمد للة على سلامتة طمنينا عنة انشاء اللة مايشوف شر واللة يحفظة لكم...
ولي ولدت تقولين لها اول شئ الحمد للة على سلامتك والف مبروك المولود ويتربى بعزكم انشاء اللة....
لي توها عروس واول مرة تزورينها بعد الزواج برضو تقولين لها الف مبروك واللة يسعدكم ويهنيكم....
يعني يالغالية نصيحة مني لا تتكلفين بالكلام ابدا يعني كوني طبيعية كلمات بسيطة توفي بالغرض
واذا بتحتاجين اي شئ حاضرين........ودمتي بخير

ههه اما سالفت العزا خطيرة اسويها من الربكة بس
عالموم مشكورات والله ريحتوني وشرحتو لي صدري
طيب عندي سؤال وحده عطتني هدية بيوم زواجي وهذا راح يصير اكيد وشقول؟؟
والا اخذها واسكت
ويه فشيله
بصراحه احس الزواج مصيبة ووهقه والله خايفه خوف ماتتصورونه
خاصتا من اللي هناك من الحريم والعزايم والمقابلات ماني متعوده على هلأشياء
يارب انك تساعدني

مثلاالبيت الجديد مبرو ك البيت الله يطعمكم من خيره ويكفيكم شرة ويبارك الله فيه ومنزل مبارك
ولدها تعبان قولي وش اخباره مايشوف شر الله يعافيه يارب
ولدت الحمدلله على سلامتك الله يرزقك برة وجعله عبدا صالح
طيب عندي سؤال وحده عطتني هدية بيوم زواجي وهذا راح يصير اكيد وشقول؟؟
والا اخذها واسكت
اذاكنت ماتزوجتي قولي شكرا
بس وانت متزوجة قولي شكرا وليش مكالفين على نفسكم وجيتكم تكفيني

مشكورين ياحلوات
ماقصرتو

السلام عليكم
هلا بالنغم كله اسمك كتيرحلو
اول شي ما حدا راح يضحك عليك وخليك واثقه من نفسك
انتي مو اول وحده ولا اخر وحده ما بتعرف هاد الكلام
خصوصا لسه مانك متزوجه
طولت عليك لاكن اهم شيء الثقه ثم الثقه ثم الثقه بنفسك
اقرئي واتعلمي من هالحياه الصعبه
القراءه لها دور كبير في تغير حياتك لا كن مو اي قراءه
في موقع googllاكتبي يلي بدك اياه في خانة البحث وابحثي عنه وانشا الله يفيدك
المهم انا حقلك عن السوريين لا ني سوريه
لما الوحده تولد قولي لها الحمد لله على السلامه يتربى بعزك ودلا لك ولمل تروحي لها للبيت وتسلمي عليها وتباركيلها وانت خارجه تقولي لها تكملي الاربعين بالسلامه
اذا كان ولدها مريض تقولي لها لاباس عليه طهور (وهاد القول ورد عن النبي صلى الله عليه وسلم)
واذا متزوجه جديد تباركي لها وتقولي الله يجعلها جازة الدهر
وفي كتير منا سبات تانيه لاكن انشغلت
واسفه على الاطاله ودمتي بود

بصراحه انا اول ما تزوجت كنت اسمع
يعني مفتحه اذاني عالاخر
اسمع امي اختي اي حد قدامي.... شو يقولون بعدها تعلمت
ومثل ما قالوا كوني على طبيعتج
والله يوفقج

حبيتي
أنا كنت مثلك بضبط غير أجتماعية لكن بعد زوجي كنت طبيعية جداً و كنت دائماً مبتسمة و في المجالس أسمع و أذا كان الكلام ليس فيها نمية أو من هذا القبيل أشارك في الموضيع و كنت أرحب بحرارة على كل الناس فالأن يقولون بأنني أجتماعية و مرحة و لا أوذى أحد بكلامي