استفتاء

تدرين ليش لأن أهل الزوج لما يجون يخطبون البنت يظهرون أفضل ماعندهم ويجبون أحسن الكلام ويسوون أحسن العزايم كله للعروس وأهلها .
وبعد شهر شهرين، تبدأالعيوب تطلع مثل يكونو بخيلين عليك يعني ماتمن عليهم يمون لك حتى الكسوة في السنة خصوصاً إذا كنت طيبة معاهم وماتقصرين معهم بشيء أو أنهم يتكلمون فيك على الطالعة والنازلة يعني لو تروحين تتعشين في مطعم أنت وزوجك مايخلونك في حالك ، أو أي شيء تسوينه في الطبخ لهم لازم يطلعون فيه عيب حتى لو كان الشيء اللي سويته حلو مرة وماعليه كلام .....
يعني تبين الصراحة مافيه حل إذا كانت زوجة الولد مطيعة وبنت حلال ومافيه مثلها صارت أم الزوج متسلطة وقشرى وعنيدة واللي في راسها تسويه سواء صح أو غلط ( مثل حالتي أنا ويا حماواتي الثلاث)
وإذا صارت الخالة طيبة وتداري زوجة ولدها وتعطيها ولا تنتظر منها معروف ولا رد ولا تناقشها في أي شي يخصها ويخص زوجها تصير زوجة الولد ماتستاهل كل هذا وبعضهم اللهم يكافينا شرهم تتبلى على أم زوجها أو خواته أو أخوانه يعن يتسبب مشكلة وتسبب فتنة بين الأهل (أعوذ باالله )...
يعني أنا أقول هذ الكلام من الواقع والمجتمع اللي أنا أشوفه كل يوم ،، و واقع تجربتي الشخصية بحكم أني عشت مع أهل زوجي فترة لكن الصراحة الوحدة تعيش لحالها في بيتها من البداية أفضل وأكرم لها لأني أشوف اللي طالعين من البداية في بيت معاملة أهل زوجها لها أفضل بكثير من العايش معاهم في البيت ...
وبصراحة أنا أشوف أنها مشكلة ليس له حل إلا من رحم الله .....

اعتقد انها مشكلة ما لها حل
وانا مع اختي بنت نجد في كلامها
ومشكورة

السلام عليكم
انا رئيي مع الاخت بنت نجد واظيف
انه يمكن يكون في البيت بعض العمات "يعني اخت الزوج"
ماتزوجت واهي اكبر منك او مطلقه فتغار منك عشانك عروس ومتكشخه
وتجي هي تحطم او تكون ماده بوزها شبرين ومدري ايش السبب
"" الله يشفيها""!!!!

والله هذي مشكله صعبه
يعني اهل الزوج عيونهم على ذا الزوجه ويمسكون لها عالوحده
والزوجه دايم تكون حساسه من اهل زوجها ماتبغى منهم نص كلمه
ولكن الزوج له دور مهم جدا في تحسين او سوء العلاقات بينهم

خ جد موضوع حسلس
مدري والله ليش ساعات تكون العيب من الزوجه بسبب انها حساسه ولا تبي احد يبين عيوبها واخطائها وانا اقول كله من الحساسيه الزايده
وساعات من غيرة ام الزوج مثلا ماترضه تشوف ولدها في مواقف ما تحبهبها مثلا الزوجه تتدلع عليه وكنها راح يسقط من عينها ويصير مو رجال واكثر شي يزعج ام الزوج اهي انه يبذر ويشتري للزوجته وعياله وهي ودها يجمع علشان مستقبله وبعدين في شي الام كانت اهي الملاذ لودها فجاه تشوف المشوره مشوره الزوجه والكلام توجه للزوجه مو لامه ومن هل قيبل
انا عندي ام الزوج ولا غيرت خوات الزوج هذا موضوع ثاني
يشفونج في الكبيره والصغيره
عموما يا اخواتي هل ايام الكل ما يبي يقول رايه في الثاني ولا يبي يعرف عيوبه لو كانت بسيطه
ام بدور

اولا العيب من البنت لان هي في الخطوبه تبين انها ام بيت وشاطره وتحب شيحبوا وتبين انها تموت عليهم ولكن بعد الزواج يضهر كل شيء ويتبين انها كل شيء ما تعرف ومتساعد احد من العيال ومتفتح قلبها لاحد وما تروح يمهم وتضوج لما زوجها يروح لهم وتفرق بين شخص واخر وتفرح لما زوجها يتعارك معهم واذا كان العيال هم ما يحبوها تحاول تحبب نفسها واذا ما اجت نتيجه تسمي طفلها باسم عمها ابو زوجها او مرتوا وانصح البنت انوا لما يتعارك زوجها مع افراد عيلتوا توقف مع عيالهاومعه

انا مع الاخت هنونه الدلوعه وانا مشكلتي مع اخت زوج زي ما قالت كبيره وما .............. ؟؟؟
بس لازم اهل الزوج يظهر بمظهر قبل الزواج وبعد الزواج بمظهر ثاني ولا كيف بتا خذي ولدهم وهم
بطبعهم القاسي

هذي مشكلة ازليه.........مافي بيت يخلى منها .......لان اسمج جنه..........ومعروفة مكانة الجنة عند الحمولة
...........لوتخلي خدها مداس لهم .........هم مو عاجبهم

ما ادري
بس انا رايي يختلف عنكم كلكم يمكن لاني ما عنيت مثلكم
اناعني علاقتي بحماتي من احسن ما يكون ما فيه اي نوع من المشاكل
بالعكس اذا صار شيء بيني وبين زوجي هي توقف معي وحماي نفس الشيء حتى انا اناديهم ماما وبابا مو عمي وعمتي
وانا والحمد لله ما اقدر على زعلها ابد حتى اذا كان زوجي مشغول وما اخدني اتصل فيها تبعتلي احد من لعيال ياخدني عندها
وما اشوف شيء في السوق ويعجبني الا تكون هي اول وحدة افكر فيها وهي نفس الشيء يعني عندها انا وابني اعز عليها من كل شيء وما دور الا راحتي
يمكن لانها ما عندها بنات
وللعلم انا مو كنتها الوحيدة يعني عندها كنة ثانية لكنها ما تيجي عندهم مثلي ولا تسال عنهم يمكن عشان كده يفضلوني انا عنها مع انهم يحبوها هي كمان