بنات استفتاء الي عايشه عند اهل زوجها ارجو الدخول للاجابه

الامل2006

13-04-2022 - 07:22 am

بنات يافرشات ياحلوين ابي رايكم في شي ونبي نسوي استفتاء
انتي ساكنه عند اهل زوجك هل تتقيدين بالقومه من النوم يعني للي مافهموا
انك تصحين بدري علشان تجلسين معهم ولا انتي على راحتك مت مابغيتي قمتي
وهم مايقولون لك شي ؟

التعليقات (9)

ريح الياسمين

13-04-2022 - 11:05 am

مرااحب اختي الفراشة ....
انا ساكنة مع اهل زوجي.. وصار لي متزوجة من سنة ونصف ... وزوجي يطلع الى العمل باكرا .. وانا اصحى متاخر وانزل افطر مع ام زوجي .. لانها بالاصل ما تفطر الا الساعة 11 او 12 الظهر .. وحتى لو انا اصحى بدري انتظر لما هي تصحى من النوم ...
يعني الحمدلله عايشة تمام ... ولو صحت هي قبلي تسوي مس كول >>> مثل اليوم<<
وانزل افطر معاها لانها بروحها .. والكل اللي في البيت في المدارس والجامعات والدواام .
ويوم اللي يجي على بالي انام اكثر لاني تعبانة او ما شابه .. ما انزل .. واخذ راحتي في النوم ...
تحياتي ..

القمر الجديد

13-04-2022 - 12:06 pm

حبيبتي أنا مو ساكنة مع أهل زوجي ولكن بسبب ضروف عمل زوجي أحيانآ أنام مع أهل زوجي لأن أبني صغير وما أقدر أنام في بيت كبير لوحدي مع طفل وأذا نمت مع أهل زوجي وهم يعتبرون أهلي أيضآ يعطوني راحتي وقت اللي أحب اجلس أجلس مايدخلون ولا يتضايقوا أذا أتأخرت في النوم

تيماء*

13-04-2022 - 01:07 pm

انا بعد ساكنه مع اهل زوجي بس ماخذه راحتي وام زوجها فديتها ماتتدخل ابد ان نزلنا رحبت وهلت وان قعدنا فوق ماتقول شي
وانا اقوم الساعه 10 افطر مع ولدي واقعد انظف ملحقي لين الساعه 12 وبعدين انزل
والحمدلله مرتاحه

قمر **14

13-04-2022 - 02:08 pm

وانا بعد اسكن ويا اهل زوجي والحمد لله من يوم عرست لين هالحين ولا مره اتضايقوا ليش ما اقوم الصبح وياهم يعني مخليني على راحتي

نمووله

13-04-2022 - 03:09 pm

انا راح اسكن معاهم بعد ما اتزوج
يعني بعد 5 اشهر ..
بس كم مرة انام عندهم و انا مخطوبة و عادي
ما اصحى الا 11 لو 12 الظهر .. و ام خطيبي عندها شغالة
و مو محتاجه شيء .. و البيت هاديء مافي غير اخت زوجي بالابتدائي
و بس

noara2006

13-04-2022 - 04:10 pm

مرحبا
أنا حعيش مع أهل زوجي إن شاء الله بعد زواجي إنشاء الله بشهر 8 زواجي
حعيش بفلسطين وأهلي بالسعوديه وماعندي قرايب هناك يعني أهل زوجي حيكونو أهلي وكل شي بدنيتي
أتمنى إنو يعاملوني زي بنتهم لاني خايفه كتير
وخاصه انا أول كنه ( مرت إبنه ) الكبير وماعندها بنت كبيره كلهم صغار يعني حاسه الشغل عليا حيكون بس إمه كتير طيبه وحبوبه والكل بيحكي كتير طيبه وكمان عمي إلي هو أبو زوجي مابحب القهوه إلا من إيدي لما اسهر عندهم والحمدلله إن شاء الله يكونو مناح
إدعولي أمانه تدعولي

هنادي 2005

13-04-2022 - 05:11 pm

ووانا عايشه مع اهل زوجي ما خذه راحتي في النوم
هم يقوموا بدري ويفطروا لوحدهم
وانا اصحى متاخر وافطر لوحدي يعني كل واحد اخذ راحته

طيف

13-04-2022 - 06:12 pm

وانا طالبه يعني اصحى بدري اجباري .. بس ايام الخميس والجمعه لاء عادي متى ماصحيت انا وزوجي نزلنا ..

أميرة الدلال

13-04-2022 - 07:13 pm

اني ساكنه وياهم اي وقت انزل مافي احد الا عمي وعمتي وحلوين كل واحد في البيت اسوي الا ريحه واحنا مع بعض سمن على عسل

افكار حلوه للمتزوجات←
حنان الزوجة يحمي زوجها من الجلطة القلبية→