استفسار أبحث عن مشاغل في الرياض تسوي تاتو الحواجب الدائم

مراحب يا حلوات
حبيباتي الموضوع باين من عنوانه أنا بصراحة قررت أرتاح من هم الحواجب وأصلح تاتو الحواجب الدائم (الإبرة) مثل اللي تسويه جويل في برنامجها.
بس المشكلة إني كل ما أسأل ما ألقى الجواب الشافي.. وبحثت بنفسي ودقيت على بعض مشاغل الرياض وما لقيت إلا مشغلين إلى الحين قالولي يسووها
1- مشغل سعره ب 2000 ريال (حسيتهم مبالغين شوي بالسعر)
2- مشغل سعره ب 1500 ريال (سعر لا بأس به)
لكن المشكلة ما أعرف ولا وحدة قد صلحت عندهم وحابة أتأكد إذا كان شغلهم مضبوط أكيد؟
وبعد أبي أعرف إذا فيه مشاغل غيرهم يسوون هالتاتو وكم أسعارهم وهل سعر 1500 معقول للتاتو الدئم ولا مبالغ فيه؟
ملاحظة: ما أبي أي وحدة ترد علي وتقول حرام لو سمحتم .. ولا تحطو أي فتوى أو أي شي ثاني ..
أنا مقدرة إنكم حابين تنصحون وكذا لكن أنا اتخذت قراري خلاص وما اتخذت هذا القرار إلا بعد تفكير طويل وتعمق في الموضوع
رجاءً بس اللي تعرف أو عندها خلفية هي اللي ترد لأني حابة أسويه قريب
بانتظاركم حبيباتي