استفسار ما هي الخطوات اللي تتبعها الفتاة أثناء مقابلة أهل الشاب

هلا وغلا بكل فراشات المنتدى ،،،
عندي استفسار ،، والصراحه أنا ما أعرف شو أسوي ،، ومحتاجه لرايكم ومساعدتكم يا الفراشات ....
بعد كم من يوم ،،، بيون أهل شاب (يشتغل ويايه في نفس الإدارة وبعد هو صديق زوج أختي) ...
بس في نفس الوقت أم الشاب ما كانت موافقة في البداية ،،، بس يوم هو كلم أبوه ،،، وافق وقال بنسير نخطب لك البنت ...
والمشكلة،، أنا ما أعرف شو أسوي يوم بيون أهل الشاب ؟؟؟؟
لأن من 6 شهور تقريبا،، صديق أخويه كان يبا يخطبي ويوم أهله زارونا سويت حركة غبية ،،،،هاهاهاهاها ،،، أول ما دخلت كنت بروحي ومسرعه وايد في مشيتي كأنه داخله في (سباق المشي) ،، وبعدين من كثر ما كنت متوتره يلست أسولف واتكلم وايد (يعني وايد خذت راحتي وياهم)،، لدرجه حسيت بعمري سخيفه عقب ....
المهم ،، أنا االي أباه ،،، أن ما أبا نفس الحركه تتكرر ويايه،،، وخاصة أن الشاب مدحني وايد عدال أهله وقالهم،، أن البنت وايد خلوقه وجميله وفي نفس الوقت (دلوعه)،،، وألحينه أنا ما أبا افتشل !!!!!!!!
ساعدوني يا الفراشات أبا أعرف شو الطريقه الصحيحة ،،، وكم المدة أيلس وياهم ؟؟؟