اصبري يمكن يتغير معليش تحملي كل الحريم كذا هذا هم الرجال دعوه للنقاش

لي عوده لموضوعك

ام البخور موضوعك شيق وممتاز للنقاش بس حبيت اقولك وجهة نظرك وضحت لي انك انسانه ماتتحملين المشاكل مع احترامي لك بس فيه بعض النسا عندهم بال طويل على الرجال يعني عندها استعداد انها تتحمل وتسكت مو عشانه عشان الناس مايتشمتون فيها وتصبر على المر وعلى امل ان هذا الزوج في يوم من الأيام يتعدل اسلوبه وتبقى على امل وتستمر حياتها على سلاسل من ألأمل المتجدد
وفيه نساء ماتفهم الرجال يعني تبيه يمشي على كيفها وهذا النوع كثير في مجتمعنا للأسف وتصير في صراع ومشاكل على طول على امل انو يمش على كيفها
وفيه نساء بالهم طويل عالى الرجال ولهم اساليب كيد في استدراج الرجل للحصول على ماتريد وانا من هذا النوع وامدح نفسي .وتعرف زوجها من النظرة هو زعلان اوراضي وتنفذ اللي يبيه الرجال بحيث انو اذا طلبت حاجه مايقدر يقول لا
اتنمى مايجرحك كلامي ياعسل وهذي وجهة نظر
تقبلي مروري

وعليكم السلام ورحمة الله وبركاته
حياكِ الله أختي الكريمه
وسعيدين جداًبطرحك
ونرجوا من الجميع التفاعل باالأراء الصائبه
أنا بصراحه أشوف إن صبر المرأه على زوجها جهاد
وتحديها لنفسها
سيكون دافعاً للكثيرمن الإنجاز وباالإمكان أن تغير من طباع زوجها
الشرسه والتي غير مرغوبه بزوجها
لذلك أنصح الكثيرات وأنا أولهم باالتريث والتمهل فلا يكون هناك
سعاده من غير تعب ومجهود ولنكون معتمدين كل
الإعتماد أولاً على
الله ومن ثما البدايه بالوازع الديني فله شأن كبير بحياتنا
وأن نبذل قصار الجهد باالنصيحه ليس بشرط باالكلام
أو المعاتبه !
وهنا يستخدمها الكثيرللأسف
بل باالتصرفات دون الإيحاء لهذاالزوج إنك المقصود
ممكن أكون أسهبت وتعمقت باالرأي لكن حتى لاتحس الكثيرات إن
صبرهم لن يجدي فكل شيء باالعزيمه يصير بإذن الله
وإن رأت أن لاجدوى
فلتحتسب عند ربها
ولتصبرصبر رضا
ليس صبر جزع
حتى لانخسر كل شيء
والأخرة خيراًمن الدنيا
ولي عوده معاكن بإذن الله
لكم كل الود .

ههه اجل وش يقولون تطلقي باالعكس فيه رجال يتغيرون للاحسن ورجال يتغيرون للاسوء على حسب الزوجه بعضهن ذكيات وملكعات ويعرفن من اين تؤكل الكتف وبعضهن دبوجات تجي مثل الصلصال يشكلها زي مايبي

بما ان الموضوع لنقاش يعني نعدل الكيبورد << بتحل القضية
اولا مشكورة على الموضوع
شوفي حبيبتي الرجال مو زي بعض وكمان الحريم مو زي بعض في بعضهم ذكيات ويقدرو يملكوو ازواجهم
وفي زواجات خلاص من اول مشكلة تروح تشكي وتبكي و
مافي حياة من دون مشاكل
حتى لو مو مع زوجك مع اهلك مع صديقاتك خواتك
لو حتى مع الخدامة في البيت
ولكن لما نستسلم وخلاص مستحيل شيء ياعدل بكذا راح منا كل شيء ولا راح نلقا حل
الحياة الزوجية بحر واسع << تحس انها بدات تتفلسف
جد والله ممكن تمر ايام وممكن سنين كل ما انتِ بعيده عن زوجك وهو كذالك ويكون السبب مافي جلسة مصارحه هو مشغول بشغله واسهمهم الفاشله خ
وانتِ مشغوله بدراستك او وظيفتك وعيالك وزيارات الاسبوع و وبيتك ونظافته وفلانه بيته احلى وانا والله ماعندي زيهم
واي تقصير ياربي هذا زوجي مو زي الازواج
طيب ما نفكر ليش فكرنا كذا ليش حسينا غيرنا احسن منا
السبب الفاصل الي بينا لو والله بنينا حياتنا مع بعض وحاولنا بكل الطرق نعرف ايش يشغلهم عنا ما تركونا نحتاج على غيرهم او نشكي لغيرهم منهم
وربي ينات انا مااقول لكم والله انا اسعد انسانه او حياتي مثاليه
حياتي عاديه وفيها من المشاكل الكثير لكن مجرد اي احد تدخلينه في حياتك لو بشكي اخطأتي في حق زوجك
اشكي عليه منه ابكي عليه مو على غيره لو دورتي غيره والله راح تتعبين مااراح تلقين الكلام الي يرضيك ممكن تكبر مشكلتك ولو المشكله صغيره
هذا زبدة كلامي
حتى لو قالو لك اصبري يمكن يتغير .. معليش تحملي ...كل الحريم كذا .. هذا هم الرجال
اعرفي انك فشلتي في تجربتك لان هذا مو حل انك تشكي عشان تسمعي هذي الكلام
لكن اشكي على حبيبك في سجودك وفي وقت نوم العباد وربي راح تلقين الحل بدون مااحد يقولك هذي العبارات
اسفه على الاطاله

حبيبتي يعطيك العافيه على الموضوع الرائع
بصراحه من وجهة نظري المتواضعه أحس المرأه تقدر تغير من بعض صفات زوجها الغير مرغوب فيها وهذا يعتمد طبعآ على فطنة المرأه وذكائها
تقبلي تحياتي

حبيبتي طبعا الموضوع شائك شوي بسبب اختلاف انماط بعض الرجال والنساء
بس بوجه عام انت تسألين هل من حق المرأه احتمال والصبر على زوجها ولو كانت( متيقنه )من عدم اصلاحه
خلينا نشوف بعض انماط هذه الحريم
وحده عندها عيال وخايفه تشتتهم بحكاية الطلاق
الثانيه عندها اهل مايعتمد عليه ويمكن لعيشه مع زوجها (النذل )اهون
اخر خايفه لو تطلقت ماراح يتقدم لها غير الشايب و المعدد
يعني اسباب كثر للسكوت عن نذالت بعض الرجال
طيب هل انا مجبره للصبر واحتمال المعيشه معه على لامل انه يتغير
الاغلبيه يصبرون وهم متأكدين انه مافي فايده من هذا الصبر اللهم الاجر
والاغلبيه ايضا يعرفون انما المرأه مخلوق ضعيف لكن عنده القوه العجيبه من ناحيه الصبر (ابسطها الحمل و الولاده)
الله سبحانه لما خلق المراه والرجل جعل في كل منهم مزايا وصفات
خلق الرجل قوي جبار والمراه رحيمه وعطوفه وعلشان يستمر الحياه لازم يكون هناك هذه التضاد
(الينغ و اليونغ )
وعلى العموم احنا بناخذ نصايح امهاتنا وجداتنا (اصبري عسى ربك يفرجها )
واحنا ان شاء الله ماراح نيأس من رحمة الله

ياأختي
موضوعك رائع واختيارك موفق
لكن يأختي الاختلاف مو ع ايش تصبر لكل قضية رأي احنا ما نحكم ع كل امراة زوجها فيه شئ مو عجبها نقول اصبري ولا لاتصبري ترى الرجال كذا لا ع حسب المشكلة
*فيه من الرجال العنيد اللي يمشي بالمساير وفيه اللي راسه ناشف مستحيل يغير رايه<<فيه فرق
*وفيه اللي يصلي فرض في المسجد وثلاثة لا وفيه اللي مايصلي ابد<<فيه فرق
*فيه البخيل الماسك ع الريال معاك وع نفسه((طبعه البخل)) وفيه اللي عليك وع نفسه مايقصر<<فيه فرق
يعني ياحبيبتي شوفي كل نقطة تقريبا نفس المشكلة مع اختلاف بسيط لكن لكل واحد حل يختلف عن الثاني ف بديهيا ان حل المشاكل ع حسب شخصية الرجل والمراءة والزوجة اعرف بطبع زوجها ((أهل مكة ادرى بشعابها))
الله يسخر كل زوجين لبعضهم ويجمع ماابينهم بخير اللهم امين وصلى الله على محمد.

عزيزتي انا اتفق معك بحكاية لماذ نحط اللوم على المرأة ...؟
اما من ناحيه الصبر فهناك رجال اساسهم طيبة واخلاق ولكن عندهم افكار معقده تجاه امر ما هنا المرأة تستخدم ذكائها لكي تغيره ولكي تجعله افضل بمرور الايام ... يعني ببساطة مثل هذا الرجل ينفع التضحية والصبر معه لأنه طيب وخلوق ولكن فيه صفات لا تعجبها وتستطيع بمكرها وذكاءها تغييره للأفضل ..
لكن الرجل القبيح اللسان او اللي يده طويلة ضرب واهانات ... فهذا كيف تغيره وهو لديه نظره قاسية ودنوية للمرأه ...؟
هنا وقت صبرها وتحملها ضائع
لأنها لن تستفيد منه شيئا سوى تكبرا وايقانا انها ماتستغني عنه وانه رجل نادر وما الى ذلك...؟
هذه لا انصحها وبكل صدق ان تصبر عليه الا اذا هيا ارادت ان تكسب الاجر عند اهانتها وضربها وقسوته عليها
لكن ان ارادت حياة جميلة فهناك البديل والله سبحانه وتعالي لا يغير مابقوم حتى يغيروا مابأنفسهم (في مامعناه ) اذا هيا ماغيرت من حياتها سواء بالوقف الجرئ في وجه زوجها المتمادي لن تغير حياتها ابدا او باتخاذ الانفصال وسيرزقها الله بافضل منه خااصة اذا انظلمت معه
انا ايضا رأيت تجارب الكثير من اللي تصبر وتصبر والله بالنهاية اما يتزوج عليها او بعد العشرة يطلقها بارادته
لأن اللي طبعه لئيم بيكون ليئم ولا عشرة تنفعه ولا تضحيتها تشفع لها عنده
يعني باختصار اللي تبي تصبر على زوجها لازم تعرف طبعه هل ليئم وماينفع معه الطيبة او طيب ولكن لديه عقد وافكار متشدده وهنا تستطيع تغييره ..؟
او اذا زوجها تغير فجأة بسبب احد المؤثرات هنا تصبر لأنه حتما سيرجع الى طبيعته ...
وماعدا ذلك فصبرها سيكون بدون فائده خااصة مع شخص لديه نظرة دنوية للمرأة >فهذا ان اكرمته سيزداد لئم وقسوة !
هذا رأيي ^_^