اصبغي شعرك بالمكونات الطبيعية من تجربتي

1. ملعقة كبيرة كاكاو


2. ملعقة كبيرة نسكافية

السلام عليكم
دائما اقرا عن بنات يبغون يصبغون شعرهم بمكونات طبيعية بعيد عن الكيماوي الي يسبب ضرر للشعر من تقصف وتكسر وتساقط وغيره
حبيت افيدكم عن تجربتي
اخذتها من احدى المواضيع في هذا المنتدى بس والله نسيت اي موضوع
طبعا التجربه سويتها على شعري وانا شعري بالاساس لونه بني غامق واختي لونه اسود بالصعوبه يتفتح لون شعرها
المكونات /
علبة زبادي
4 ملاعق حناء ( اهم شي تكون نوع الحناء جيده لا تشترون الي تكون بأكياس جاهزه خذيها من الحريم الي يبيعون مثل اسواق العويس او المشرقي وغيره )
بيضة
نص فنجان زيت زيتون
ملعقه صغيره كركم
عصير نص ليمونة
ملعقه كبيره عسل
ملعقه كبيره حبة سوداء مطحونه

ملعقة كبيرة كاكاو

ملعقة كبيرة نسكافية

بعدين جيبي قدر وحطي فيه ملعقتين كبيرة كل من بابونج + غجر ( كركديه ) + قهوة + شاي واضيفي مويه لما تحسين انها غطت القدر شوي وخليها تغلي على النار بعدين امزجي المكونات كلها مع بعض واعجنيها كويس وخليها داخل علبه مغلقة مدة لا تقل عن 4 ساعات
وحطيها بشعرك مدة لاتقل عن 3 ساعات
يفضل وقت الاستحمام لا تستخدمين شامبو بالنسبة لي حطيت شوي شامبو خفت ماتروح ريحة البيضه ههه
بعد الاستحمام انا حطيت زيت الفازلين على شعري وجلست ادلكه ونمت فيه
بالنسبة للنتيجة انا شعري واضح انه تغير الحمد لله صار افتح من اول واختي الي شعرها اسود طلع بني يعني لو تواصل اتوقع بيفتح اكثر من اول
غير اني استفدت من اللون حسيت ان شعري تغير من ناحيه الملمس واللمعه الحمد لله
اتمنى تستفيدون من تجربتي
ونصيحه ابعدوا عن المواد الكيميائية لاني مجربتها من زمان وقلت توبه ههه اعدمت شعري مره
اذا جربتوها واستفدتوا منها اتمنى منكم الدعاء لي بالزوج الصالح