هل تهتمين ان تكون رائحة شعرك حلوة وهل تعطرينة وبإيش قديم

مرحبا فراشاتي الحسناوات
رائحة الشعر مهههم جداً الاهتمام فيها ....
طبعا انا ماحكي عن النظافة لان هذي حاجة اكيدة وهذا شعار ديننا.... ((النظافة من الايمان))
موضوعي هو تعطير الشعر.... لان ريحة الشامبو بعد ماينشف الشعر مايكون لها تأثير
فودي اسمع آرائكم حول هالموضوع؟ ايش تستخدمون في تعطير الشعر ؟ وايش اهتماماتكم؟؟؟
انا عني استخدم:
الزيوت العطرية من نكتار او بودي شوب او زهور الريف اختار الروائح اللي تعجبني طبعا هي نفسها تستخدم للفواحه والشعر ...
واحط بعد من المسك اشتريه من اجمل ... عندهم نوعين انا اخذ الثقيل ريحته فواحه بشكل روعه ... وتجلس في الشعر كل ماهفتي يمين ويسار تشمينها
ومرات احط دهن العود والمخلطات .... شي خيال خاصة اذا وراي طلعة...
واذا صرت رايقة وبدلع نفسي حطيت دخون وتدخنت فيه ....
وطريقتي في الاستعمال ...
احط تحت منطقة الاذن ... واحط في يديني وافركها بعدين اخلخلها بين شعري كله واركز على الجذور والاطراف...
صراحه يابنات تحسون بانتعاش ونظافة وتألق طول اليوم...
يالالا عاد بعد هالحديث المطول كل وحده تقولي فيكم وشهي طريقتها؟ ووش تستخدم؟ لاني احب التغير والتجديد ...
وان شاءالله كلنا نستفيد......
بانتظاركم يافراشات