اصنعي بنفسك حذائك المميز وبأشكال روعه

السلام عليكم ورحمة الله
اخباركم فراشات
اكيد كلكم عارفين انو الموضه
الاحذيه والهاي هيلز الغريبه
وبأشكال والوان مختلفه
بس بموضوعي رح نتعلم كيف نصنع احذية بأشكال مرره روعه
نبدأ بأحذية االجليتر وبالاشكال اللي نبغى
طبعاً سارت مره موضه وشكلها مميز
كل اللي حنحتاجو

• قفازات اليدين
• صمغ
• جليتر (حسب اللون اللي تبغي)

وسار منتشر بأشكال والوان كثيره

• فرشاه
• سلوفان او لصقه عشان نغطي الاطراف

الخ طوات
سهله مره
نبدأ نلصق اطراف الحذاء باللصقه عشان تكون الاطراف نظيفه والشغل مرتب
بعدها نحط الصمغ طبعاً نقسم الشغل على اجزاء
يعني لا تحطي الصمغ ع كل الحذاء مره وحده
خلي الشغل مقسم افضل
وبعدها نحط الجليتر ونتركها الين تجف تماماً
ممكن كمان نخلط الجليتر مع الصمغ
ونحط طبقه ونستنى الين تجف
ونحط طبقه ثانيه وثالثه الين نوصل للدرجه المطلوبه
ملاحظه: ممكن يكون فلات او هاي هيلز النتيجه حتكون من جد روعه
كمان ممكن تضيفي كرستالات بالشكل اللي تحبي
هذي مقاطع توضح طريقة العمل
رجاءً اكتمو الصوت لانو في موسيقى
https://www.youtube.com/watch?v=e-Cx37Px1eQ&feature=related
هنا هاي هيلز فوشي وعملت معاه جليتر ذهبي طلع واو
https://www.youtube.com/watch?v=LCZitcPeKFk&feature=related
المقطع هذا مع الفلات وطالع مره كيوت
https://www.youtube.com/watch?v=T9tVLDYYXSw&feature=player_embedded #!
نجي للشكل الثاني اللي مره غريب وحللو واكيد مميز
هاي هيلز الميرور ((المرايه))
طب عاً نفس الادوات اللي في الجليتر لكن نستبدل الجليتر بالمرايه
ممكن تجيبي مرايه وتكسريها زي اللي حتشوفوه بالمقطع
او اذا عندك بقايا مرايه مكسوره ممكن تستخدميها
المقطع يوضح طريقة العمل
اكتمو الصوت عشان الموسيقى بليزز
https://www.youtube.com/watch?v=qcT7ns8llmc&feature=relmfu
واخيراً اتمنى يكون موضوعي عجبكم واستفدتو منو ولو جزء بسيط
ولاتنسو الردود ترى تعببت والله بتنزيل الموضوع وتجميع الصور
ودعواتكم الله يسخر لي زوجي ويجعل بنتي غلا من البارين
وان شاء الله لمن اطبق العمل بنزل تجربتي
استودعكم الله الذي لا تضيع ودائعه
سبحانك اللهم وبحمدك اشهد ان لا اله الا انت استغفرك واتوب اليك