اعادة لموضوعي عن العدسات اعادة تحميل الصور

هلا وغلا بااحلى البنات..
كل عام وانت بخير .. أُضحى مُبارك عالجميع يارب..
هالموضوع اعاده لموضوعي اللي كان عنوانه
محتاره بالوان العدسات؟؟...تعالي ادلك على الالوان الحلوه..
http://alfrasha.maktoob.com/alfrasha9/thread707529/
اعدته لعيونكم لان الصور كلها انمسحت منه .. مايخفى عليكم شكثر اخذ مني وقت ومجهود الين مااعدت تحميل الصور بمركز تحميل المنتدى حقنا .. فاللي تبي تنقله مسموحه بشرط تنسبه لي وللمنتدى
ايضا اطمع في دعواتكم الحلوه ربي يرزقني كل اللي اتمناه ..
نبدأ الموضوع ...
العدسات الملونه..اغلبنا صرنا نستخدمها..سواء نظر او تجميلي..
تعددت الانواع والالوان,,,وصرنا نحتار فيها...اي لون يناسبني؟؟
اي نوع مريح بالعين؟..الخ من الاسئله المحيره...
بهالموضوع حبيت اساعدكم حبوبات..وان شاءالله تستفيدون..
اولا نتكلم بشكل مختصر عن ارشادات الاستخدام
ضروري غسل اليدين بالماء والصابون قبل لبس العدسات مباشره
ثم نجففهم بمناديل وليس فوطه لئلا تلتصق الانسجه والشعيرت باليد
ومن ثم تلتصق بالعدسات
غسل الوجه جيدا وان يكون خالي من المكياج والكحل
نمسك العدسه بالسبابه
نضع عليها قطره من المحلول لتسهيل وضعها بالعين
نتأكد من شكلها انها ماتكون مقلوبه
نلاحظ بالصوره
شكل العدسه رقم واحد غلط
شكل العدسه رقم 2 صح
العدسه الاولى فوق صح
العدسه الثانيه تحت غلط
اجلسي قبال مرايه ثابته عالطاوله او عالتسريحه
اذا كنتي مبتدئه بلبس العدسات..ا
اسحبي الجفن الاعلى لفوق
وابدأي تركيب العدسه
هنا صوره توضح لو كان شخص بيركب لشخص ثاني العدسه
ممكن شد الجفن الاعلى والاسفل لسهوله اكثر بوضع العدسه
حاولي ماتركزين بالنظر للعدسه عشان ماتجيك رهبه بتركيبها
الاسهل هو تثبيتها بسوادة العين مباشره بس لو لاقيتي صعوبه
ممكن تثبتينها بشويش بالبياض حق العين واذا حسيتي انها لصقت
قفلي الجفن بشويش .. مش بطريقه سريعه وترميش لا..كذا بتفلت العدسه
بعد ماتقفلين عينك حركي عدسة عينك يمين يسار..فوق تحت
مع مساج خفيف زي كذا
هنا بهالصور طريقة ازالة العدسه من العين
وطبعا سهله جداً
لو صارت تضايق باللبس او حسيتيها فيها شوائب
انزعيها
وحطييها بباطن الكف وامليئها بالمحلول وادعكيها خفيف
وانتبهي لو كانت اظافرك طويله
ان العدسه ماتنخدش او تنشق
واذا حسيتها نظفت بالمحلول ارجعي ركبيها مره ثانيه
انتهينا من الارشادات ونجي للانواع
اولا فريش لوك..انشهرت كثير والغالبيه مجربينها..تقريبا مريحه ..بس البعض اشتكى
من عدم الراحه فيها ..او وجود ضبابيه في الرؤيا..بس الغالبيه اتفقو انها مريحه..الوانها
حلوه وطبيعيه بالعين ..
من احلى الوانها الرمادي وهذا شكله على العين
هذا شكله على عيون مختلفه ناس عاديين..تعمدت احط عيون غير عن عيون العارضه
عشان نشوف اللون على طبيعته بعيد عن الدعايه ومؤثرات الاضاءه..تعمدت احط الوان
البشره
مختلفه ..اسمر ..حنطي..قمحي..عشان نشوف مدى ملائمة اللون للبشره..
الصور جبتها من منتدى اجنبي..ورجالهم مهووسيين بالعدسات اكثر من حريمهم..لهالسبب
بتلاحظون بعض العيون..عيون رجاجيل
البشره السمراء
البشره القمحيه
العيون الآسيويه
من احلى الوانها بعد العسلي..فضيع مع المكياج خاصة السموكي
يعطي نظره ناعسه وجذابه
وهذي صورته اسمه هازل
طلع بعيوني زي كذا بالضبط
هذا الهازل على عيون آسيويه
ايضا فيه لون ثاني عسلي اسمه هوني لونه اهدأ من الهازل