اعطوني طرق لحلى القهوه

وينكم معقول ماحد يعرف لحلى قهوه

استغفر الله

شكرا ياقوته لرفعك الموضوع

هذا الحلا واو جربيه وماراح تندمين اذا انا سويته الكل يسال عن طريقته

مقادير الطبقه الأولى :
1 كاس حليب بودره نحمسه عالنار حتى يصير لونه ذهبي
3/4 كاس سكر
5 بيضات
1/2 كاس زيت
1 ملعقة طعام بيكنج بودر
1/4 ملعقة طعام نسكافيه
تخلط جميع هذي المقادير بخلاط الكاس جيدا حتى تمتزج‘وبعدين نحطها بصينيه بايركس
مستطيله وندخلها الفرن على درجة حراره متوسطه مثل الكيك
لمدة 1/3ساعه او انك تختبرينها بعود اسنان او سكين وتتاكدين انها استوت
مقادير الطبقه الثانيه
8 حبات جبن كيري
فنجان سكر
فنجان حليب سائل طازج مثل نادك ندى اللي موجود
تخلط في الخلاط زين ثم نضعها فوق الطبقه الاولى بعد ماتستوي
ونرجعها الفرن مره ثانيه بس هالمره
نشغله من فوق دقايق بسيطه بس حتى يجمد الخليط ويتماسك .
بعدها الطبقه الاخيره :
3/4 كاس ماء
3 ملاعق طعام حليب بودره
2 ملعقة طعام كاكاو بودره(هنتز )
كيس واحد كريم كراميل
توضع عالنار وتحرك جيدا حتى تغلي وبمجرد ان تغلي خلاص شيليها عن النار .
تسكب فوق الطبقة الثانيه برفق ثم تزين بحبيبات الهيرشي والشوكلاته
السائله وتدخل الثلاجه

سبحان الله هذا انتم تطلبون واذا ما ردينا عليكم تزعلون واذا عطيناكم شي ما تشكرون عالعموم مشكور حتى كلمك شكرا ما قلتيها

فراشه2010
لالا ياختي لاتسيئين الظن توني والله ادخل الموضوع انا سايبه الاب توب مفتوح ومكتوب متصله بس ماني عليه ولدي الله يشفيه جاته حاله صراخ والحمدالله هدي وعالعموم ماقصرتي وبكره الصباح اكمل المقادير وابشري بسويه وبقلك ايش طلعلي ولاتزعلي حبيبتي يكفي انه انتي الوحيده اللي عبرتيني وربي يرزقك الذريه الصالحه

هلا بك يالغلا..
جيبي 5سنكرس وسط
ربع اصبع زبده
ربع بيالة ماء
<<حطيهم في حمام مائي
لماتشوفينه ذاب حطي عليه 7تمرات لحد ماتذوب..
جيبي بسكوت دايجستيف ساده وحطي من الخلطه عليه زي الكريمه لاتكثرين ولاتقللين
وزينيه بنفس البسكوت مفتت ..
سهل ولذيذ
____________
حلا2:سهل جدا بس شكله عادي ولذيذ
10ملاعق كبيره حليب بودره شقريه عالنار
بسكوت اوريو3مغلفات كسريها صغار
اخلطيها بنص حليب نستله او لحد ماتعجن وسهل التكوير
خلاص كوريها وحطيها بالثلاجه..طعمه..
يارب يعجيك وتسويه ويبيض وجهك..
دعواتك ياقلبي بالتوفيق وبر والديني..