افكار جديده لرياض الاطفال

اناعلا خريجه رياض اطفال فيه افكار كتيره وممكن تعمليها من ابسط التكاليف زى البازل ودا ممكن تعمليه من الفوم وفيه المتاهات ودا ممكن تعمليه من الورق المقوى وفيه القصه المصوره ودا بتجيبي قصه وتقصى صورها بس تكون كبيره وتكتبي تحت كل صوره الجمله اللى بتحمل معناها بس مش اكتر من 5 كلمات علشان الطفل يقدر يتعلمها وكمان فيه الكولاج ودا عباره عن اللوحه بترسمى عليها اى حاجه زى دبدوب مثلا وتستخدمى فيها خامات البيئه زى قشر اللب وقشر الفستق او ممكن تعمليها بالقطن ودى بتبقي روعه ولكن بتجيبي القطن تقصيه مربعات وتصبغيه وتبداى تلصقيه ولازم تلاحظى الماده اللاصقه الجيده في كل دا علشان متبوظلكيش اى شغل بتعمليه وبعدين كمان فيه ممكن تعملى ماكت لبيت عروسه صغيره بيبقي جميل جدا ولاحظى انى دايما اقولك بابسط التكاليف لانها فعلا بتطلع شغل كويس فيه كمان ممكن تعملى الزواق ودا من الورق العادى بس لازم تعرفي ازاى تقصيه كويس وعلى فكره انا مهمتى كلها انى اعرف الطفل ازاى يعمل الحاجات دى كلهاوعايزه اعرفك على حاجه ان اى حاجه مجسمه بتجذب انتباه الاطفال اكتر والحاجات الحقيقيه زى مثلا انك توديه مزرعه يشوف الحيوانات اللى فيها ولو ماقدرتيش تعملى كدا ممكن تعملى للطفل عرايس مجسمه وتبقى الوانها قريبه للحقيقه ومن خلال العرايس دى تعملى مسرحيه للطفل من تاليفك انت بس برده لازم تشوفى الالفاظ الجيده اللى هتقدميها للطفل لان الطفل دا اى حاجه بتتخزن في ذاكرته ...........................................