افكار جديده وموضة السنه هذي اللي دارجه عندي بالبوتيك

1. ومن الرسمات اللي تترسم على الجلود :


2. 1/ ممكن يترسم شكل القيتار وحواليه شكل الايقاعات

السلام عليكم ورحمة الله وبركاته
كيفكم يااغلى فراشات ان شاء الله تكونو بصحه وعافيه يارب
حبيت اشارك اليوم بمشاركه ان شاء الله تنال على رضاكم
طبعا اللي بقوله لكم هوا سر من اسرار مهنتي لاكن الغاليين امثالكم مالهم الا الغالي
موضة الموسم هذا واللي دارج عندي بالبوتيك الحراير والشيفونات والجلود الملونه والساده وبقولكم طرق ان شاء الله تكون سهله عليكم وتسوونها
1/ بالنسبه للشيفونات الملونه والساده ممكن تسوينها على هيئه دروع وسيعه من فوق الجسم ومفتوحه من الجوانب من الاسفل ومن تحتها بما انها شيفونات وخفيفه تلبسين بدي مناسب لها وبنطلون وممكن تزمين احد اطراف الدرع زمه بسيطه بحيث يبان البنطلون اكثر بوضوح وممكن تخلينه طويل وبيصير زي شكل البنجابي بس بجد شكله راقي
2/ الحراير تنعمل على شكل بلايز اما حرير ساده واما ملون وتتقصقص بعشوائيه من الاسفل بحيث يصير لك شيء طالع وشي نازل ومن الاكتاف والكم ممكن تخلينها على شكل موديل الفراشه او مفتوحه كامله بحيث يبان البدي من تحتها والبنطلون وممكن تعملي حركه من عند الصدر بعد التقطيع من الاسفل تزمي ببساطه الى الاعلى بحيث يصير لك مدرج الموديل ونازل بعشوائيه الى ماتحت الركبه
3/ بالنسبه للجلود الملونه تعمليها على شكل بدي ماسك على الجسم وترسمي فيها رسمه معينه وتلونيها بالوان القماش وتشتغلي عليها بالفصوص جدا هذي فخمه وروعه في اللبس وتمسكيها من عند الرقبه بسلسال بحيث تكون ثابته معك
4/ وممكن تعملي بالجلود على شكل تنوره قصيره جدا ولها مسكات من الجناب هذي الفكره ممكن تلبسيها فوق البنطلون بحيث تدي شكل جميل من فوق اللبس تبعك طبعا بعد رسمها وتركيب الفصوص عليها
5/ ممكن تقصقصي الحراير او الشيفونات بطريقه عشوائيه وتحرقيها حرق بالشمع كمان فكرتها جدا غريبه ورائعه

ومن الرسمات اللي تترسم على الجلود :

1/ ممكن يترسم شكل القيتار وحواليه شكل الايقاعات

2/ وممكن ترسمي الشكل الافريقي وجه افريقي مفصص ومعمول بطريقه حلوه وممكن تدخلي بالرسمه الريش على الراس الافريقي وعلى لبس الافريقي ممكن تعملي قماش جلد النمر وممكن تركبين كل شغلك هذا في البوت اللي راح تلبسينه انتو بكرامه بيطلع من جد افريقي
3/ ممكن يترسم الاهرامات المصريه على نفس الجلود وحروفهم الغريبه من حولها او في جمب معين من قطعة الجلد
4/ وممكن بالنسبه للبنوتات الصغار تستخدمي الجلد وترسمي عليه الباربي وبرضه تلونيه وتسوين له فصوص بيطلع جدا راقي ومن تحته ممكن تسوين لهم تنورات قصيره وممكن فستان ساده منفوش من تحت بالنسبه للعيد
5/ممكن كمان ترسمي قاع البحر او السماء او النار ............ الخ اخره
ممكن هذي الرسمات حتى على اقمشة الشيفونات والحراير ترسميها بس الساده مو الملونه
حبيباتي ارجو انه يكون موضوعي مفهوم لكم وسامحوني لو ماوصلت لكم المعلومه بوضوح واللي تبغى تستفسر عن اي شيء انا تحت امرها
وتقبلو تحياتي