افكار دخلات عروس روعة

جايبة لكم اليوم افكار خلات جونان
شفتها بمناسبات انا رايحتها
((( الليلة الفرحة ملت واسع الكون )))
الليلة الفرحة ملت واسع الكون
وهلت لنا مزون الغلا عذب ماها
الليلة لشمعة حياتي يزفون
وتكحلون عيونكم من حلاها
والطفلة اللي جت تمشي على الهون
تهدي لها عطر الورود وشذاها
ورود حب و كل وردة لها لون
وعلى محياها البراءة تباها
و اذا سألتوا نور عيني من اتكون؟
وكيف املكت قلبي وذاب بهواها؟
اليوم لا طلت عليكم تعرفون
منهي و وش سر الغرام و غلاها؟
تمون لو تطلب نظر عيني تمون
تزعل علي الناس و اكسب رضاها
الغالي اللي تطلبه مني يهون
روحي و قلبي و المشاعر فداها
"اسم العروس" تحط عروق قلبي لها اغصون
واصدق شعور الحب يروي ضماها
الزينة اللي حيرت كل مزيون
تمشي و كل الزين يمشي وراها
ما الومكم لو من حلاها تغارون
الله وهبها الزين و الله عطاها
وش تذكرون بزينها و وش تخلون
من راسها حتى مواطي حذاها
ما كنت احسب ان المشي ذوق و افنون
لين اقبلت "اسم العروس" ترتب خطاها
وليل الجديل اللي تمايل على امتون
وغطا نحرها بالظلام و كساها
و الضحكة اللي تحتها الدر مكنون
و البسمة اللي تنرسم في شفاها
هو جسم و الا خد و الا هي عيون
متميزة بالزين عن من سواها
لطلتك كل الحضور يتحرون
ويبغون شمس الصبح ترسل سناها
طلي و خليهم لزينك يشوفون
يا "اسم العروس" سنيني و مصدر ضياها
طبقت القصيدة اللي فيها وطفلة صغيرة جات تمشي على الهون
وكان العريس ماسك بيده سلة ورد والعروسة على نهاية الممر في قفص خشبي مغطى بقماش
وعلى جوانب القفص ولدين ماسكين فرش احمر .
والعريس مايشوفها .
العريس اعطى البنت سلة الورد وكانت القصيدة شغالة حقت طفلة تمشي على الهون والطفلة ترش الورد
بطريق العروس بعد ماوصلت الطفلة ضربت القفص بعصا سحرية وانفتح باب القفص بعد ماوصلت القصيدة لكلمة طلي عليهم
والولدين فرشوا الفرش الاحمر بطريق العروسة والعروسة مشت عليه وبعد ما وصلت اشتغلت زفة لجواد العلي
وكانت الزفة والله جونان
((( ملكات الجمال)))
كانت الزفة كانها حفل تتويج ملكات الجمال
شغلوا فيها شعر بأسماء بنات (اميرة الورد - شيخة الزينات - الدلوعة - الملاك - المغرورة - المذهلة - الغالية - أحلى البنات )
كل بنت لها بيت في القصيدة لما يقولهم تخش وعليها تاج ووشاح مكتوب فيه اسمها
بعدين تجي ابيات يوصف فيهم الملكة وتخش العروس وتبدا موسيقى وهي تمشي لما توصل نهاية الممر
يقول واالان تتقدم احلى البنات للتويج ملكة الجمال لحفلتنا
وتجي بنت ماسكة مخدة عليها تاج الملكة وتوج العروس
وبعدها تبدا زفة البدر
.....................
((( زفة مراحل القمر )))
رسمنا فيها على فلين ولوناهم مراحل القمر ( هلال بداية الشهر - نص بدر - بدر - هلال نهاية الشهر)
وركبنا بنهاية كل مجسم عصا .
وكان الاسطوانة فيها ابيات الشعر هذي بصوت شاعر وبعدها زفة البدر لراشد الماجد
في بداية كل شهر نحتري طلته
كل عين تتسابق لشوفته
يازين سمانا تتزين ببسمته
و(اخت العروس) علينا تمثل دخلته
تتسارع الايام وتكبر ضحكته
ويكون نص البدر بأجمل حلته
(أخت العروس2) بحلاها تمثل رسمته
يازينها لما تعادل نظرته
يوم 14 (اسم العروس) بحلاها
هي بدر حفلنا وفتنته
ياحسنها ويا ماأحلى خطاها
قمر وهي حفلنا بطلتها نورته
يدخل خوات العروسة حاملين المجسمات وتدخل العروس بعد اللي حامله البدر على كلمات الاسطوانة ...
...
((( زفة البشت )))
عندي فكرة بسيطة كنا بنسويها في زواج اخوي بس ماسويناه
وهي أن أخوي وابوي واخواني يدخلون مع بعض على زفة يامعيريس عين الله تراه
بس اخوي مايكون لابس بشت
الكل راح يتسال اي واحد فيهم العريس
بعدهاا ينفتح الباب وتدخل امي وبيدها البشت على جلوة
عشت ولبست البشت ياوليدي
وتوصل عندهم وتلبس اخوي العريس البشت
بعد تشتغل الزفة المعروفة لا اله الا الله
.....
((( زفة الدانة )))
الكوشة كانت عبارة عن بحر وقواقع متناثرة فيه ولونها بحري
على انغام موسيقى واصوات البحر يدخل
على الممر ست بنات حاملين بيدهم سنارات فيها توزيعات الحلويات معلقة
ويوقفون على جوانب الممر ..
بعدها يعلى صوت الامواج ويفتح باب القاعة
ويدخل مجسم حاملينه عشر بنات على شكل قوقعة وبداخله ا7لعروس بس مغطى
على انغام اغنية محمد عبدو ( يا دانة بعين بحارك ترى الأحساس ربانك ادم & حواء. ... يا دانة بعين بحارك ترى الأحساس ربانك. وانا ربان هالمركب وأفني رحلتي عندك وحطيت الأمل عندك ...)
وتفتح القوقعة وتطلع العروسة وتمشي على الممر ...
بعدها تشتغل أغنية محمد عبده ( الله أكبر يوم ضحكت نادت محمد ... ) عشان العريس كان اسمه محمد
ويجي العريس ويمسكهاا ويمشون للكوشة ...
...............
((( زفة نجمة البحر )))
اول حاجة اطفال اربعة حاملين معهم عدة البحار القديمة سنارات وشبكات والذي منه ...
ولابسين فوق راسهم قترة لافينه وملابس داخلية فوق وتحت وزار مادري اذا تعرفونه
يعني لبس البحار القديم ....
يدخلون من باب القاعة على نغمة موال آوه يامال ...حق البحر
يوقفون على بداية الممر ويرمون الشبكات بعدها ينفتح باب القاعة ويشتغل الدخان
وتطلع العروسة لابس فستان فيه نجوم وعليها شبكة الانوار اللي تشتغل بس تنتبه على نفسها لا تولع
وتكون تبرق وسط الدخان ....
ويسحبون الشبكة الاطفال على اساس انهم طلعوها من وسط البحر
وتوصل عن بداية الممر وتشيل عنها شبكة الانوار ويمسكون ايدها الاطفال ويوصلونها لزوجها اللي واقف
بنايهة الممر.....
.........................[
منقول