اقري الموضوع يمكن تفيديني الله يخليك

السلام عليكم ورحمه الله
بصراحه اخر الحلول عندي اني اسجل بالمنتدى قلتلكم الصراحه انا مشكلتي مشكله وكل اللي حولي
محد راضي يساعدني ولا احد مهتم يبي يسئلي يضحكون علي يوم اتكلم بالموضوع
انا ابي ادرس ماجستير اداره واعمال بجامعه الملك سعود بالرياض وتخصصي لغه عربيه انا من خارج
الرياض وماحصلت احد اسئله حاولت ادور بالموقع تبع الجامعه بس للأسف ماحصلت شي
ارقام الجامعه ازعجتهم محد راضي يعطيني خبر
ايمييلات وارقام الدكتورات اللي مسجله على الموقع اخذتهم وراسلتهم ولا احد رد علي
تكفون طلبتكم مالي بعد الله الا انتم
متى التسجيل بالماجستير للتعليم الموازي لاني مامعي مرتبه شرف عشان كذا لازم اسجل بالتعليم
الموازي مو العادي حسب مافهمت
ابي التسجيل متى وايش الاوراق المطلوبه وهل يحقلي اقدم ماجستير عادي
ابي فزعتكم تكفون
رحت امس لريااض مع عمي وانصدمت بعد ماترجيته اروح معه لان عنده شغل نزلني بالجامعه يوم سئلت قالو روحي لفرع اللي بعليشه وانا بفرع الملز دقيت عليه قلت تعال ودني هناك اخذني بعد لطعه محترمه بس مسكنا خط الدمام وهو يضحك
وربي لاأدعيلها اللي تجاوبني تكفون لاتخلوني والله مااعاد بيديني شي
انتظر ردودكم بفاارغ الصبر