اكسري كل الحواجز بيننا

وقفت بآخر الشارع اعد الوقت وانتظره
......................... وانا شايله معي ورده وحلم وكلمتين عتاب
يمر الوقت يتمخطر ويمشي خطوته بطره
......................... تقول انه يذكرني بجرحي اللي ابد ما طاب
احرّك عقرب الساعة وكدت اتسبب بكسره
......................وانا اراقب الوقت وحسبه يعمل للثواني حساب
بغيته ينقلب فارس يسلّ السيف من خصره
.......................ويقتل ما بقي من وقت يهدّي قلبي المرتاب
ورجعت اشوف هندامي ارز الطرحه والغرّه
.....................ابي اسمعه يمدحني وابيه يزيد بي الاعجاب
احط شوي من عطري واحط اشوي من عطره
.....................لعلّه ينتشي مثلي و يفتح للمعانق باب!
سرحت بجنة احلامي أمنت لوقتي ولمكره
......................واثاري نيته لي سودا و صدقه غادر و كذّاب
صحيت أناظر الساعة واذا هي عدّت العشرة
.....................و اقول اش أخّره عني ؟ علامه سيد الاحباب
بلومه لاحضر هالحين وقام يقول لي عذره
...................واطنّش حيل واتغلّى وانا احس ان فؤادي ذاب
جلست اراجع الماضي واذا هو ما كذب مرّه
....................و لقيت اني ادور له عذر اقوى من الاسباب
تناظرني عيون الزين ولا ادري وش ورا النظره
....................اظنّه عارف و ساكت علامه عن عيوني غاب!
حبيبي انقضت ساعة وصبري انقضى صبره
....................وحلم انولد توّه اشوفه في عيوني شاب
نشف دمي وانا واقفه ولا اظنه بقى قطره
.................ودمعي انسكب ما قدرت امسك دمعي المنساب
ولاجل ذرة امل بقيت ..نويت اجلس الى بكره
....................لعلّه يذكر احقوقٍ يبيها اقرب الاصحاب
وقام الصبح متثاقل يجرّه في كسل فجره
................ يقولّي : اعتقد قلبك من ذنوب المسرى تاب
جمعت حبات دمعاتي وبلعت غصّة من الحسره
................وقمت ابكي على هم انحفر في داخل؟ي سرداب
صرخت انادي على نفسي وش اللي باقي انتظره
...................مشيت و داخلي همٍّ و حلم و كلمتين عتاب
ياجميلة الكلمات ابدعتي

مشكوره أختي دانة العشق على مرورك .. دمتي بود

يعني مادري شكل الخاطره ماجازة لكم.. عطون ارائكم حتى لو انه نقد فمنكم نستفيد.......

كلمات رائعه من انسانه اروع...
دمتي ذا قلم مميز..
ننتظر جديدك..

مشاء الله القصيدة مره
حلوه
نتمنى لك الاستمرار :rose16:

تسلمو على المرور

ما شاء الله تبارك الرحمن الخاطره رائعه ومعبرة ......
والقصيده جميلة جميلة جداً جداً ......
الله يسلم يدك....

اختي الواقع الاعمى اشكرك على مرورك

عندما نصرخ بكسر الحواجز
يجب أن نكون على أستعداد لما سيكون بعدها
هل ستهب ريح تقتلع قلوبنا
أم نسمات تدغدغ مشاعرنا
روح القلم
بداية موفقه غاليتي
وهنيئا لكي بتلك الصحبة الرائعه
وماهذا ألا دليل واضح لصفاء سريرتك
ونقاء روحك
وحبك
وصدقك بالعطاء
وتقبلك للنقد أمر يدل على هذا
تقبلي مروري للمرة الأولى بمتصفحك ودمتي بحفظ الرحمن
هباوي*