الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
أميرة حسام
20-08-2022 - 06:12 am
الفلسطينية
طبعا لازم قاعة ...
مش مهم بفندق بنادي بالشارع ...المهم قاعة...
وطبعا
بيبدأ العرس ومش مختلط ... وكل البنات لابسين أحمر أو ذهبي أوفضي .... ودايما يتصير طوشة على الكيك فلانة اخذت وفلانة زعلت عشان ماضيفوها ... يعني قصة وسلامة قيمتها.... وفي الحالتين ما وحدة بتطلع الا ومعها انتقادات عن كل الموجودات...
وخمسين أم بتلف عالطاولات بتدور على عروس للنضوة ابنها...
واذا مالقت عروس بالعرس بس تروح عالبيت بتحضر فيديو العرس مرتين وعشرة عشان تتأكد انو ما نسيتلها بنت متخبية تحت الكرسي ما شافتها
وفجأة بيدخل العريس وأبوه وأخوانه واولاد عمه
واولاد خاله وكم واحد من
اصحابه الصيع .... وكلهم لابسين بدلات الشغل ..وهات اللي يطلعهم لآخر العرس...--------- -
الأعراس اللبنانية :
ألف بنت وخمسين شاب .... ونص الشباب
سكرانه ... والمسترة لابسه ميني سكيرت وحفر...
الشباب بدل من دون ربطة ....
والقميص مفتوح وسلسال ذهب ....
والعروس أكتر وحدة بترقص بالعرس...
العريس بيرقص مع صاحبته .... والعروس مع أخوه
وإم العروس مع خاله ... والحياة حلوة ...--------- -
الأعراس السورية :
العرس صغير .على الأقل200 شخص لأنه ما لحقوا وعاملينها عالديق لا تواخزونا...
وطبعا كل العرس شباب وصبايا ...وعلى كيفك
الجينز .... والبنات اللي بكونوا شادين الهمة بالرقص هنن من طرف العريس .....تارة من أهله
وتارة صاحباته...
البوفيه عالقد ... ولازم سيارة الزفه بي ام...
ومن أول العرس لآخره دبكة علوش ..--------- -------
أعراس الأردن :
كانك داخل على عزا الكل مكشر
وما بتشوف سنهم غير على منسف
خمسين طاولة ... كل طاولة عليها خمس رجال ... ومناسف اللحم قدامهم محطوط عليهم راس بلدي
واللحم الي عل منسف الله اعلم
استرالي ولا بلغاري
وشرب يا ولد...
غير الطخ الي شغال عن جنب وطرف ...
والله يهدى بالهم قبل ما يذبحولهم حدا ...
عشان بعد العرس ما ينشغلو بعطوة وجاهات.....
مع إن البعض بيتمنى هيك يصير عشان ياكلولهم منسف مرة ثانية
والله لا يورجيكم ام العريس لابسه المدرقه السودا ومو عاجبها لا العروس ولا اهلها--------- ----
أعراس المصريين :
الكل بيرقص والشهادة كل بناتهم خبرة ... لكن لازم يجيبولهم رقاصة وقشطة يا معلم ... وما بتسمع غير الزغاريت وعقبالك يا فاروق ، والله يخليك يا معلم ......
والعرس إما بنادي الماء والكهرباء او النادي السياحي ... وبس لما سكروهم عزف المصريون عن الزواج ...--------- ----
أعراس السعوديين :
خيمة كبيرة او قاعه كبيرة ... فيها ألف واحد لابسين عبايات .... وكل واحد شايل سيف ومفكر حاله نمر بن عدوان
وبعد هيك بتبدا الحرب مع الرز واللحمة
والله لا يورجيك
الدهن للكوع - والرز للركبوخير الله واجد--------- ---
اعراس السودانيين:
العريس طبعا غافي ، والعروسه بتريح شوي ، والمعازيم نايمين ..، والنور مطفي ..والحياه ظلمة ، والي بيصحى بيروح وبيخلص العرس ... والدخلة عادة بدها ليلة اما على نشاطهم بدها شهر ... والعجيب كلما يخلفولهم ولد بيطلع شبه اخوانه ... سبحان الله . و دي حاجة عجيبة والله--------- ---العرس الأجنبي
بسيط ومريح جدا ... دبلة وفستان ... والمعازيم لمم بنعدو على الاصابع والكل سكران وما على لسانهم غير أوه .... واو .... ومش عارفين ليش... اما العروس فحرام نظلمها .... أي نعم حامل لكنها متأكدة انه ابن هذا العريس... واصحابها السابقين بيكونو معزومين طبعا والي بيحب يحضن يحضن واذا بدو بيبوس ... والله يهدي النفوس just for fun
التعليقات (7)
الله يسعدك من جد حلوه
سبحانك اللهم وبحمدك ، أشهد أن لا اله إلا أنت أستغفرك وأتوب إليك
بسم الله الذي لا يضر مع اسمه شئ في الأرض ولا في السماء وهو السميع العليم
سبحانك اللهم وبحمدك ، أشهد أن لا اله إلا أنت أستغفرك وأتوب إليك
بسم الله الذي لا يضر مع اسمه شئ في الأرض ولا في السماء وهو السميع العليم
محل بيعمل كوش تجن وربي شي خيال لايفوتكم ياعرايس→
والله ماقصرتي..
تخيلوا عاد انا سعودية وفلسطينية واردنية
فمجمعه كل الآصناف
تسلم يدك ياقلبي على الموضوع الله يسعدك يارب