البنات المتملكات امانه عليكم تدخلون تقولون لي رايكم وتساعدوني بانجن

السلام عليكم فراشات
كيفكم ان شاء الله بخير
انا داخله على الله ثم عليكم تسااعدوني وابي راايكم
انا متملكه من 3 شهور واكلم خطيبي ويجيني وهو يقرب لي بس لما اكلمه كأني اكلم
واحد من اخواني بالضبط يعني مره على طبيعتي امي واهلي يقولون بالله
هذي وحده تكلم خطيبها يعني اسولف معاه واضحك بصوت عالي صح والله اني
ناعمه وخفيفه دمم بشهاده الكل بس ماحب حركات التدلع ومدري ايش اللي
يسونها البنات مع محاريسهم يعني اكلمه عادي مدري فهمتوا علي ولالا يعني ما
اتغزل فيه وادلعه وكذا لا بس يعني ذا قالي كلام حلو يضيع وجهي اقوله الله
يسلمك والله يخليك وبس ههه استحي اقوله هلابك ياقلبي حياتي
عمري الخ مع اني اقولها للكل عادي على لساني بس هو لا بس ارسل له رسايل
حلوه واسمعه اهداءات
المهم انا على بالي انه عاادي بس كم مرره لمح لي على هالشئ واني ما اقوله كلام
حلو>>ياربيه ذبحهم الغزل هالسعغوديين ههه
المهم انا كل مره اقول باتعدل وترجع حليمه لعادتها القديمه ويوم جااء اليوم
رحمته مره وانقهرت من نفسي بس والله مدري وش اسوي ودي
اصيح
يقول لي لو انتي تبادريني بالكلام الحلوو كان تشوفين مني هبال بس انتي مااش والله حسيت كلامه طالع من قلب وهو يقولها وكم مرره يقول لي انا اعبر واقول كل شئ بخاطري بس انتي لا
والمشكله الثانيه يقول انا عاجبني حيااك مره بعدين يقول ليه تستحين مني سمعني كلام حلوو ياقلبيه بس وشلون ذي تجي
صح انه هو موب ذاك الزود يعني تحسينه شوي يستحي وماتعود يقول يعني موب من الرجال المنطلقين مرره كان جرئني بس انا برضوا ثقيله دم ههه
ياربيه بنات ابي رايكم الله يخليكم استمر على حالي الين اتعود عليه واتزوج وافك عليه مرره وحده ولا احاول اغير ولا وش اقوله ولا وش اسوي قولوا لي اي شئ وربي انه ضايق صدري مره
لاتدخل وحده الا راده علي