البيتزا بدون عجن وبدون خرابيط للكسولات مجموعة الموج الأزرق

1. ماعلينا ,,, خلونا في المهم,,,


2. أها المهم,,,

طبعا بما أننا مازلنا في الصيفية,, ومازالت الغالبية العظمى منكم يسهرون الليل وينامون النهار<<<< أنا من الغالبية العظمى ترى وزي ماتقول أمي ((( الموت مع الجماعة رحمة))) بس في الصيف ماتقتنع امي بهالمثل وتهزأني يوميا عالسهر,,
المهم أكيد كلكم آخر الليل تزورون المطبخ وتطلعون ثلاثة أرباع المواعين وتحوسون وتحوسون وبالأخر تطلعون بساندويتش جبن
المهم هذي ظاهرة خطيرة بدأت بالانتشار السريع وهي انه اللي يسهر يشتهي ياكل وكل شوي داخل المطبخ وأنا مرة قريت انه السهر يفرز هرمون يسبب الجوع وعشان كذا طول الوقت ناكل,,,

ماعلينا ,,, خلونا في المهم,,,

أها المهم,,,

أنا اليوم جايبة لكم طبخه سريعة سريعة تتسوى بدقايق وتطلع روعة لاساندويتش جبن ولابيض,,, طبختنا اليوم نقدر نسميها بيتزا بس الجديد وين؟؟؟ انها بدون عجن وهذا أهم شي للي تكره الطبخ أو ماتعرف أصلا تطبخ <<<< لاحد يضحك
طريقة الإبداع:

• تجيبون(2) خبز مفرود أبيض وتدهنون بين الخبزتين جبنة سايلة أو مايونيز بس لاتكثرون مسحة بس ونحط الخبزتين على بعض.

2- ندهن جبنة سايلة على خفيف فوقهم ونحط كتشب عليها وندهن بس على خفيف وبعدين نحط فوقه قطع طماطم + الاضافات اللي انتوا تحطوها عالبيتزا مثلا زيتون , فلفل أخضر , قطع سجق أو ببروني.
3 – جاء دور جبنة الموزاريلا المبشورة طبعا , ترشونها عالوجه .
4- تدخلون الطبخة الإبداع هذي في المايكروويف للمدة اللي تبونها والأنسب دقيقتين.
صدقوني بتطلع إبداع كإنها بيتزا أقصد بيتزا حتى ريحتها نفس البيتزا تمام ....
ولاتنسون تسوون عصير سنكويك أو تانج أو فيمتو المهم مو بيبسي أو مشتقاته ((( البيبسي مشروب ضار يسبب تآكل العظام وبالذات الأسنان ))) انتبهوا على أسنانكم ..
وبالهناء والعافية ,,,,,,